[أبـو زآيـد]

بسم الله الرحمن الرحيم





نواف الهلالي يعود لكم من جديد





ما فيه خلاف الهلال يحتاج هداف << كيف السجع

بالطبع فالهجوم عندنا ماهو بذيك الفعاليه كما ذكر الأمير عبد الله بن مساعد وغيره

لكن المشكلة إننا نسمع أسماء تطرح اليومين هذي في الهجوم

لا ترتقي أبدا لمستوى الزعيم مثل السالم والسليم وغيرهم !!

اللاعب اللي يشتريه الهلال من فريق آخر يجب أن يكون ( نجم )

بمعنى الكلمه من المهاجمين المعروفين .. أو فالموجودين في الهلال

سواء في الفريق الأول أو الأولمبي ( أولى ) إننا نتيح لهم الفرصة !!

وفيه شيء ثاني ما يلاحظه كثير من الجماهير عندما يطالب بلاعب

من إحدى الأنديه .. وهو إن هذا اللاعب الموجود في هذي الأندية المتوسطه

أو الضعيفه ( غالبا ) لم يواجه تكتل دفاعي ولا مراقبه لصيقه

في المقابل عندما يحضر للهلال سيواجه تكتل دفاعي في كل مباراة

ومراقبه لصيقه لم يجدها قبل .. عندها لن يظهر بالمستوى اللي أنت تتوقع

واللي كنت تشوفه في فريقه السابق !!

عشان كذا زي ما قلنا لا بد أن يكون المهاجم - إن حضر - نجم ومتعود

على مثل هالأمور !! يعني متعووده دايما






جيرارد الزعيم

مع عودة العزيز ( عزيز ) أعتقد إن المدرب مطالب بإشراكه مع رادوي

في المحور بحيث يصير رادوي محور هجومي وينسى الدفاع لعزيز

وقتها تبي تشوفون جيرارد في الهلال وللي ما يعرف جيرارد

فهو لاعب وسط ومع ذلك من هدافي الدوري الانجليزي الموسم الماضي

وجميع أهدافه إما تسديدات صاروخيه من خارج المنطقة أو يساند الهجوم

في الكور العرضية ويسجل بالراس !!

وهذين الأمرين هي المطلوبه من رادوي في حال المدرب طاع شورنا

وأشركه مع عزيز في المحور .. بحيث نستفيد من تسديداته الصاروخيه

وأيضا يشارك الهجوم في الضربات الرأسيه يعني باختصار ( جيرارد الزعيم )






# أتمنى من قريتس يجرب لو مره وحده إذا لعبنا قدام فرق متكتله دفاع وهذا المتوقع

في كل المباريات الجايه .. إن في النصف ساعة الأخيره يلعب بتشكيلة 3 - 5 - 2

بحيث يكون المحياني والقحطاني في الهجوم وفي الجناحين ويلي والشلهوب للكور العرضيه

وخلف المهاجمين نيفيز ورادوي لزوم التسديد

وخلفهم عزيز وثلاثي دفاع .. وبكذا نبي نضغط الفرق ضغط رهيب ويبي يشوفون

مهب النجوم بس إلا كوكب زحل






محمد الهلالي .. شكر & طلب

من شاف منكم الشريط الخاص بنواف التمياط اللي وزعوه بعد المباراة ؟!

بصراحه شريط خورافي وخوقاقي وإبداااع بمعنى الكلمه يشكر عليه بصراحه

الأخ المبدع والمتألق دائما ( محمد الهلالي ) !!

يعني أنصح اللي ما شافه لا يفوته .. شغل متعوب عليه يعني جاب مباريات نواف

من بداياته وجاب من كل مباراة مهارات نواف والأهداف اللي صنعها واللي سجلها

بإخراج رائع وبأصوات المعلقين .. فأنا أقول لمحمد نيابة عن الجمهور ألف ألف شكر لك


لكن لنا طلب بصراحه .. وهو يوسف الثنيان يعني يمكن أكثركم شاف شريطه

يعني بصراحه لا يليق بسمعة ولا بتاريخ أفضل لاعب مر على الكره الآسيوية !!

يعني لقطات كثيره خرافيه وأهداف كثيره تستحق المشاهده وما شفناها بالشريط !!

ما غير عشرين أو ثلاثين لقطه بعضها تكررت بالشريط أكثر من ثلاث مرات ؟؟!! ليش !!

عشان كذا أنا أطلب وأتمنى من الأخ الفاضل محمد الهلالي إنه يسوي ليوسف مثل شريط نواف

أدري إن العمل يحتاج جهد كبييييير ووقت كثيييير غير إن يوسف مبارياته قديمه من قبل 1410

وغير كذا يمكن تلقى بكثير من مبارياته كل لقطه يبي لها توثيق ما شاء الله

لكن والله أبو يعقوب يستاهل .. ولا هو لازم يكون الشريط مره وحده ..

يعني ما فيه مشكله يصير على شكل أجزاء لكن بنفس الطريقة اللي عُمل فيها شريط نواف !!






المعذرة على الإطالة .. ولكم مني أرق التحايا ،،،