[هلالي مكـــه]

السسسسلام عليكم ورحمة الله وبركاااته ... كيفكم .. ؟؟


اللهـــم لك الحمد حتى ترضــى .... ولك الحمـــد اذا رضيت .... ولك الحمد بعد الرضى




* الف مبرووك التأهل للنهائي .. ومو غريب ع الهلاليين .. وان شاءالله تتواصل الافراح يوم

الجمعه ونحقق اللقب الغااالي ...



* مدرري اقول ان المستوى كان مش ولابد .... والا اقول المستوى طبيعي لأنها مباريات

كؤؤس !! بس بيني وبينكم انا ماكنت راضي تمام الرضى عن المستوى خصوصا من

بعض اللعيبه ... ولكن عزانا الوحيد اننا تأهلنا ... وان شاءالله يتحسن المستوى امام الاهلي





* حسن العتيبي ... يقدم نفسه بصوره جيده جدا .. انقذ عدة كراات خطره .. وحتى الهدف

اعتقد انه ماكان بتحمله لأن الحيطه ماكانت مغطيه الزاويه صح ..



* اسامه هوساوي .... كالعاده متميز ...


* ماجد المرشدي ... سلامات ومايشوف شررر ... وان شاءالله مانفقده بالنهائي ... بس احمله

هدف نجران لأن الكره مرت فوق رأسه ... وبدل مايقفز مع الكره ويرفع رأسه .. قام انحنى

ونزل رأسه ومرت الكره واتجهت للمرمى ... ولو تشوفون اعادة الهدف راح تتأكدون من هالشي..





* الزوري .... لايزال يلعب ببرود وبطء شديد .. والعرضيات بدون تركيز ويمكن عرضيه

وحده لعبها صح ...



* لي يوونج ... لايزال الجندي المجهول بالفريق .... انضباط تكتيكي .. ويلعب وفق مايطلبه

المدرب .. ومغطي خانته كالعاده صح ..



* خالد عزيز ... وماادراك ماخالد عزيز .. المفرووض المدرب يفهمه انه يقطع كوره صح ..

وبعدها مفرووض ينظر لأقرب لاعب ويعطيه الكوره وبس ... اما يجلس يتفلسف ويسوي انه

صانع لعب ... هذا شي غير مقبوول .. احسبوو كم كوره يمررها عزيز بشكل خاطئ وراح

تتفقون معاي بهالنقطه ... وياليته مايضيع مجهوداته ويذبح علينا الهجمات بتمريراته

الطوليه الغير فعاله اطلاقا ...




* عمر الغامدي ... اجتهد لكن اعتقد انه يفتقد لحساسية المباريات ..



* نواف العابد ... ماكان بالفوورمه .. لكن تمنيت المدرب يبقيه حتى اول ربع ساعه من الشوط

الثاني .. لأننا احتجنا لسرعته مع التكتكل النجرااني ...



* نيفيز ... اداء جيد .. لكن يعاب عليه عدم التركيز في الفاولات .. والمفروض يركز اكثر

لأن فيه فاولات تكون سهله على لاعب بأمكانياته .. وان شاءالله يعوضنا بالنهائي ..




* ويلي ... اليوم مدري إشبه؟ بصراحه ضيع انفراده ماتضيع ... وكوره لعبها بالرأس الشوط

الثاني كان مفروض يركز فيها اكثرر .. عموما اداءه كان جيد .. لكن مو ويلي اللي نعرفه



* ياسر القحطااني ... اداء ممتاز بصراحه .. واخيرا انفك النحس وسجل الاهدااااف ...

وان شاءالله يستمر بالتسجيل بالنهائي ويهدينا الفووز والكأس ..




* في اعتقاادي الهلال افتقد راااادوي اليوم ... لأن رادوي هو اللي ينظم الهجمات الهلاليه

ولو لاحظنا اليوم كنا نفتقد لبناء الهجمه بشكل صحيح ... ونفتقد للاعب القيادي في خط

المنتصف ... لكن ان شاءالله قدام الأهلي يرجع ويمتعنا ...





* جمهور الرياااض ... ماقصرتو ويعطيكم العافيه .. والوعد يوم الجمعه .. عاد نهائي وكأس

واستاد الملك فهد كبير ويحتااج لحضوور كبيررر ... وياارب تتواصل الافراااح





* رغم ان دخلت لاعب نجرااان على ياسر القحطاني كانت قويه .... بس مفرووض ياسر يمسك

اعصابه خصوصا انه لاعب خبره ... يعني لو انطرد ياسر .... كيف بيكون حال الهجووم يوم

الجمعه؟؟ خصوصا ان عيسى مصاب وماندري يشارك او لااا !!! والحمدلله مرت الحادثه بسلام

بس لازم ينتبه ياسر للاشياء هذي ..





* شاهدنا فرحة النادي الاهلي بعد الفوز ع الشباب والتأهل للنهائي ( من حقهم طبعا)...

ولكن كلنا اليووم اعتقد كيف شاهدنا فرحة الهلال بعد الفووز على نجران كان طبيعيه

ا .... بصراحه قمة الفرق ... والسبب ان الهلال تجاوز مراحل الفرح بالتأهل لنهائي وصار

كل همه كيف يفرح بالفوز بالبطولااات فقط ... وهنا يثبت الهلال انه غير عن كل الانديه




& قبـــــــل الودااااااااااااااااااااااااع &


تــدري وش اللي يجرح القلب جرحيــــن
ويمـــد حبـل الحـزن فيـــك ويشــــده

انـــك تناظــر طفــل مـن غيـــر ابويــــن
يمشــــي ودمعــة سايــل فـــوق خـــده