[نظرة عيوني زرقاء]

بسم الله الرحمن الرحيم

بني هلال السلام عليكم ورحمة الله وبركاته .....اما بعد

نحمد الله ان المبارات كانت كما احب ويحب كل عاشق

المهم في المبارات الناحية النفسية العالية والواثقة والطامحة والعالية

فكان الفريق كانه يلعب مناورة بينه وبين رديفه بملعبه هدووووووووووووووء برزانه عالية وجدية مبهره

الفريق من ناحية تحليلية :

1- حسن العتيبي : ماشاالله تبارك الرحمن الطيب بالعتاقي مبهر وتركيز رائع مع الكرة وخروج مدروس وموفق بدرجة امتياز ....ويارب توفي الادارة الهلالية حقك ويعطونك كل اللى تطلبه مو كثيرة عليك فدوة عيونك.

2- الكوري : الله يهديه للاسلام آميييييييين يارب كامل والكامل وجه الله مقاتل بفن وهندسه هجوم ودفاع برتم عالى الله بسسسس لايغير عليك .

3- المرشدي : أأأأأأأأأأأأأخ بس منك يابعد حيي تهبل وش زينك وملحك يا كاتم انفاسهم .

4- أسامه : رائع لكن يعاب عليك البارح برودك وثقتك المبالغ فيها في المناطق الحرجة أسامه خلص اول باول يرحم والديك لاتكب عشانا .............وتظل اروع من لعب في مركزك .

5- الزوري : لابد تاكل طحنية ابو ناااااااااار علشان تسخن بدنك وتشيل من البرود الرهيب اللى فيك يا اخي وش فيك لابد ترسل فاكس علشان تاخذ قرار بتمرير الكرة بعدين انت تعرض لمن ؟!! خلك احليل واعرض عرضيات متوسطة الارتفاع وقوية جدا وحاول تكون من الداخل للخارج او من الخارج لكن بطريقة الموزه ((موزية ))


6- خالد عزيز : ياويل قلبي عليك جنرال وارتح ضابط ايقاع متزن انت اروع من لعب البارح تستحق كل الشكر والتقدير ..........لكن يا خالد خلك وفي.!! وربي ان تكون انت وبس !!!

7- رادوي : رائع يا فتى روما ...لكن افتقدنا مهارتك بالتسديد لاتبخل علينا كحل عيوننا بكم وحده في كل مباراة .

8- نواف : كل يوم تطلع لنا بجديد يا نواف اهتم اكثر بالعبة الاخيرة يا نواف (( تمريرة الهدف ))

9- نفيز : اسال الله العلى العظيم ان يعجل بهدايتك للاسلام آمييييييييين يارب
وش اقول وش اخلى تملا العين وتفيض لاعدمناك موراوغ بحكمة تمرير متقن وكل هذا بكفه وتصويباتك بكفه ياروعتك وانت تسويها لوا انا بثيابك كان وحده امررها ووحده اصوبها قووووووووول .

10_ ولى هامسون : مع ان البارحة مو ليلتك لكن تضل علامة فارقة للكتيبة الزرقاء وتوقعت البارحة ان تسجل والحمد لله سجلت .

11- ياسر : كسير ...!! الله يكون بعوننا وعونه............فيما بعد لانه يبي جلسه لحاله .

12- عيسى المحياني : اعلم ويعلم كل هلالى انك ضحية قنعات المدرب .

انت فتى صندوق راااااااااااااااااااااااائع كاجمل ما يكون .....ومع ذالك لابد ان تصنع الفرق في كل مره تشارك أقرا بعيونك الطموح والجد تمريرة الهدف تدرس يا طلق المحيا .


وشوشة مقهور

المحيا داخل الصندوق مهما كانت الظروف .

ياسر يناوش خارج الصندوق وان دخل لايبطي ويطلع احسله واحسلنا

نفيز من نص ملعبهم لاعدمناك سدد وخل الباقي على المحيا هو يدبرها ان ماجت .

ولى ادخل وخلها مره للخارج ((ياسر)) ومره عرضية للهدف طبعا ((للمحيا ))

الزوري استريح ومررها مباشرة بس خلها متوسطة الارتفاع .

ودمتم بفرح على الدوام