[الزعيم الناري 0503]

السلام عليكم ورحمة الله وبركاته

في البداية الف مبروك الفوز وعقبال البطولة باذن الله

اللي سمع كلام كوزمين قبل المباراة لما قال انا بقابل الهلال مو برشلونة او مانشستر واللي شاف تشكيلة واداء

السد يكون متأكد انه ماكان مستوعب قوة الهلال الحقيقية وكان يتوقع ان الفوزعلى زعيم اسيا سهل وممكن

وهذا كان من صالح الهلال لان كوزمين بالغ في تصوير قوة السد وقال ان فريقه قوي في الهجوم زي الهلال

مايعرف الفرق بين الدوري السعودي والدوري القطري لما تفوز على الاتحاد المنافس على الصدارة بخمسة

اهداف غير انك تفوز على الشمال اللي يصارع على الهبوط بستة وهذا مقياس القوة الهجومية الحقيقي

كوزمين كان يعتقد ان التغيير في الهلال كان باضافة عنصرين بس على الفريق وهم لي يونغ ونيفيز مايدري

ان اللي تغير هو شخصية الفريق وتفكير اللاعبين والاحترافية في العمل وفوق هذا التشكيلة رقميا هي نفس

التشكيلة 4-5-1 والتغيير كان في ادوار اللاعبين داخل الملعب صار الفريق كل تفكيره في الهجوم اذا سجل

الاول يدور على الثاني يعني الزعيم رجع لعشقه القديم الهجوم وبس

نقاط متفرقة /

* الفوز اكبر هدية لشبيه الريح اللي نتمنى رجعته بالسلامة

* الزعيم اكد المقولة لايهزم الهلال الا الهلال نفسه

* الزوري قدم اداء رائع وعالمي في المباراة نتمنى تقديم المزيد

* ياسر رجع لمستواه في الوقت المناسب وهذا المهم

* الدعيع يثبت ان السنين لاتزيد الذهب الا لمعانا

* نيفيز كالعادة الهدوء يسبق العاصفة

خاتمة / الحمد لله على الفوز وكل التوفيق في المباريات الجاية