49 بطوله / اهداء للمشككين / شطحآت في تمرين الهلال وأكثر / شعر: بدر الرحيمي - نادي الهلال السعودي - شبكة الزعيم

خوي القمر · #1 02/02/2010, 06:20 PM

مدخل/

كتبت باحساسي مشاعر هلالي
وبديت باحساسي ويبدا مجالي

دوري وفـزنا قيه قبل النهايـه
دوري وفـزنا فيه والغير تالي

باقي بطولة يوصل الرقم خمسيـن
سـجـل يــا تـاريـخ الريـاضـة زعـآمــه

رئـيـس ضـحّـى بالـعـمـل والمـلايـيـن
ونـائـب يـضـحّـي بالـجـهـد واهتـمـامـه

ومدير مجهوده على الراس والعين
ســامــي تـعـلــى بـــــالادارة مـقــامــه

وجانا مدرب بعـد ابعـاد كوزميـن
جـريـتـس ســـوى بالـهـجـوم الـعـلامـه

وجمهورنـا لبيـه يـآ كآمـل الـزيـن
جـمـهـور وافـــي مـــا عـلـيــه الـمـلآمــه

وابــداع لعّيـبـه مــن أول وللحـيـن
فـكـر احتـرافـي ابـتــدا بانتـظـامـه

و هــذا مـثـال اسـطّـره بالبراهـيـن
دوري هــلالــي بـالـفـعــل والـزعــآمــه

:::/

شطحآت تدريب يوم السبت !!

بعد الفوز بالدوري واجازة للاعبين ..

الا أنّ اللاعبين حضروا بعيون الشآعر ..

اترككم هنآ لـ تعلموآ ماذا حدث ..

هذي سـوالف .. وافسحـولي مجـال
هذي سوالف .. عشـتها لـ : الهلال

محمد الدعيع .. ينادي / اسـامه
واسامه يردد ../ تعــال وتعال

طفشتي يا محمد .. بهالســوالف
صد بيمينك / وانتـبه للشــمال

وماجد معصّب وش تبي في اسامه
ويضحك محمد / شوفوا الانفعال

ولي يونق يتدرب لحاله ومرتاح
وعبدالله الزوري / يصارخ تعال

ويجيه خالد وش تبي بالكوري
وجايب معه رادوي ماسك عقال

ويقول فزنا .. / و يتدرب لحاله
ويرد خالد ../ ما حصلّ لي مجــال

وهناك ولهامسون يأشر لنيفيز
يقول وش رايك بنادي الهلال

وتياقو يفكر وش اللي يقوله
هذا زعيم الكون مابه جدآل

فزنا بدوري زين واللعب باقي
ومحمد الشلهوب عاش اختيال

هداف دوري .. ما يفكّــر بحآلي

ويقول لا تحلم بشي ( ن) مـُحآل

وياسر يجي يسأل وشللي تقولون
قالوا نبي التهديف عطنا مجال

وياسر يطنّشهم وناداه سامي
يقول وش صاير لكم /ياعيال

وجريتس جاهم وابتدا بالتمارين
وخلاصة الموضوع / فرحــة هلال

..

هنا للمشككين وأهل الحقد/

هذا زعيم الكون من دون تطبيل
نادي القرن يا ناس منهو يطولـه

وياللي تشكك بالبطولات وتميل
فوزك علينا ينحسب لـك بطولـه

خلّك بحالك وش تبي بالبهاذيل
ضغطك مع السكر يـدوّر حلولـه

هذا زعيم الكون يحتاج تبجيـل
واجب تصفق واحلم انك تطوله ..!

,,,,/

,,,,,،/

مخرج /

هجومنا سآحق // يا ويـــل البقيّة
ودفآعنـا لبّيـــه // للحمل شــآلي

قريتس يضحك وش بقابك يادوري
ومرات يبكــي من ينافس هلالي

..

جميع ما كتب أعلاه بقلم أخي وصديقي الغالي الشآعر / بدر الرحيمي ..

واتمنى من الادارة تفعيل عضوّيته لـ يشاركنا هذا الرآئع في أقرب فرصة ..

وحتى موعد فرح آخر ..

لكم الشكر ولكم القلب ..

وعلى الفرح نلتقي ونحتفي ..

..

زعــيــ511ــم · #2 02/02/2010, 06:31 PM

صح لسان أخوي الشآعر / بدر الرحيمي

وربي ابدااااااع ,, أتمنى تفعيل عضويته ,,

قريتس يضحك وش بقابك يادوري ومرات يبكــي من ينافس هلالي

أيه والله صدق

تحياتي

أحمد العتيبي

خوي القمر · #3 03/02/2010, 07:47 AM

إقتباس

الرسالة الأصلية كتبت بواسطة زعــيــ511ــم


	صح لسان أخوي الشآعر / بدر الرحيمي وربي ابدااااااع ,, أتمنى تفعيل عضويته ,, قريتس يضحك وش بقابك يادوري ومرات يبكــي من ينافس هلالي أيه والله صدق تحياتي أحمد العتيبي

صح بدنك بالنيابــه .. وشكرا لـ هكذا حضور يسعدني ويشرّفني ..

لا هنت يا غالي ..

omoore · #4 02/02/2010, 06:57 PM

صح لسانك يابطل

ويجيه خالد وش تبي بالكوري
وجايب معه رادوي ماسك عقال

ويقول فزنا .. / و يتدرب لحاله
ويرد خالد ../ ما حصلّ لي مجــال

خوي القمر · #5 05/02/2010, 12:50 AM

إقتباس

الرسالة الأصلية كتبت بواسطة omoore


	صح لسانك يابطل ويجيه خالد وش تبي بالكوري وجايب معه رادوي ماسك عقال ويقول فزنا .. / و يتدرب لحاله ويرد خالد ../ ما حصلّ لي مجــال

صح بدنك يا غالي .. ولا هنت على الحضور ..

..

eyad.m · #6 02/02/2010, 08:24 PM

بارك الله فيك
هذا الهلال زعيم الانديه كل ماحقق بطولة شككوا فيه
الهلال الموسم ماشاء الله غير ليست الأندية الأخرى كانت سئه بل الهلال كان متميز
كل التوفيق للهلال

غرگ زمانگ · #7 02/02/2010, 11:17 PM

صح لسآنك وطآب فآلك ..

ابدعت بوصفك وشاعريتك .. وفعلا هذا هو الزعيم

وعقبال تفعيل عضويتك يا شاعرنا *_^

عاشق السكب الهلالي · #8 02/02/2010, 11:23 PM

صح لسان الشاعر بدر..

والله إبداع..

غرگ زمانگ · #9 03/02/2010, 01:26 AM

صح لسانك يابدر وكالعاده تتحفنا بجديدك المميز

احلى أسطر كتبتها في زعيم القرن الاسيوي

وسن الهلالية · #10 03/02/2010, 01:32 AM

صح لسانك يابطل
والله مانت هين ماشاء الله تبارك الرحمن

أهيم بحب الزعيم · #11 03/02/2010, 01:49 AM

مآآآآآآآآآآشآآآآآآآآآآء الله رووووعه

صح لسااان صاااحبك ويسلموووع النقل

وان شآآآآآءالله تتفعل عضويتوااا قريب

عشاااااااان يمتعنااااا بإ بداااعتوووووو