قل ان شاء الله ... ولا تحتقر خصمك .... و انسو سالفة ياسر ... امامنا لقب نحافظ عليه
بسم الله الرحمن الرحيم
اخواني الزعماء ....
ما فيه احد بتمنى ان يحدث ماحدث في الدوري مره ثانيه ...
يقول الرسول صلى الله عليه و سلم : "لا يلدغ مؤمن من جحر مرتين"
والمثل يقول : تغدر بي مره ... الحق عليك
تغدر بي مرتين ..... الحق علي !!!
قانا اتمنى من الجميع انهم يتفاءلون في حدود المعقول ....
في كرة القدم ... مافيه شي مظمون .... ما تدخل على فريق وانت ظامن الفوز !!
وانتم شايفين اليوم وش صار قدام الفيصلي !!! و شفتو وش حصل قدام النصر في الدوري !!
و تذكرون وش صار قدام ام صلال !!
اللي حصل هو (احتقار الخصم ) !! و انكم داخلين على فوز !! مو على لعب كرة القدم !!
اللي يقولون فقر و حالمي ..!! ما لاحظو ان الفريق قادم بقوه ..!!
انا ما اعترف بالضعف ... ولا اعترف اني خايف ....ولكني اعترف ان المباراه ستكون قويه ... و المواجهات القويه الوحيده في هذا الموسم للهلال كانت امام النصر و الشباب !!! هي المباريات الوحيده اللي واجه فيها الهلال التحدي الحقيقي !! وللاسف لم ينجح فيهم الثنتين ....
ولا تنسون ان كل مباراه لها ظروفها ... و انت ما تدري حالة خصمك وقت المباراه ... و اصلن انت ما تدري عن حالتك وقت المباره .... ترا شينه مره ان النصر يفوز علينا مرتين ورا بعض !!! والاشين اننا نطلع من بطوله ولي العهد من دور مبكر !!! فنحن امامنا لقب نحافظ عليه
اللي ابغى اقوله ... اتمنى ان لايكون هناك غرور ... ولا تكبر ... ولا احتقار ....
اتمنى ان نقول ان النصر خصم مثل باقي الخصوم ... و هو قادم بقوه ... و سيستغل احتقارنا و استهزاءنا به ...
و بخصوص تصريح ياسر .... اللي تسوونه في المنتدى شي سخيف جدا !!
سخيف لدرجة : "لا تعليــق" !!!
و انسو هالموضوع و خلونا في الاهم ... !!
قفله :
في أحد المرات نوى سليمان – عليه السلام – أن يطوف و يمر بكل زوجاته و كان عدد زوجاته كما في الروايات تسع و تسعين زوجة فنوى أن يطف بهن في ليلة واحدة و قال ( لتأتينّ كل واحدة منهن بولد يقاتل في سبيل الله )
و كان الله قد أعطاه القوة لذلك و للأسف لم يقل إن شاء الله و فعل ذلك سليمان فلم تنجب إلا واحدة منهن و جاءت بولد بغير أطراف أي بغير ذراعين و رجلين فعلم سليمان خطأه و تاب إلى الله
قال – صلى الله عليه و سلم - { لو قال إن شاء الله لجاهدوا جميعاً }
فتذكروا ان تقولوا "ان شاء الله" فكل شيء بمشيئة الله وما فيه شيء مضمون
و شكرا لكم جميعا
و اعذروني على لغتي العاميه المخلوطه بالعربيه .. 
الوضع العادي
