[هلال حلقوم]

بسم الله الرحمن الرحيم

مدخل ..


غبت عني وانا محتاج لك

جمهور الرياض وكثرة هالكلمه خصوصان البارحه بعد الحضور الضعيف في مباراه قووويه وقد تصل بالهلال الى البطوله رقم 49


لن انتقد هنا ..ولن اطالب بنقل المباراه الى الاحساء مثلاً او حتى الدمام ..


الان لم ينتهي الدوري بعد ..والهلال وصل الى النهائي ..والبطوله الاسيويه لم تبدء بعد..وكاس ولي العهد ...وكاس الابطال ..



الا يستطيع جمهور الرياض بالرد على كل من شكك في حب الهلال وملى الملعب في كل مباريات الزعيم القادمه ويكون سبب رئيسي في تحقيق الهلال البطولات كما جرت العاده ..!



كم نحنُ شعرنا بالغضب العام الماضي بعد الخساره من ام صلال ؟



والخساره من الشباب بالثلاثه ؟


وضياع الدوري وعلى ارضنا وبين جمهورنا العظيم ؟



هل تريدون نرجع الى هذي الذكريات السيئه جداً لنا ...


بكل تأكيد الكل راح يقول لا والف لا ..


اذا عشان من يدفع المال والغالي والنفيس لاجل اسعاد الجمهور



الا يستحق هذا ان يري الملعب ولا كرسي فاضي!!


شبيه الريح والباقي يستريح ...بس ماراح يستريح وانتوا جالسين في المقاهي وغيره ..





ياشبيه الريح


جمهور الرياض راح يرد في المباريات القادمه وعندي الثقه في ذلك

مخرج


انا ليس من الرياض لكي لاياخذون الموضوع بعض الاعضاء بشن الهجوم عليي .

لكن اثق في جمهور الهلال في كل المناطق عندما ياتي النداء!

دمتم للزعامه


هلال حلقوم

[مـــنـــادي الهلالي]

اتمنى ان يتم اقفال هذا الموضوع حتى نرى الحضور في المباريات القادمة

المباراه انتهت بخيرها وشرها والجمهور للاسف اخطاء خطاء كبير

ولكن يجب ان لاتشن هذه الحرب بهذه الطريقة

الرسالة وصلت للجماهير وسيتم التعويض بإذن الله في المباريات القادمة

[هلال حلقوم]

وهذا المتوقع منكم



ويارب البطوله هلالــــــــــــيـــــــــــــــــــــــــــــه

[عيناوي من دبي]

إنشاءالله غلطة وما تنعاد
وتتصح في المرات الياية

[عرين سدير]

تشكر يالغالي على الموضوع

بصراحه من اجمل ما قراة في المنتدى

امس الجمهور كان غائب لاكن الخيره في اللي حضر

بصراحه كان المدرج الهلالي مشعلل في اغلب اوقات المباراة

وكان هناك تطوع من بعض الجماهير لبعض الاهازيج والحمد لله ما خرجنا الا وعلى وجيهنا البسمه

وان شاء الله الوعد مباراة الثلاثاء
وبالتوفيق للزعيم

[هلالي الأنفاس]

ياسبحان الله ؟؟؟

يعني نسيتوا مباراة الوحدة يوم الخميس ؟؟؟ يوم كان الملعب فل وزئير الجماهير لم يسكت طول المباراة

هذذا اقرب مثال ولا الامثله كثيره

لكن ماقول الا (( يا أمه ضحكت من جهلها الامم )) ماتذكرون الا الشي الشييييييييين بس

[El Barca]

تتصيدون أخطاء جماهير الرياض بس هاه نستــوا مباراة الوحدة والنصر والشباب والاتحاد..؟

[قناص الجبيل]

لقد أسمعت لو ناديت حيا يا أخي ... لكن لاحياة لجماهير الرياض ...

خلاص من اليوم ورايح نب ندق سلف و نحرك من الخبر إلى الرياض ... ولو بالقطار ... ولا نتكل على جماهير الرياض ...

و بالنسبه للأخ شلهوب ميسي .. بالله ماتلاحظ أنو الأربع مباريات هذي كانت يوم خميس ... يعني جماهير الهلال اللي من الشرقيه و الغربيه و القصيم و حائل حضرت !!!!! وين تفاعلكم في باقي المباريات !!!!!!

[بدر الرشيد]

تشكر يالغالي على الموضوع

بصراحه من اجمل ما قراة في المنتدى

امس الجمهور كان غائب لاكن الخيره في اللي حضر

بصراحه كان المدرج الهلالي مشعلل في اغلب اوقات المباراة

وكان هناك تطوع من بعض الجماهير لبعض الاهازيج والحمد لله ما خرجنا الا وعلى وجيهنا البسمه

وان شاء الله الوعد مباراة الثلاثاء
وبالتوفيق للزعيم

[كلابوش]

انا تفاااجئت امس عند رؤيتي لمبارة الهلال والاهلي اين الجمهووووووووووووور
كلهم بالقهاوي؟
ولو مبارة نصر كان كلهم حضرو ؟؟ تراااه الزعيم

[القنآ20ص]

والله فيه علاآآمة استفهاآآآم كبيرة
لجمهوووور الريآآآض

[حفيد الاسطوره]

بقول كلمة انا امس ماحضرت المباراة وانا من الرياض لكن كان عندي ظروف منعتني عن الحضور المهم اسمعني انت وياة فرحان انك مليت ملعب الاحساء ولا
جدة وجاي تهايط على فكرة الهلال مايجيكم الى مرة في السنة لكن اسمعوني
الهلال بيلعب 3مباريات في اسبوع واحضرها كلها صعبة شوي لان ممكن تجيني
ظروف مااحضر المباراة لان مثال عندك اختبار والمباراة في نص الاسبوع وحضرت وتعاتبونا اقولكم معليش ماراح يحضر الجمهور وعلى فكرة ملعب
الملز اكبر من ملاعب المملكة كلها واستاد الملك فهد اكبر من ملاعب المملكة 4مرات

[الزعيمـ الاسيوي]

-

لاحول ولاقوه الا بالله !!
الا متى { معاهم معاهم ... عليهم عليهم } !!
جمهور الرياض وانا واحد منهم واقولها بكل فخر
افضل جمهور هالسسنه دون منازع
وامس لاتنسون تراها كاس فيصل وشفنا الهلال لعب بـ
الخرج - تبوك - ابها
والملاعب كانت فاضيه !!
وفوق كذا فيه ناس بدت عندها الاختبارات وناس ع وشك !!
المهم اتركوا الهياط وجمهور الرياض يضل كبير
وماعليكم من كلامهم ياشبباب وربي ماقصرتوا
انا ودي يلعب الهلال بالشرقيه 5 بموسم واحد !!
وربي ماراح تتميلي المدرجات !!

[التـــيــــما]

بإذن المولى رااااح تكووون 49

هل الغياب بسبب :
_ الملل من الحضور
_ عدم الثقة بالفريق والخوف من الخسارة
_ البطولة ليست ذات أهمية وليست طموح
_ الرغبة وبكل أسف أقولها في عدم دعم هذه المواهب والوقوف بجانبها
_ عدم تواجد اللاعبين أصحاب الوزن الثقيل جماهيرياً بالفريق
_ البرد وتقلب الأحوال الجوية

لكن يكفي وجود وجه الســــــــــــــ نواااف ـــــــــــــعد

الرقم الصعب الزعيم الأولمبي الأولمبي الأولمبي بأمس الحاجة لكم فهل من سااااااااامع

تقبل مروري

[Ş๓σώ Ąℓ7ѓƒ ღ]

اذا حضر جمهور كثير ننهزم..!!
واذا حضر جمهور قليل نفوز ..!!

تدرون لــيه,.؟
لانه اذا حضر جمهور كثير بدون فعاليه ماينفع ويسبب ظغط على الهلال تصير حاله انعكاس
يانحضر كثير ونتفاعل يا لانحضر..؟