[هلالي وحتماوي؟؟]

السلام عليكم

والله ياشباب مبطي ماكتبت مواضيع

ولا ادري وشلون ابدا بالموضوع

ولا ابي اكثر السوالف لاني بوقت اختبارات وانتم بعد تختبرون وتبون المختصر << اخلص علينا


المهم انا من وجهة نظري ان من اكبر الاخطاء انه يتوج الزعيم قبل ثلاث جولات حتى لو كان الفارق 20 نقطة !!

تقولي وليش اقولك السبب انه مهما كان الزعيم متصدر

فربما يحصل اي خطاء فني او اداري او خطاء من ادارة الهلال

واعتقد ان هالاخطاء هذي ماراح يكون تعويضها بالفلووس

فحسب ما سمعت ان الدوريات الاوربية عندهم بعض الاخطاء الادارية او اخطاء من الفريق تستوجب على الفريق خصم نقاطه

ادري انكم مافهمتو بعد ..!

يعني مثلا عندك الجبلين قبل موسمين على ما اعتقد خصم منه 11 نقطة !! وهبط لدرجة الثانية

ومعه كم لاعب شطب على اسمهم

واعتقد انه مهما كان انو مايسلم الدرع الا باخر جولة

واللي يقول نبي نحتفل بالدوري بالرياض اقولهم الهلال ماهو زي باقي الفرق

الهلال لو يلعب برا السعودية تلقى ماشاء الله جماهيرهـ مليانه الملعب يعني نحتفل بالرياض او جدة او الصين كله واحد عاادي

اهم شي اتمنى انكم فهمتو علي وابي وجهات نظركم


وادعو لي بالتوفيق بالاختبار