خطة الفوز بإذن الله على الفقراوية..!!! اسمع كلامي يا عم جريتس ولا راح تندم...!!!!
بصراحه الجميع على أعصابه بسبب المقابلة الحاسمة يوم الاربعاء مع الفقراوية!!!
المشكلة ما هي بس ان اللي بيفوز راح يخرج الثاني من المسابقة!!! أو ان الفائز متأهل للنهائي بكل تأكيد!!! أو انها
مباراة ديربي المعروفه بتاريخها واحداثها!!!
المشكلة ان كل الفريقين منتشين!! الزعيم بالفوز ببطولة الدوري ولا زالت حلاوة طعمها في حلوقنا!!! والفقراوية
بالنتائج التاريخية بالنسبة لهم اللي جالسين يسوونها (والله الفرق)
!!!!
فالهزيمة بالنسبة لهم صدقوني راح تردهم زي أول وأردى (وهذا مطلب في حد ذاته) خصوصا انهم مأملين كثير على
هالبطولة (250 الف مكافأة فوز في اربع مباريات)!!!
والهزيمة لا سمح الله لنا راح تفتح مواجع وابواب متسكره ومستحيل الجمهور يرضاها كهزيمة ثانية على
التوالي فما بالك بضياع بطولة وبسبب مين!!!!
الشاهد من الكلام..ان جريتس بصراحه لازم يحسب للمباراة ألف حساب..اللي شفناه في كل مباريات الفقر ان الفريق
كان غير موجود في كل المباريتين وكان فاتح الملعب شوارع لهم بغرور وتعال مبالغ فيه وكانه يلعب مع الحزم!!!
جريتس اذا يبي يفوز لازم يرجع لخطة كوزمين وهي تقفيل المناطق الدفاعية والاعتماد على "سرقة المباراة"!!!
صدقوني ما راح نفوز الا بهالفكر!!! واللي يرجع لمباراة الاتحاد الخماسية راح يلاحظ ان الهلال بعد الهدفين قفل
الملعب ولعب على المرتدات وجاب منها ثلاثة أهداف!!! ولما فتح اللعب مع الشباب تعادل وكاد ينهزم!!!
أهم شي ان الأظهرة ما تبالغ في التقدم...عزيز ورادوي لازم يركزون على الدفاع قبل الهجوم..ونفرغ ولي ونيفيز
والشلهوب لمساندة ياسر...
(العتيبي - الزوري - هوساوي - مرشدي - يونج - رادوي - عزيز - شلهوب - ولي -نيفيز- ياسر) هي افضل تشكيلة
وماله داعي نجرب ونسوي مفاجات بهالمباراة ترى الاعصاب ما تتحمل والله!!!
أهم نقاط الفوز احترام الخصم يا جماعة...ترى الفقراوية راح يهاجمون من البداية..ودفاعهم قسم بالله شوارع
يعني فرصة ان نلعب على المرتدات واسلوب الكرات الطويله والسريعة...
الاربعاء ما نبي مستوى والا كعبات ولا فنيات تكفون...نبي نفوووووووووووووووووووز وبس...
اللهم وفق الزعيم يا رب
الوضع الشجري
