[الزعيم الناري 0503]

السلام عليكم ورحمة الله وبركاته

اولا مبروك الفوز على الفيصلي والتأهل لدور الثمانية

اعتقد الكل شاف نتيجة التفكير في مباراة النصر والانشغال فيها عن مباراة الفيصلي وكيف عانى الهلال عشان

يفوز والعقم الهجومي في الشوط الاول بالذات هذا درس بس للي قاعدين يستهينون في فريق النصر من الحين

وكأن المباراة مضمونة وناسين ان النصر هذا هو الفريق الوحيد اللي هزم الزعيم في الدوري والهلال قدم اسوأ

مستوى قدامه اقول هالكلام لاني لاحظت انه خلال اقل من 24 ساعة على التأهل وضمان مواجهة الجار في

كمية استهانة غير طبيعية جيت والله جابك وياويلك وهذا وقت تسديد الدين وبنفوز بنتيجة تاريخية

البعض بيقول اعطيت النصر اكبر من حجمه لا الفريق متطور بصراحة وقاعد يقدم مستوى هذا مو معناه

نعطيه اكبر من حجمه بالعكس نعطيه حقه بدون زيادة او نقص وبكذا يتحقق الفوز بمشيئة الله وكل التوفيق

للزعيم في مباراة النصر والبطولات الجاية

نقاط متفرقة /

* جيريتس اللي حقق الدوري مع الهلال صار مدرب فاشل لانه استبعد الدعيع واشرك حسن العتيبي سبحان

مغير الاحوال

* اللي يعترضون على مشاركة العتيبي كثير منهم طالب بمشاركته في النهائي مكان شراحيلي

* عاجلا او آجلا الدعيع بيعتزل ويجي حارس مكانه والايام دول والبديل لازم يكون جاهز في اي وقت

* بايرن ميونيخ الالماني اعتمد على الحارس اوليفر كان اكثر من 10 سنوات ومن بعد اعتزاله قبل سنتين والفريق يعاني

لانه ماكان عندهم البديل المناسب ولاحسبوا جساب هاليوم

* سئل المدرب التونسي الكبير عبدالمجيد الشتالي لو عرض عليك تدريب منتخب مصر بتوافق قال مستحيل ادرب

منتخب عنده 70 مليون مدرب يقصد شعب مصر في ذاك الوقت وحنا كل يوم اقتراح على جيريتس

* النصر احرج الزعيم في الدور الاول وفاز عليه في الدور الثاني بالروح والعزيمة والاصرار قبل كل شي

* التركيزمن اول دقيقة وتقديم اعلى مستوى هو مفتاح الفوز والتأهل

* اتمنى مااحد يطالب الجمهور بالحضور لان هذا واجب كل مشجع ومحب للزعيم ومايحتاجون دعوة


ختاما / اتمنى التوفيق للزعيم في الاستحقاقات القادمة واولها الديربي وتحياتي لكل الزعماء