[@زيزو10@]

اخواني اخواتي الزعماء صباحكم / مسائكم ورد وفل وياسمين طبعاً بعد السلام


كلنا شاهدنا الكم الهائل من المواضيع التى شنت هجوماً لاذعاً على ابو الجوهره بسبب غيابه ولم ينتظروا حتى معرفة اسباب الغياب ... ووصلت بعض المواضيع التشكيك والتجريح به شخصياً وطالبت الجماهير التخلي عنه بسهوله ومقايضته باي لاعب مهما كان الثمن... وكلنا نعرف ان خالد عزيز يمر بظروف عائليه ......والله اعلم (حسب كلام الادارة وابو الجوهره نفسه)

والظروف العائلية مرت على الشلهوب وراينا موهوبنا كيف انخفض مستواه وانا لا الومه على شي لكن اصعب مايمر على الانسان الامور العائليه ... ابعدنا واياكم عن الشر
وابو الجوهره ماشالله لم ينخفض مستواه بعد هذا كله..وايضاً بعده عن المباريات الحساسه وشاهدنا ابو الجوهره بمبارة الاهلي كيف كان رجل المبارة الاول حسب تصويتكم انتم ايه الزعماء

وعتبي عتب محب لجماهير نادي القرن بالتسرع لان بالتسرع جهاله

الا يستحق شكركم ووقفتكم بعد هذا الهجوم ((ابو الجوهره نحن نحبك فلا تلومنا))

اسالكم بالله الان هل تريدون مقايضته باي لاعب هل تريدون التفريط به...

وفيه نقطة هامه ذكر حسب المصادر ان الهلال لابد له من التعاقد مع يوسف السالم وعبدالرحمن القحطاني
ووجهة نظري ان يوسف السالم لاعب اقل من عادي
وعبدالرحمن القحطاني لاعب جيد ويمتاز بالمرواغة والتسديد ....لكن اسالكم هل هو افضل من عبدالعزيز الدوسري او مازن الفرج مع ملاحظة ((الفرق بالعمر)) فانا اعتبر من وجهة نظري ان مازن الفرج يقارب للعب عبدالرحمنن القحطاني الا بالتسديد وهذي مع مرور الوقت يتقناها اما عبدالعزيز الدوسري ((الله يرده بالسلامه))فهو افضل منه بمراحل من جميع النواحي ((ويكفي ماشالله عليه)) لعبه بعقل وهدوء وتسديد متقن وصناعة لعب لايمتلكها عبدالرحمن القحطاني
واذ كان هناك لاعبين يستحقون الفانيله الهلاليه فانا ارى مهند عسيري خصوصاً انه صغير بالعمر وكامل المر فقط لاغير..
وبالاخير اتمنى من الجماهير الهلاليه مساندة اللاعبين جميعاً وليس لاعب محدد والوقوف بموازراتهم خصوصاً بالايام المقبلة لانها مفترق طريق سواءً بالدوري او كاس ولي العهد او كاس فيصل وكاس اسيا والبعد عن التجريح باللاعبين سواء قدم مالديه بالمباره ام لم يقدم فاللاعب بشر وليس اله ,,,,


وتقبلوا تحياتي وفائق احترامي للجميع الصغير قبل الكبير وردودكم تسعدني

[●|| Ŧσṕ]

تشكر أخوي على الموضوع


وبصراحة كلامك عين الصواب

خصوصا كلامك عن عزيز


الحكم المتسرع هي العلة


تحيآتي

[ابو رمش9]

والله كلامك سليم واتمنى الوقوف مع عزيز ورفع روحة المعنوية وهو من اول الموسم الكل قالب علية من ادارة وجمهور بكل صراحة اتمنى نوقف مع عزيز واختلف معك اخوي بخصوص عبدالرحمن القحطاني فهو افضل من الي ذكرتهم ومافية مقارنة بس مانحتاجة في الفريق واتمنى يوسف السالم لاعب هداف وراح يفيدنى بوجودة مع عيسى وياسر وتقبل مروري وكثر من المواضيع الهادفة الي زي كذا

[@طارق@]

كما كنت أتمنى فعله جريتيس مع خالد عزيز نعم لابد أن لانجعل للإعلام باب لهز الهلال والحديث المتكرر عن عزيز وفتح باب لهم
وانا أعتب على أعضاء المنتدى الأغلبية يطالبون بتنسيقه والي يطالب بردعه وهم الأقرب من الهلال فكيف بالبعيد عن الهلال لابد أن نقف دائما بجانب لعيبتنا مهما كان الحدث وخالد عزيز لاعب متمكن بل الأول بمركزه بالمملكه لانريد أكثر من هذا جميع من تكلم عن عزيز بالأمس لما أتى العذر من المدرب لعزيز الجميع سكت ولم يحرك ســـــاكـــنــــا ... مشكور على الموضوع

[مشاعر لم يرد عليها]

سلمان الفرج مو مازن على ما اعتقد .


شكرا لك عالموضوع الجميل .

[عاشـ يـ 20ــاسرــــق]

مشكور على موضوعك الجميل ...
والله يوفق الكابتن خالد ويبعده عن كل شر .

[alkmondez20]

صدقت أخوي مشكلة الجمهور الهلالي

سريع في اتخاذ القرارات والعقوبات

أتمنى مرة ثانية معرفة الاسباب التي دعت

الاعب إلى فعل هذا الشيء ومن ثم اتخاذ اللازم

بالتوفيق

[ابوفهد الزعيم]

الله يصلح عزيز وما نيب منه شي يجد ويجتهد ويواضب على التمارين ولا يشغل الإداره والنادي والجماهير

حنااااااااااااااااا في وقت حساس جداً وقت جني الثمار .

والله ثم والله مانبي عزيز إلا يكون أفضل لاعب عسى اموره العائلية تتحسن ويصلح حاله وينضبط .

ومشكور على موضوعك

[@زيزو10@]

إقتباس الرسالة الأصلية كتبت بواسطة مشاعر لم يرد عليها سلمان الفرج مو مازن على ما اعتقد . شكرا لك عالموضوع الجميل .

مشكور على التوضيح اخوي وصدقت والنسيان نعمه

واشكر الجميع على المرور

[@زيزو10@]

إقتباس الرسالة الأصلية كتبت بواسطة ابو رمش9 والله كلامك سليم واتمنى الوقوف مع عزيز ورفع روحة المعنوية وهو من اول الموسم الكل قالب علية من ادارة وجمهور بكل صراحة اتمنى نوقف مع عزيز واختلف معك اخوي بخصوص عبدالرحمن القحطاني فهو افضل من الي ذكرتهم ومافية مقارنة بس مانحتاجة في الفريق واتمنى يوسف السالم لاعب هداف وراح يفيدنى بوجودة مع عيسى وياسر وتقبل مروري وكثر من المواضيع الهادفة الي زي كذا

مشكور اخوي

ووجهة نظرك احترمها واقدرها وننتظر وجهات نظر باقي الاعضاء

[ابودانـه]

والله عزيز لاعب من افضل المحاور في المملكه

وحرام يروووح او ينركن في الاحتياط

لكن هذا شغله الله يهديه يعرض ظروفه وما اظن انهم بيرفضون الوقوف معه

لكن هو يطق بهم كل ليلة جمعه!!!!! وبعدين يجي ويقول ظروف ياخي قدمها وريحنا

ما قلت هالكلام الا من خوفي عليه وحبي له

[الساهر99]

والله الهلال الي يحتاج وقفة عزيز معاه نحن في وقت حساس

[11ابراهيم 11]

ايه والله يحتاااااااااااااااج وقفه

[خالد العنزي]

مشكــور حبيب

اتمنى التوفيق للهلال دائما وابدا اين ما حل وارتحل ولكم مني اطيب التحايا

اتمنى التوفيق للهلال دائما وابدا اين ما حل وارتحل ولكم مني اطيب التحايا

اتمنى التوفيق للهلال دائما وابدا اين ما حل وارتحل ولكم مني اطيب التحايا

[Mohamad AlZaeem]

مازن الفرج = سلمان الفرج ،،، للتصحيح