بصراحة ( إبدااااع )
طلب مني الاخ ابوغيد ( رشيد ) وصف بسيط للأعضاء وحسب وصفي البسيط 
طلع لنا بهالصورة .. لكن والله إني ظحكت ظحك غير طبيعي خصوصا مع بعض الشخصيات واللى اعرفها ومنها تخيلتها .. شوفوا وش رسم المبدع رشيد من خلال ( وصفي ) 
طبعا هالأسماء للأشخاص اللى طلبوا الرسمة .. والأشخاص اللى تفاعلوا بالموضوع 
وأشكر الاخ رشيد السليم شكرخاص على هالهدية الغالية ..
===
ملاحظه ......
علشان تتمعن بالصورة وتكتشف سبب رسم الشخصيات بهذه الأشكال وعلشان كل واحد من الشخصيات يدري إنه ( حشيت ) فيه .. وهذي من الميانه طبعاً لهالصور قصة بسيطه
طلبت الأخ رشيد رسم صورة جماعية كإهداء .. قالي ( أبشر ) ويستاهلون .. قلت طيب طلباتك .. قالي بس أرسل لي إيميل كل واحد وشخصيته او مواصفاته .. قلت كيف .. قال إي شي يتميز فيه او تتخيلة من سطر او سطري .. قلت وترسهم على وصفي ! قال اكيد بس ماحد يزعل ... قلت اللى برسل لك أساميهم مع وصفهم أكيد مايزعلون البعض اعرفهم زين .. وبعضهم ماشفتهم بس بتخيل وارسلك ..
طبعا ماودي أكذب عليكم واقول تخيلتكم مزايين
.. هذي فرصه فأرسلت له هالرسالة التاليه أللى راحت لبريد الأستاذ رشيد السليم واللى على ضوئها تم رسم الشخصيات 
.. والعذر والسموحة منكم :
====
مساء الخير او غيد .. هذي الأسماء وأبرز الصفات من وجهة نظري
1 - ابو طلال >> محاتسيك الشكل وإنت شايفة بس ترى الله امر بالستر ( عيّار ) والله يتوب علي
2 - كلاسيكي >> معصقل ويلبس نظارات لونه أبيض ودايم يجرجر هااللابتوب حقه ( شنبه توه خاط )
3 - المشاغب >> ملكع راعي مشاكل .. ركز على الخشم ( كبير ) وتراه هذه اللى جاب لنا هدف بخشمه يابو غيد
4 - مواصل من عام 1413 >> هادي بس تحس إنه ( نمس ) يلبس نظارات نصف شمسيه بالنهار
5 - هلالي الشماسية >> نحيف ( قروي ) مهنته مدرس .. يستحي كثير
6 - المشاكس >> يلف قبل العاير ... معصقل حنطي وجهه مليان حبوب
7 - أبو لارا >> ماعرف ششكلة .. بس نشيط بردوده ومواضيعه ... ماشاء الله عليه ( حرتس )
8 - صقر فيصل >> مثقف جداً وفي روايه ( فلسفجي جدا ) الجسم متوسط والطول متوسط واللون متوسط
9 - RDH >> فلسطيني يطق البدلة صح ويكشخ .. يسولف واجد .. ابيض واجد .. شعره ناعم واجد .. جسمة عظلات واجد .. ( ياحول ياحنا ) الله لايضره ( أبوه دكتور .. وامه معلمة ) وركز على البدلة يابو غيد .. بدله رسميه وكرافته ..
10 - IBRAHIM >> مسالم جدا .. متابع .. والجسم من عندك
11 - هلالي من أرض اليمن >> من أرقى وافضل الأعضاء في الشبكة . كثير الإطلاع والثقافة ( ودود جداً ) محترم جدا جدا .. يماني الجنسية .. مقيم في كندا ( حطه جنبي تكفى يابو غيد )
12 - Leo messi >> ودك تقراء يوزره ولاتشوفه .. طعس نمره وإستمارة يابو غيد .. شعره طويل كنه من شباب الجاهليه .. لونه حنطي خشته كبيره ...
13 - شبوط >> قصير ( شنبه مثل شنب صالح الطريقي ) وعمره كبر طلال ولدي ( ملقووووف لقافه ) عنده شغف وحب للفضول ومعرفة كل مايجري في العالم .. ماينام إلا آخر واحد من اللقافة
14 - S K Y >> متواضع .. عسل .. ( ذرب ) أكثر واحد يكتب في الشبكة .. ودك ترسم له عشرين أصبع ماشاء الله عليه
15 - سسام الأحاسيس >> طفل ( مبدع ) مبتكر .. مميز
16 - ولاتنسى ولدي طلال يابو غيد حطه معهم بالصورة أبيها للذكرى لاهنت ..يشبه لي
===============
الله يعطيك ألف عافية ... هنا نوقف عند الطلبات والرسومات وكلنا ننتظر إبداعك
7777
إنتهى الإيميل 
ياتلحق ياماتلحق ( رسمة الأعضاء ) بريشة المبدع رشيد السليم ( إهداااء ) 
!
الوضع المتطور
