[abdull500]

اخش في الموضوع دغري
اول ماوصلنا ملعب الامير فيصل بن فهد الساعة 7:50 يعني باقي خمس دقايق وتبدا المباراة
نزلنا من السيارة انا واربعة من الشباب
ويطلع لنا من تحت الارض ابو بكس ومعه تذاكر
الى الان الموضوع عادي لاننا متعودين على راعين السوق السوداء
المهم ويقولنل السعر نفس سعر التذكرة العادية
استغربنا حنا والشباب لاننا متوقعين يصفقنا بسعر
المهم قلنا له عطنا خمس تذاكر يالحبيب الوحدة بعشرين ريال
ماصدق ابو الشباب يلعب على الذيابة الي قدامة
المهم خذيناها ونصينا الملعب
وحنا ناصينه قاعدين نتناقش ليش باعها لنا بنفس السعر
وأجي انبرش لهم واقولهم ماباعها بسعر اغلى الا لانه مافيه جمهور (حبيب انا)
المهم نكمل وندخل البوابة (طبعا نسيت اقول اني انا الي دافع الفلوس عشان كذا قافلة معي)
ويوم دخلنا الا ويكتشف واحد من الشباب انا ارقام تذاكرنا نفس الشي وعرفنا بعدين ان التذاكر الاصلية لونها اغمق
وملمس التذاكر الاصلية غير ملمس المزورة والغريب ان الي يقصون التذاكر اكيد يعرفون الشي هذا لانها الفرق بين التذكرتين كبير جدا
المهم هنا تقفل مع محاكيكم
لاني قلت ذا المرة مشوها الي يقصون التذاكر
ويمكن بعدين تصير التذاكر اكثر من سعة الملعب والسبب طبعا هو التزوير
والله يا جماعة اني بغيت ارجع لابو بكس واعلكه
بس توبة ماعاد اشتري من ذا الاشكال
واتمنى من المسؤلين انهم يصحصحون شوي على المهازل الي صارت اليوم
واخيرا اترككم مع الصور والرجاء انكم تلاحظون ارقام التذاكر , واحب انوه اني صورت التذاكر بعد مانقصت
عشان كذا اعذروني
كلمة اخيرة الي حضر اليوم يشوف تعامل مختلف من رجال الامن مع الجمهور (ابو مساعد الله لا يخلينا)
ترى الحضور اليوم يفشل


الصور




http:///Jan10/JpY88294.jpg
http:///Jan10/D9v88294.jpg

[راب سدير]

يؤؤ
يجب ان لا يتم السكووت عن الموضوع

استغفاال مو طبيعي
وصلوا لحد التزووير ؟

لانهم بالاساس سمحوا لهم يبيعون بهالشكل الغير حضاري
طبيعي بيفلوونها على روسنا ويلعبون علينا

الله لا يوفقهم يارب
وان شاء الله نشوف تحررك من المسؤولين

[فيصل العلي]

يجب ان لا يتم السكووت عن الموضوع

[أزرق والقلب أبيض]

اعتزال نواف التمياط

فيه تذاكر مزوره

لو تبي انزل الصور نزلتها

فما بالك في مباراه في كاس فيصل

[abdull500]

إقتباس الرسالة الأصلية كتبت بواسطة أزرق والقلب أبيض اعتزال نواف التمياط فيه تذاكر مزوره لو تبي انزل الصور نزلتها فما بالك في مباراه في كاس فيصل

نزل يالذيب وراك ساكت ذا الاشياء ما ينسكت عنها

[أزرق والقلب أبيض]

إقتباس الرسالة الأصلية كتبت بواسطة abdull500 نزل يالذيب وراك ساكت ذا الاشياء ما ينسكت عنها

هذي التذكره حقت اعتزال نواف التمياط


التذكره الاصليه :



التذكره المزوره :





ياشباب انتبهو من اللي يبيعون تذاكر
برى الملعب

كلها مزوره
يعني بالله يشتريها بـ 20 ريال
ويبيعها بـنفس السعر
وش يستفيد ؟!

اكيد فيها بلا

[şα3β αηšαķ]

إقتباس الرسالة الأصلية كتبت بواسطة أزرق والقلب أبيض هذي التذكره حقت اعتزال نواف التمياط التذكره الاصليه : التذكره المزوره :

درجه اولى بعد
ابووك يالثقه

[وش اقول غير الهلال]

كــــــــــــــــــــــــــــــــــــــــــــــــــــآآآرثة

<< عصب وفجأة هدأ

اهني نفسي واياكم على مثل اتحادنا السعودي


تحيآتي

[أبو العقارب]

أصلاً بعد ماتبدأ المباراة تشوفهم يبيعونها
بعشرة ريال



لازم المباحث العامة تتدخل

[alzaeem -4- ever]

كل تذكرة عليها ستكر ثلآثي الابعاد

تأكد منه قبل تشتري

بعدين وش موديكـ لأبو بكس حتى لو عطآكـ ارخص

مليون بالمية انه مكلفته اقل ,, مافيه امل يخسر نفسه

[abdull500]

إقتباس الرسالة الأصلية كتبت بواسطة دمـــ ألـــمـ ـــعة كل تذكرة عليها ستكر ثلآثي الابعاد تأكد منه قبل تشتري بعدين وش موديكـ لأبو بكس حتى لو عطآكـ ارخص مليون بالمية انه مكلفته اقل ,, مافيه امل يخسر نفسه

العجلة وانا اخوك جايين متاخرين

[أبوفيصل511]

يخوي والله انا مدري وش اقووول الله يعين بس

[@ امير بكلمتهـ @]

الله يخلف القهر إنه مافيه احد يتابعهم ><

[قـلـب هـلالـي 15]

لا حول ولا قوه الا بالله

لا حول ولا قوه الا بالله

لا حول ولا قوه الا بالله

[STS2005]

قوية الصراحه ..عيني عينك التزوير.. صار حتى في التذاكر .. ويقولون تذاكر الكترونية ..

يعطيك العافيه .. والحمد لله انك دخلت الملعب وحضرت المبارة وماخسرت فلوسك .. لو انتبهو اللي يقصون التذاكر بيتهمونك انت بالتزوير يعني عدت على خير ..