[**سفيرة الهلال**]

بسم الله الرحمن الرحيم
شعب الهلال العظيم
مابطول عليكم مباراة الهلال والجار اشبعت طرح من بعض الأخوان الله يعطيهم العافيه وأنا نزلت هالموضوع من باب رفع الهمم وأريد ايضاح بعض النقاط
بسم الله نبدأ:
حسن العتيبي.. حارس رائع بإمكانيات عاليه لاعب إحتياطي وأراد إثبات نفسه وأستطاع بكل جداره على إن مباراة الفيصلي لم تكن المقياس الحقيقي ولاكن يكفي كاس فيصل اثبت نفسه بكل استحقاق(خير خلف لخير سلف)..
المرشدي..كان غايب في مباراة الإياب وأثر غيابه كثير ككاسر للعرضيات وجميع أهداف الجار كانت عرضيه وأتمنى وقوفه كسد منيع امام العرضيات النصراويه..
اسامه &لي يونق..مابكثر كلام فيهم كفو ووفو وينعملهم الف حساب والدليل أهداف المنافسين قليل ماتجي من جهتهم بخلاف جهة الزوري والمرشدي..
الزوري..راجع حساباتك يابطل أهداف الخصوم من جهتك،أن تصنع الهجمات بشكل رائع بس تضيع علومها بالنهايه..
ولي..لاعب متحرك وخطير بس يذكرني بطارق مع مرور الوقت صار لعبه مكشوف يراوغ بعدين يسحب يمين لدرجه كراته صارت تنقطع وجهته ماصار لهاتأثير أتمنى إنه يتحرك في الجهتين لتشتيت الخصم..
نفيز..أنت لست صانع ألعاب ولست مراوغ حتى لم يستفاد منك بكرات ثابته الا في كم مباراه(مباراة القادسيه_مباراة الشباب_مباراة الفتح اياب) اين الباقي جيع كراتك الثابته الى السراب، أكتشفت ياأخوان إن أناني من خلال لعبه ومغرور من خلال القاءات الصحفيه خاصه عندما يريد نزع لقب الهداف ولاحظوا أصبح لعبه سريع من غير تركيز تسديدات من خارج المنطقه غلط رغم انه ساعات يجيك لاعب فاتح جهه يمين او يسار أنا كل خوفي يصير عاله ماعنده صنعه هجوميه بس يرجع الكوره خلف اذا تورط بس عندي أمل يقدم مستوى نفس مستواه في مباراة الشباب والاتحاد لان قام بدوره في صناعة اللعب..
الشلهوب..برغم نزول ستواه الا ان فيه ميزه حلوه خلخلت دفاع الخصوم بتمريراته وهذي ميزه بتكون حلوه إذا جاك لاعب متركز في مكان مناسب شد حيلك ياموهوب..
رادوي&عزيز..عمالقة المحاور في الهجوم والدفاع في حال مشاركة عزيز لن يتم اختراق الوسط أبدآ..
ياسر&المحياني..والله ياسر برغم انه مايسجل بس يجي منه سحب مدافعين وصناعه للعب وفتح جهه للاعبين الخلف يعني مسوي شغل ولاتنتقدونه والمحياني تأثيره بالكوره موذاك الزود بس حلاته داخل الصندوق ليت يجلس فيه ولا يطلع لأن شبه فاقد الامكانيات الفرديه والصناعه..
هذا لاعبينا أماالنصر وربي ماعندهم ماعند جدتي اللي بدقق بلعبهم بيكتشف ان عندهم فراغات ومساحات واسعه لو يستغلها المدرب بالعب السريع بنحسمها ن الشوط الاول وبعد ضعف ارتداد لاعبين الدفاع في الهجمات المرتده وكان هذا واضح في جميع مبارياتهم خاصه مباراة الشباب..
وإذا على اجانبهم مافي واحد نسمي عليه مافي الا غالي ويبيله كرت أحمر وبالراحه يجي لاعب عصبي بس أخاف الكرت ينقلب على رادوي فلازم يملك أعصابه..
بإختصار أنا ماأقلل من امكانيات الخصم بس هذا الواقع لاعبينا يبيلهم روح وعدم البرود ولازم يستغلون الفرص حتى الكرات الثابته انا أفضل يوكلونها لرادوي لأن أثبت انها تخصصه..
أتمنى التوفيق للهلال وأنا كلي ثقه بتجاوز الجار وتجاوزنا للنصر يعني حسمنا للبطوله في ظل امكانيات الفرق الاخرى..
أتمنى ذكرت المفيد ولعلي أتيت بجديد وكل التوفيق للهلال العنيد..
تحياتي لكم..
**سفيرة الهلال**