[الزعيم الناري 0503]

السلام عليكم ورخمة الله وبركاته

ذبحنا الهلال بصراحة مافي غيره اقوى هجوم واقوى دفاع والهداف هلالي ومحترفين الهلال احسن محترفين

شوفوا لنا حل في ذا الفريق ليش يستغل ضعف الباقين ليش مايصير مثلهم لازم يتساهل مع المنافسين عشان

يكون في تكافؤ لايفوز بنتيجة كبيرة هدف هدفين تكفي مافي داعي للفضايح اذا حصل فرصة لحسم الدوري

يفرط فيها ويكون حسم الدوري في اخر جولة بكذا يكون للدوري طعم والجماهير تتابع البطولة الى نهايتها

اذا غلط الهلال (الله يهديه) وحسم الدوري من بدري لاتوافقون على التتويج في ارضه اتركوا التتويج الى

اخر مباراة في الدوري خارج ارضه لانه لخبط حساباتنا ماكنا نتوقع هذا يصير طيب وش رايكم في مباراة

الحزم ينزل اثنين من الجمهور من المدرجات ويفحطون في الملعب ويباركون لياسر بالمولود الجديد وتكون

فرصة عشان نعاقب الفريق ويلعب مباراة خارج ارضه وينحرم من التتويج قدام الاتفاق لانه الهلال مايستاهل

البطولة لولا ان الحكم احتسب هدف ياسر على الرائد والكورة على الخط ولاتتكلمون عن هدف ويلي على الوحدة

لان الزاوية كانت صعبة على الحكم ومافيها شي لو ضحك الحكم المساعد هذا احسن حكم مساعد في اسيا

من حقه يضحك على كيفه واللاعب رادوي لايقطع الكورة من المنافسين يتركهم يمرون من عنده على راحتهم

ومحمد الدعيع اذا شاف الكورة صعبة لايصدها مااحد راح يلومه عليها بالعكس اعطوا غيركم فرصة يسجل

اهداف حلوة اما لاعبكم القصير الشلهوب لو تكرم اذا حصل فرصة يسقط الكورة والحارس متقدم لايسويها الحارس

مسكين ماله ذنب يتفشل وابو عبدالعزيز اذا راحت الكورة واللاعب شات رجله مكانها لايطيح لازم يخلي لعبه

رجولي والحين نجي للرئيس شبيه الريح اذا سمحت لاتجيب مدرب غالي في مدربين ابو عشرة على مستوى

مافي لزوم للخساير والمحترفين نفس الشي خذ لك كم لاعب رخيص واذا مانفعوا غيرهم في الانتقالات الشتوية

اما سامي الجابر امره سهل بعد نهاية الموسم يصير مدير المنتخب وفقا للخطط العلمية المدعوسة وانتم يالجمهور

ليش كل مباراة يلعبها الفريق الملعب مليان تفرجوا على التلفزيون اصلا الفريق يلعب لوحده في الدوري ومافي

منافسين مالها داعي تدفعون قيمة التذكرة ونتيجة المباراة معروفة اعتقد ماقصرنا حددنا كل الاشياء المطلوبة منكم

نفذتم اهلا وسهلا مانفذتم ماعندنا حل الا نلغي الدوري والبركة في بطولات ابو خمس وست مباريات اللي ضدكم

يسجل هدف ويقفل وتطلعون ونرتاح منكم وبعدها اي فريق يجيب البطولة عادي المهم خلصنا منكم وعندكم مهلة

الى نهاية الموسم تلبون الشروط والا ما باليد حيلة مافي دوري السنة الجاية وسلامتكم

خاتمة/ اعتذر اذا ثقلت عليكم يازعماء بس بصراحة اللي شفته وسمعته بعد مافاز الهلال بالدوري هو اللي خلاني

اكتب هالموضوع والسموحة منكم واتمنى التوفيق للزعيم في كل البطولات ولكم خالص تحياتي