[3nezawi]

..


بسم الله الرحمن الرحيم


أنا أول مرة أكتب موضوع باللهجة العامية .. و أعذروني على هالشيء ..
عندي إختبارات .. و للأسف (( وقت المباراة )) بيصادف وقت إختبار ..

الموووهم ما علينا أخواني ..
..
تعرفون إن مباريات الديربي .. ما ترجع لمقاييس و معايير إلا إذا كانت نفسية .. بعيدة عن شحن الإعلام ..
و كلكم تعرفون إن الروح الإنهازمية لجميع البشر بشكل عام .. تأتي عندما يتخاذل ( من هم حول ) المصارع على البقاء ..
..
أعني المصارعين على البقاء هم لاعبين الهلال ..
ليس البقاء بين الكبار .. كما يبحث البعض .. لكن البقاء على القمة .. التي تكون أصعب من مجرد الوصول إليها ..
..
و أخص بالذكر .. لاعبنا و ولدنا ياسر ..
أدري طفشنا من المواضيع المتعلقة بياسر .. أو جيرتس هاليومين ..
لكن .. حبيت أوضح وجهة نظري اللي ممكن غابت عن كثير من الجماهير ..
.. اللي هي .. وضحتها بالمقدمة ..
و الي تقول ..
عندما ينهق ( أعزكم الله ) بعض الجماهير بهتافات تسيء لأحد لاعبي الهلال ..
يجب علينا أن نقوم ما علينا فعله ..
( We have to do what we have to do )
..
مثلا ً :
* هتافات ياسر وينه و ما إلى ذلك .. لازم نقول بنفس الوقت هتافات تسكن الوضع ..
مثل .. ( نصراوي وينه .. مكسورة عينه ) .. لأننا لو سكتنا .. سكوتنا هذا بيكون سلبي قدام ياسر لأننا بسكوتنا هذا كأننا نقول ( أووهـ خلاص ما نقدر نقول شيء يا ياسر هذي الحقيقة ) ..
و ياسر بيحس إنها ( إشاعة أصبحت حقيقة )
و لو حس بهالإحساس .. فراح تغزوه روح الإنهازمية ..
و في نفس الوقت .. ياسر ما راح يسمع كلامهم .. و بيسمع كلامنا .. و بيقول كل هالجماهير واقفة معي ..
يعني لازم أجتهد و أحاول و أسجل عشانهم ..! و الله كذا بتكون بنفسه ..
..
وكلنا نعرف إن ياسر المهاجم الوحيد في خطة جيرتس ..
يعني يشكل 25% من الفريق .. إذا ما قسمنا الفريق ..إلى
25% هجوم
25% وسط
25% دفاع
25% حارس
..
أتمنى وصلت الفكرة ..
..


ثانيا .. صافرات الإستهجان
يا جماهير .. الله الله بصافرات الإستهجان ..تراه تضيع التركيز ..
و إذا ما نفعت بالمرة الأولى .. بتنفع بالثانية و الثالثة والرابعة ..و..وو و ..


ثالثا .. شعارنا ... التشجيع ثم التشجيع ثم التشجيع ..
..
لازم الجمهور ما يسكت و لا يتوقف عن المؤازرة للاعبين .. سواء كنا مهزومين أو متعادلين .. أومتأخير بـ خمسة ..
أو فايزين بعشرة ..

..

رابعا ً .. أتمنى ما أشوف جماهير تطلع قبل صافرة النهاية ..
تراه تأثر على اللاعبين تأثيرسلبي قوي قوي قوي .. جدا ..
و كأنها ترسل لهم رسالة تقول ( أنت يا لاعبي الهلال منتو كفو نحضر لكم !! ) ..
و الله تنفهم كذا ..
لا أتمنى جماهير و لا أعضاء شرف يسوونها ..!

و أذكركم .. بمباراة السعودية و البحرين ..
أسألكم بالله من توقع منكم إن البحرين بيسجلون هدفهم الثاني ..!!
هذا إثبات على إن المباراة من الصافرة للصافرة .. ما تحكمها حركات اللاعبين ..

(( يا جماهير الرياض أو الحضور بشكل عااام .. خلوا الأمور الفنية للجهاز الفني .. و أشغلوا أنفسكم بالمؤازرة ! ))


..
و بالأخير .. سامحوني على الإطالة .. و إذا كان فيه أخطاااء .. أعتذر عنها وعن لهجتي العامية ..
و الله مستعجل و عندي إختبارات ..

و دعواتكم .. للي عندهم إختبارات .. و ما يقدرون يشوفون المباراة

و دعواتكم (( للزعيم ))

..

دمتم زعمآآآء ..

..