[هلالي بقولي وفعالي]

السلام عليكم ورحمة الله وبركاتة

مساء صباح الخير

مبروك الفوز اليوم على الفيصلي والتأهل الى دور الثمانية وعقبال الفوز على النصر ان شالله

ندخل بالموضوع على طول لأني من جنبها بالمقدمات:

الكل يقول إن النصر متطور ويمكن انه يهزم الهلال يوم الاربعاء القادم وهذا صحيح ان النصر أفضل من السابق

ويمكن يفوز بس هذا كله من صالح الهلال وهذا اللي إ مخليني اتحدى على الفوز ومريحني لعدت أسباب :

أولا : النصر فاز في الدوري للأن المدرب زج بخيرات بدل المرشدي وسبب خلل في الدفاع واستغل النصر الثغره هذي

بس في المباراة الجاية ماراح المدرب يستبعد المرشدي وهذا راح يكون فيه انسجام في الدفاع ولا راح يكون فيه

ثغره انشالله .

ثانيا : المبارة السابقه في الدوري كان غزيز احتياط ولا يلعب والكل عارف السبب وعلى النقيض كان الغنام اسوا

لاعب في المبارة ولاكن في هذي المباراة راح يكون عزيز موجود ورادوي يكون مساند للوسط وراح يكونون قوه ضاربه

في المحوروالوسط .

ثالثا : كان أغلب الاعبين للأسف واثقين من الفوز ومحترموا الخصم بسبب فرق المستوى بين الهلال والنصر

في الدوري وكان متوقعين ان النصر راح يكون صيد سهل ولاكن هالمره النصر يقارع الكبار والاعبين يعرفون

هاشي وراح يدخلون وهم عارفين ٌإن المباراة صعبه والنصر يمكن يفوز وراح يدخلون بتركيز مثل مباراة الإتحاد.

رابعا : التاريخ يقول كل ماكان النصر متطور ومرشح للفوز يفوز الهلال عليه بمستوى ونتيجة بإذن الله .

خامسا : في المبارة الاخيره في الدوري كان الجمهور حاضر ولاكن للأسف حضور من دون تفاعل بسبب النتيجة

ومستوى الفريق وهذا سبب ضغط على اللعيبه ولاكن بإذن الله الجــــــــــــــــــــمـــــــــــــهور راح يكون حاضر

بقوه وبتفاعل وتهييج الاعبين ان شالله بسبب المستوى والنتيجة وأراهن على ذالك .

سادسا وأخيرا : الداهيه جيرتس ناوي ياخذ بثاره من الهزيمة وراح يمخمخ على المباراة وتعتبر تحدي له مع مدرب
النصر والداهيه قدها وقدود ان شالله . وسلامتكم

وعذروني على القصور والوعد الإربعاء القادم بإذن الله في درة الملاعب


مـــــــــــــــــــــــــــــــــلا حظـــــــــــــــــــــــــة:

سماع أراأكم من اهم الأشياء عندي وأعدكم ان شالله راح اقراها كلها فلا تبخلوا علي يالزعماء من الاستفادة من أراأكم وملاحظاتكم .

بإدن الله راح ادخل المنتدى وأنا كاسب التحديوكل من يتحداني بعد المباراة ان شالله .