[Eng. Bader]

بسم الله الرحمن الرحيم

انا ملاحظ اليوم اغلب المواضيع عن الاهلي وعن مستوى الاهلي واسعداداته لنهائي
احب اذكركم ان فيه مباراة اليوم نصف النهائي مع نجران لا يكون نسيتوا

- لا تنسون ان نجران هو الي طلع الاتحاد الي كان من اقوى المنافسين على البطوله.
- لا تتوقعون ان نجران راح يوصل هالمواصيل ويسلم المباراة والنتيجه للهلال بارده مبرده.
- لا تنسون كيف احرجنا نجران في الدوري على ارضه ولا قدرنا نفوز الا بشق الانفس.

صراحة الاجواء في المنتدى تذكرني بمبارة ام صلال واضح ان الجمهور واثق بزياده صحيح الهلال كمستوى لا يقارن بنجران بس بالاخذ بالاعتبار للنقاط الي ذكرتها واضف عليها مباراة نصف نهائي يعني خروج المغلوب مااتوقع انها سهلة.

اذا فيه حاجة تحسب للهلال هي ان المباراة في الرياض على ارضه وبين جمهوره فقط.

فخلوا عنكم الثقه الزايده وخلوا الاهلي عنكم ورانا مباراة اليوم الله الله في الحضور والوعد الملعب.