[الـفـارســ !!!]

بسم الله الرحمن الرحيم

بداية ألف مبروك الإنتصار الغير مستغرب والثلاث نقاط التي ستكون دافع قوي لحسم الدوري قبل نهايته


موضوعي عن الجمهور ومعاناتهم

بكل أمانة إلى متى وإحنا كذا مانتطور وإلى متى بنظل كذا
تنظيم أسوأ من السيء تجي للملعب من الساعة خمس ونص ولاتدخل إلا بعد ساعة أو ساعة ونص
مباراة معروف بيكون التواجد الجماهيري فيها كبير ولكن للأسف يقولون البوابات ستفتح بالرابعة عصرا ولاتفتح إلا الساعة 6 ؟؟؟
أمر عجيب
والأسوأ تعالوا شوفوا وشلون الدخول والتدافع عند البوابات ؟؟؟
لا ومدرجات الدرجة الثانية كم تتوقعون فيها بوابة ؟؟؟
ثلاث بوابات فقط
إلى متى بنبقى كذا
والله العظيم تعبنااليوم حتى دخلنا الملعب والجمهور ماشاء الله آلاف مؤلفة ..
ويرفع ضغطك زيادة بعض الجمهور داخل الملعب كل دقيقتين تشوف من فوق راسك غرشة موية تبدأ المباراة وتنتهي والواحد ماسك على راسة ويتحسس متى ينفلق



أثناء المباراة شاهدت جماهير الجار يتواجدون بالمدرج الأزرق بشعارات فريقهم وطبعا رحبنا فيهم لأنهم يكسرون الخاطر ماعمرهم استمتعوا بفريقهم وقلنا نخليهم يستمتعون بالزعيم

الرابطة الهلالية :::

إلى متى ونحن هكذا
أهازيج أكل الدهر عليها وشرب
واحنا بالدرجة الثانية ندور نبي نشوف أحد يتابع مع الرابطة حتى نتفاعل مع الرابطة ولكن للأسف فقط الرابطة تركيزها على مدرجات الدرجة الأولى مع أن الثانية أكثر ..


وأخيرا
ألف شكر لنا جماهير الزعيم بالأحساء
والدور عليكم يا جمهور الرياض شدوا حيلكم