[مجروح الهلال]

بسم الله الرحمن الرحيم


بصراحه اكتب هالموضوع وانا مقهور من بعد مباراة اليوم مع الفيصلي


تخيلوا بس 10 ركنيـات للهلال في المباراة


ولاعبي الهلال مالمسوا الا وحده منها بس .. اللي هي براس هوساوي!!

اما الباقيه كانت ياعالية ,يابعيدة او تخليص مدافعين وعدم تفاعل من لاعبيننا


يعني انا بس ودي افهم شيء واحد الى متى والهلال على هالحالة ؟

يعني مايشوفون الاتحاد ؟

واتمنى مااحد يقولي ان الاتحاد افضل ضربات راس من الهلال

لأن الهلال فيه ضاربين ممتازين


بس العلة بشيئين

الأول التنفيذ المزاجي .. مرره ارضي مره عالية مره داخل السته باحضان الحارس

اما الثاني عدم تمركز لاعبين الهلال بشكل ممتاز


انا من عرفت نفسي والمنتشري دائما واقف عند القائم البعيد عن جهه التنفيذ

وهذي خطه ماشين عليها الاتحاد وناجحة لأن عندهم تكتيك داخل

الثمان طعش ...

اما حناا داخل الثمان طعش

يامتفرجين ولا طلاب ابتدائية يراكضون ولا هم عارفين وين الكورة فيه


موضوع اتمنى نشوف لنا حل

فريق مثل الفيصلي ومقفل منطقته وتجينا اكثر من ثمان ركنيات الى ماقبل الهدف

ماقدرنا نستغل وحـــــــده ,, او حتى نلمسها لو بالخطا ؟؟

والله العظيم مصيبه ..


ثاني شيء بعض اللاعبين وتمريرهم الطويل المعقد الصعب الخاطئ خاصه في ظل تكتل دفاعي مثل المرشدي والزوري !!



قفله

مباراة النصر القادمه المؤشرات تشير لفوز نصراوي لعدة اسباب

1 - برود لاعبي الهلال القاتل .

2- التمرير الخاطئ وخاصة الطويل .

3- لعب النصر بخطه تقفيل منطقه والضغط على لاعبي الهلال .


وهذي الخطة جميع الفرق اللي استخدمتها شكلت قلق على فريق الهلال

لأنه من المستحيل ان النصر بيلعب مفتوح

بصراحه مباراة النصر تحتاج الى تكتيك كوزمين بتقفيل منطقة الدفاع

لأنها مباراة خروج مغلووب


اتمنى التوفيق للهلال

والاستفاده من الركنيات والتمريرات المضمونه





تحياتي