بسم الله الرحمن الرحيم
بداية الحمد لله والشكر والثناء لله عز وجل على هذا الفوز وهذا الابداع المتتالي لزعيمنا في كل المسابقات
واقدم شكري لجماهير المنطقة الشرقية وبالاخص اللي حضور المباراه مساء البارحه
واشكر الرابطه مع تفاعلها القوي والفاعل والجماهير القريبة من الرابطة في تفاعلاتها مع الرابطة
ونشكر جزيل الشكر مجلس الجمهور الهلالي في المنطقة الشرقية لحرصه واهتمامه الكبير بتقديم التنظيم الجيد والممتاز فعلا انتهى
جينا للاهم
مساء الخير جمهور الهلال في منطقة الرياض كيفكم ان شاء الله تمام
من الي فاضي منكم يوم السبت ؟
من الي يقدر يأجل اشغاله الي بعد العشاء لوقت ثاني ؟
من الي يراهن على ان جمهور الرياض مو جمهور مقاهي ؟
من الي يقول احنا ياجمهور الرياض الرقم الصعب ؟
( مو استفزاز لكم والله ولا استنقاص فيكم ) لكن نبي نحركم نبيكم تتفاعلون وانتم حاضرين
كل الي نبيه منكم ياجماهير الزعيم ( السبت والثلاثا ) تفرغ نفسك للتشجيع والمؤازرة والحضور الفعال
يوم السبت مع الاهلي ولافيه اي عراقيل تمنع حضوركم بصراحه المباراه بعد العشاء ونصف نهائي والفريق امس ابدع وتفنن يعني مابقى الا انك تجازي الفريق بحضورك خلصنا من مباراة الاهلي عاد الي بيكتبه الله بيصير
والرجاء كل الرجاء ماندري وش المكتوب في مباراه الاهلي بس لا سمح الله خسر الفريق ؟ بتنسى مباراه الثلاثاء
يعني مو اذا خسر الفريق لاسمح الله يوم السبت ماتحضر الثلاثا
لن الثلاثا اهم واهم واهم كثير من السبت
حتى السبت مهم لإبطالنا الاولمبيين
بس الثلاثا اهم
ادري اني مارتبت الموضوع وحايسه حوس
بس اهم شي اني وصلت الي ابي اقوله
جزئية بسيطه
السنه هذي الهلال ابداع والهلال امتاع واتمنى من جميع الجماهير ( انها لاتشجع لاعب عن لاعب مهما كبر او صغر اسم اللاعب كلهم نحبهم عشان الشعار الي يلبسه ولا نفضل لاعب على حساب نادي يعني المقصد واضح نشاهد هتافات خاصة بلاعبين مايقدمون شي ولاعبين يحرثون الملعب ولا اي مؤازة او تشجيع ولا حتى تصفيق ياخي اذا انت هلالي ولاشجعت اللاعب وتطالب منه الابداع كيف تبي تصير وانت تصفق وتطرب لشخص باقي يبحث عن نفسه من جديد )
والسلام عليكم ورحمة الله وبركاته
(شكرا جماهير المنطقة الشرقية وخاص لجماهير منطقة الرياض ) 
الوضع الشجري
