[مشعل القناص]

السلام عليكم ورحمة الله وبركاته

اخواني الزعماء ) ماني قايل اخواتي ماهم حاضرين مع التحيه لهم
صرحه يوم الاربعاء يوم مهم جدا للهلال لازم الحضور ثم الحضور ثم الحضور انا لما حضرت مبارة الهلال والسد شاهدت محبين قطريين للهلال شي مو طبيعي حتى بعض جماهير السد يشجعون الهلال والله انهم يقول لي يا حظكم عندكم فريق مثل الهلال ..يعني حسدينا على فريقنا ..
اذا حضرت لا تشجع بس احضر واذا حضرت غصبا عليك بتشجع لانك بتشوف سحر الهلال ولا تقدر تقاومه
والله الهلال في حاجتنا والله الهلال في حاجتنا والله الهلال في حاجتنا ...هل تقدر تبخل على فريقك المفضل بالحضور و التشجيع..؟؟
وش الي يمنعك من حضورك يوم الاربعاء يعني بكره الخميس و فلها بتقول مباراة ميلان ومان يونايتد بتخلص مبارات الهلال وبيكون باقي عليها ساعه و10 دقائق يمديك تشوفها والله لا تتدلع على الهلال .. بتقول والله يازين التلفزون اقولك يمديك تشوفها اعاده والا شف الملخص...
والله يا جمهور القرن ويا حمهور الزعيم ليه تشجعون الهلال بالاسم فقط ..؟؟
نبي الحضور يملي الملعب نبي نرعب الإرانيين نبي نقول فريقنا وراه جمهور كبير نبي نخلي اسيا تخاف منا وتجينا

انا ادري البعض بيقراء موضوعي ويطنش لا تطنش موضوعي لو سمحت رد وقل والله ابحضر
وشجع اخوياك واخوانك وعيال عمك وعيال خالك وعيال الحاره وحتى سوق بيتكم قله يحضر

وانا اقول والله ابحضر ..وانت وش بتقول ...بتحضر والا .....في بيتكم....
:

[هلالبه10]

ماني قايل اخواتي ماهم حاضرين مع التحيه لهم
اااخ بس لــو نـــحضرر كان مــترجــيناكم تـــحضرررون لاكــن ادري انكــم ماتقـــصرون

وبتوفيق للهـــلال يارب
يسعدني اني اول وحده ارد عليك يسلموووو خيــو مشعل

[محمد السهلي]

ان شاء الله احضر ...

بس حركة الزلزال تكسر الكراسي النمشان يشتكي من الجماهير


خخخخخخ


بالتوفيق للهلال ...


تحياتي

[الكــــندي]

موضوعك مره رهيب ولاااااااااااااازم من الشعب الهلالي الحضور لان المباره هاذي بذات تحدد مركزنا كي نكون الاول ونزيح اقرب الملاحقين مع العلم ان المباره في ملعب مس كرمان مره قويه بحكم الظروف جمهوهم اللي يجي من كل جه في ايران

[مستر بونز]

يوم الأربعاء سيحدد من هو الفريق الأسيوي صاحب الجماهيرية الأولى

[سلطان نجــــد]

جماهيرنا ستفي بأذن الله

وأتوقع الحضور 80000 بالدرة واللي مقدرو يدخلون 80000 <<< قلت أتوقع خخخخ

بالتوفيق للأزرق

[زعيم رومانسي]

بإذن الله الوعد الأربعاء

ان شاء الله جاي ومعي 13 نفرات // جايين نداهم ... أقول لا يكثر مسوي نكت

الموهم جاييييييييييين يا مس كرمان

[No E7tkak H]

ان شاء الله تحضر والجمهور يحضر


لا توصي حريص اكيد مباراهـ مهمه وبيوم اجازهـ


تشوف جمهور الموج الازرق يوم الاربعاء


وان شاء الله الزعيم يكون بيومه ونشوف مستوى ونتيجه


بالتوفيق لزعيم اسيا

[عـ_ـأشـ_ـق 20 القنأص]

انا ابي اجي من الدمام لعيون الزعيم واتمنى اول ماوصل الساعه 6 القى الي قدام الواجهه والي ورى الاقوال ممتليه ياااااااااااليت

اتمنى من كل جماهير الزعيم الي في الرياض يحظرون ويساندون ناااديهم*_^

عوافي عالموضووع التحفيزي

[هــــــلالــــــي]

اشالله الجميع بالملعب بكرة

[هَـلآليٌ آلرٍوُحَ]

يعطيـك ألف عآفييهَ ،

حآظرٍينَ إن شآء اللهَ ، أنا دوٍآمينَ شفتينَ بسَ بسسحبَ وٍبطلعَ من الدمآم لعيوٍن الهلآل ،

تسسسلمَ أخوووويٌ ومشكور

[هـلالـي @]

تعودنا من الجمهور الهلالي في أي مباراة يكون هو الرقم الصعب في كل مباراة وهو الدافع الاول لهذا الكيان الهلالي و

ننتظر منكم يا جماهير الهلال خاصة والسعودية عامة بالحضور والمساندة يوم الاربعاء لكي يتحقق لنا الفوز بإذن الله ,,,

[al9a6ee]

جايكم من حائل بإذن الله ..
والله لايعوق بـ شر .. وكل شي يهون لـ عيون شبيه الريح
ماقصر معنا .. فـ عيب نقصر معاه ..

وان شاء الله المباراة زرقاء . .مستوى ونتيجة وأداء ..

[الزعيمه****]

انا اول الحاضرين وراح تشفون اول هدف يسجل باسم الزعيمـــــــــــــــــــــــــــــــــــــــــــــــــــــــه ان شالله

[هلالي وراسي عالي 511]

ان شاء الله احضر ... ان شاء الله احضر ...