[عاشقي هلالي 11]

السلام عليكم ورحمه الله وبركاته ,,

مساء \ الورد

صباح \ الخير


سلم على الشمس وبلغها التحيه

نور الهلال الليله سطع و انتشى ضيه



وش الجديد .. ؟

الهلال فاز على النصر .. فيه شي جديد ,, ؟

الجديد والغريب ان الهلال ينهزم ..

الجديد والغريب ان الهلال يطلع من البطوله ,,

الجديد والغريب ان جمهور الهلال ينام الليله زعلان ..

والحمدلله على نعمه الهلال ..



فضفضات :

* لو استثمر الهلال نص الفرص الي ضيعها اللاعبين ., لأعاد النصر لزمن الستات

* حسن العتيبي بديل مميز للأخطبوط .. والحمدلله الحراسه الهلاليه بخير ,, سواء بوجود الدعيع او حسن .. ولكن يتميز حسن بالحظور الذهني .. واليوم شفناه كذا كوره خلصها كانت بتكون انفراده

* اسامه هوساوي ,, كعادته في كل مباراه ,, اخاف اكتب كلمه امدحه فيها ,, بس خاف ماتوفيه حقه ,, ربي يحفظك لنا يبو سلطان

*المرشدي قدم مستوى مميز ,, وكتم السهلاوي ,, وان شاءلله دووم نشوف ابداعك

* لي يونق ,, الشايب الزاحف بالله عليكم هذا ركض واحد عمره 32 >> ماشاء الله عليه

* خالد عزيز .. من افضل اللاعبين اليوم .. مشالله تبارك لله .. اعاد لنا ذكريات المحارب قبل سنتين

* نواف العابد .. ياخي انت قليل ادب قاعد تسحب بواحد كبر ابوك ,, وش سويت بالدوخي يا مجرم ههه

* رادوي مميز دائما ,, ولكن الطرد ,,

* تياقو نيفيز , , لعب مباراه من افضل المباريات الي لعبها مع الهلال .. ابدع وامتع وسجل هدف عالمي >> انا متأكد ان خالد راضي يدعي عليه الحين

* ويلي ,, جته كورتين بالراس ,, ما عرف يتعامل معهم صح ,, ولا كان بيصير فيهم كلام ثاني ,, يكفيني من المباراه هدفه وخمته لعيسى



* جمهور الهلال ,, دايما انتم سر انجازات الزعيم ,, من القلب شكرا لكم