السلام عليكم
انا في هذا الموضوع ابي نقاش جاد
عن ياسر
رأيي
ياسر لاعب فنان ومن ينكر ذلك
ومستواه في هبوط
لكن فيه ناس تقول للجماهير اللي تساند ياسر (( تطبيل )) !
ويطالبون بعيسى
وهم ايضا يطبلون لعيسى
ويقولون انه دخل ومرر كره ذهبيه جاء منها الهدف
انا الحين ابغا احد يقول لي
ياسر كم تمريره مررها لنيفيز في المباراة
وما سجلها نيفيز
يعني ذنب ياسر عشان نيفيز ما سجلها
هدف نيفيز جاء من جهد ياسر اللي اشغل قلبي الدقاع واصبحت المساحه جيده للتسديد واتي الهدف
اما عن فرص ياسر الضائعه
فهذي تصير كثير واللاعبين بعز مستواهم
فما بالك بشرود ذهني وضغوطات وجماهير وتجريح وسب
(( يا اخوان انا بقيسها على نفسي ويمكن كثير منكم يصير له هالشي .... اكيد الكل منكم يلعب كوره في استراحه .. واكيد تجيه فرص من ذهب ويضيعها ... يقولون له ليه ضيعتها يا فلان .. تقول لهم والله مدري شلون جت.. ))
لا تقولون هذا لاعب وفرق بيننا وبينه
حنا بدون جماهير ولا ضغوطات ولا فيه خروج من بطوله وان خسرنا عادي الدعوى كلها فله وتحدي
لكني بكلامي لا اطبل لياسر
انا اساند اي لاعب هلالي
انا اقسم لكم بالله
ايام نامي وسول الكوري
كنت من اشد الداعمين لهم
حتى اذا ضيع فرصه اصفق له
انا خلف اي لاعب هلالي يواجه مشكله او ضغط من الجمهور
انا اعني ان ياسر يكفي اسمه في الهجوم
لكن انا من وجهت نظري في المباراة الجايه يكون احتياطي ويدخل بداية الشوط الثاني
ومن يذكر مباراة ام صلال قبل موسمين
عندما كان الهلال خسران بهدف
ودخل ياسر الدقيقه 60 على ما اعتقد
وسجل هدفين وفاز الهلال
ياسر متحمس وغير مركز
لذلك ينعكس الحماس والتركيز الغير جيد على اللاعب فيصبح يحاول تقديم شي يفرح الجمهور
وهدف جميل ومهاره .. الخ
لكن عدم التركيز والتفكير يقف كالجدار امام هذا الشي
اذا انا اؤيد لعب ياسر في الشوط الثاني في مباراة تجران
خاصه اذا صار الفريق محتاج هدف
احس ان القناص بيسويها
لا نضغط عليه ونقول احتياط لمدة مباراة كاملة
صدقوني ياسر 45 دقيقه احتياط انها تسوي شي في نفسه
يا اخوان نحن في فترة حصاد ولسنا في البدايه
المزارع لا يترك الشجره حتى تموت ويقول ثمرها ليس جيد قبل وقت الحصاد
ياسر امامه وقت لاثبات كل شي
فلا نريد تجريح وسب وانتقاد حاد
ننتظر ياسر
كل التوفيق للقناص
في الاخير
لا اريد ردود في مسبه لياسر
( بارد وغبي حده احتياط ,, غير مبالي بالجمهور ,,) ومن هذا الكلام
نريد حوار هادئ ولطيف
وان شاء الله للنهائي
تحياتي
MNSSM
الوضع الشجري
