[ولد الحمائل]

السلام عليكم ورحمة الله وبركاته ..


**********


في نهاية الموسم سيكرم الاتحاد السعودي أفضل فريق في الموسم ..


وسيكون اختيار أفضل فريق في الموسم مبني على جوائز زين لأفضل فريق في كل جولة ..


فأكثر فريق يفوز بالجائزة في الجولات سيتوج في نهاية الموسم بجائزة أفضل فريق ..



**********



الفائزون في الجولات السابقة (الهلال ثم النصر ثم الشباب) ..



الهلال أكثر من النصر بجولة واحدة فقط ..



**********



ماذا سيكون حالك إذا توج النصر في نهاية الموسم كأفضل فريق في دوري زين .!!!

**********

الهمة يا شباب .. الحقيقة أقل حاجة نقدمها (منّا كـ جمهور) للهلال كـ كيان و للأمير عبدالرحمن والأمير نواف بن سعد ..




**********

كيفية التصويت كالآتي :

1 / يجب أن يكون لديك شريحة لشركة زين الراعيه لدوري زين السعودي .

2 / ترسل رسالتين على رقم التصويت 755557 كما ما هو آتي :

أ- الرسالة الأولى يكتب فيها إسم أفضل لاعب لديك بعد كل جولة .

ب - الرسالة الثانيه يكتب فيها أفضل نادي لديك بعد كل جولة .

3 / يتم العمل ببدء التصويت مع بداية كل جولة ويبدأ التصويت على المباريات مع بداية صافرة الحكم وينتهي التصويت بعد 48 ساعة من نهاية آخر مباراه في الجولة.

في الأخير أقول التصويت يكون لنادي الهلال ..

أما اللاعبيين فلكل مشجع وجهة نظر ..



تحياتي ..

[tha lord]

يابن الناس لاتعب نفسك الدعوه انتقائية وواضحه السالفه تعويض للفرق الباقيه يزم صار الحسم للهلال قالوا نعطي النصر ترضية من زين

[حاتم العمري]

اعتقد ان افضل فريق هو من سيتوج بدرع الدوري

اما جوائز زين كل شئ بان فيها
وانها خدعة للجمهور خصوصا ان صاحبها عضو شرف نصراوي

واكبر دليل حرمان الهلال من احد الجوائز واعطائها لنادي الشباب والنصر لم يلعب تلك الجولة

دعمنا للهلال من خلال الحضور والمؤوازرة فقط

تحيتي لك يالغالي

[lover2000]

هذي نكتة الموسم صح !!

افضل فريق لم ار معايير له حتى الان ولكن المنطق يقول ان الفائز بالدوري هو الذي يستحق ذلك

[..zaeem14ever..]

.. ههههههههههههآآي ..

أضحك الله سنك .. يالحبيب أجل أفضل فريق في الدوري .. إذا بالتصويت مُمكن

بس كيف يكون أفضل من بطل الدوري .. هذي اللي ما تخش العقل .. وما دامه أفضل فريق وينه عن البطوله ..

إرحموا عقولنا شوي .. أصلاً تصوتون وإلا ما تصوتون .. الجائزة من عضو شرف نصراوي .. ومع إني متأكد إن فارق الأصوات للزعيم .. بس تُجير للفقراوية .. والله يهنيهُم بجائزتهم .. وأنا أتوقع يسوون بطولة دوري بالتصويت .. بس تهقون من بيأخذها ..

(( اللهُم لا شماته ))

إحنا عندنا بُكرهـ نهائي .. وأنت صوتوا وسووا .. بدل ما تحفز الجماهير للدعم والمؤازرة .. الزعيم فريق بطل وبطولاته بالملعب ..

وليس بالترشيحات وبالتصويت كما حدث عام 2000 .. الهلالي اللي فعلاً هلالي يكون بالملعب غداً إن شاء الله لنحتفل بالكأس سوياً ..

ولندعم نجومنا سوياً .. وأخر إهتماماتنا .. صوت لي .. وطرطش لي.. أتمنى من جماهير (( زعيم 2/1 الأرض الزحف للملعب ))

وإن شاءالله راح نحقق للقب من أمام العنيد جداً .. فريق الشباب .. وبالتوفيق للزعيم .. في قادم الإستقاقات ..

(( زعيم للأبد >> أول الحاضرين للملعب غداً بالنهائي إن شاء الله ))

[هلالي وافتخر]

خل جائزة التصويت لهم بني فقر لأن هذا منتهى طموحهم .. وحنا لنا درع الدوري الي اخذناه عن جدارة ..

[جريــح الوقــت]

الله لايهينك..

هذآ أكيد من حبك للزعيم ..

ولكن لنآ البطولآت ولهم


.. صوت لووو .

[مساعد الحكم ~~]

البطووله والدروع اهم من الجواائز

[التـــيــــما]

ماذا سيكون حالك إذا توج النصر في نهاية الموسم كأفضل فريق في دوري زين .!!!

لهم جوائز التصويت ولنا جوائز البطولات

شعوري عاااادي جداً

وفقاً للأرقاااااام والنتائج الزعيم أولاً والبقية تأتي

[عاشق السكب الهلالي]

يارجال افضل فريق يحقق الدوري..

ولاعزاء للحاقدين..

[عبدالرحمن السلمان]

لا تلعب عليكم زين وتصوتون افضل فريق من يحقق الدوري . وخل اتحاد الكره ايكرم اللي يبي . ولو التكريم على التصويت كان فريق الفقر الاول ( معروف جمهور الفقر يعشق التصويت ) وهذي حيله العاجز

[الاستراحه]

يا ابن الهلال وهذا تصويت

خل النصر ياخذ كل التصويت الله واكبر عاد يلعبون على انفسهم جمهور على النصر ايسو من البطولات وراحو للتصويت

للمعلوميه ترا النصر اخذ جائزة مسابقة حفائظ بامبرز والان دخول مسابقة العثيم مول وفيه مسابقه يبون يدخلون مسابقة بسطات حلة القصمان

[WAW 879]

جائزة او بالاصح مسمى جائزه

بدون معايير فنيه نهائياً

فقط للضحك على جماهير الاندية ونهب اموالهم

جائزة تجارية بحته والمستفيد هو عضو شرف نصراوي في المقام الاول

بعدها الشركة والمتضرر الاول والاخير هو انا وأنت ومن صدق انها جائزة

ادعوا الى عدم التصويت وفي الموسم القادم بالتاكيد سيكون هناك طريقة افضل

لاختيار الفريق الافضل او اللاعب الافضل بعيداً عن جشع الشركات


تحياتي

[ياقاهرهم يازعيم]

رئيس الشركة نصراوي حسام بن سعود كيف تبينا نفوز ..... مادام النصر يفوز ببمباريته فهو سيكون الافضل دائما

[الزعيم والكاسر]

يا اخوان المفروض التصويت يكون بذمة وضمير !
صوتوا للفريق الافضل للجولة مو تصوتون على ميولكم !
وش المشكلة لو تروح الجائزة من الهلال ؟
اذا النصر اخذها مبروك ، بس هل فعلاً يستحقهآ ؟ ما اتوقع !