[MESHARI-37]

بسم الله الرحمن الرحيم

السلام عليكم ورحمة الله وبركاته

أُبارك لنا جميعاً بـ تحقيق الهلال دوري زين السعودي بـ جدارة واستحقاق ..

الكلام عن الفريق من إدارة وجهاز فني وإداري ولاعبين قد يطول ,, كلمة الشكر لاتوفيهم حقهم ,,

موضوعي ليس عن الفريق وربما اكتب عنه موضوع مفصل وطويل بعد ايام قليله ..

مثل ماتشوفون انها أول مشاركة لي في منتدى شبكة الزعيم الغالية على قلبي ..

أنا أحب أتصفح المنتدى حتى بدون ما أسجل دخول ..

يؤسفني حال المنتدى بعد كل مباراة للهلال ..

المواضيع تقريبا تكون كـ التالي :

مبرووووووك الفووز .. جمهور الرياض .. لاتعليييق << طيب كمل فررحتك وخلك من جمهوور الرياض ..

الغريب ان أوقات مواضيعهم تكون بعد المباراة مباشرة ..

أكيد بـ تقول انك مو من الرياض ولا كان حضرت ..

طيب احنا يا جمهور الرياض وش نقول ..؟

أنا أعلمك ,, الدوري 22 مباراة ,, 11 منها على أرضنا + مباراتين في الرياض اللي تكون مع النصر والشباب ..

يعني 13 مباراة في الرياض ..

في الشرقية جمهورنا الكثير ينتظر الهلال بـ فارغ الصبر ويحضر في الاحساء والدمام والخبر لان كلها 3 مباريات وعلى فترات متباعدة خصوصاً إذا كان الهلال مثل هذا الموسم ..

وكذلك في الغربية 3 مباريات منها ثنتين في جدة ووحدة في مكه ..

وغيرها من المناطق ..

أنا وش ذنبي أحضر 90% من مباريات الهلال في الرياض وأرجع البيت ألقى أكثر المواضيع تقول جمهور الرياض مايستاهل الفريق ومايستحق المباريات اللي في أرضه وانقلوها مدري وين وجيبوها عندنا ..؟

النقطة الثانية واللي الكل يعرف عنها ولكنهم يتجاهلونها ..

استاد الملك فهد الدولي ,, أكبر ملعب في السعودية ,, يكفي لـ 70000 مشجع وإذا امتلت الواجهه تقريباً يعني النصف امتلى 35000 مشجع ,,

ونفس الحالة أرجع البيت وألقى المنتدى كله يقول ليه ما قعدتوا ورا المرمى وليه ماجيتوا 70000 في فترة الاختبارات ,,

استاد الامير فيصل بن فهد يكفي لـ 30000 مشجع << يعني واجهة ملعب الملك فهد أكبر منه بأكمله ..

استاد الامير عبدالله الفيصل يكفي لـ 18000 مشجع << على حد علمي ..

استاد الامير محمد بن فهد يكفي لـ 35000 مشجع ..

طبعا كلها مع تركيب الكراسي تغيرت أعدادها ..

هذه أكبر الملاعب وأشهرها في السعودية ولكم الحكم والمقارنة مع استاد الملك فهد الدولي ..

كلنا شفنا يوم كانت مباريات الهلال في الملز كيف كان الحضور يغطي حتى الدرج والجمهور يظل واقف والسبب ان سعته لاتتسع سوى لـ 30000 أو أقل ,, ومع ذلك نقارنه بـ الدرة ,,


كلنا جمهور الهلال ,, في الشمال أو الجنوب أو الشرق أو الغرب ..

كل الشكر لـ كل من حضر وساند الزعيم في مبارياته ..

أعتذر عن الإطالة ,, على الود نلتقي ,,