[دريعان]

السلام عليكم ورحمة الله وبركاته
خالد عزيز خرج من معسكر المنتخب والمتضرر الاكبر الهلال ثم عزيز
خالد عزيز يغيب عن التدريبات بدون عذر اوحتى اتصال
خالد عزيز يعاقبه جريتس بالاهمال والابعاد عن المباريات
خالد عزيز يبدع في المباراة الاخيرة مع الاهلي وهو نجم المباراة
الفريق مرشح وبقوة للفوز بالدوري
خالد عزيز يعود للغياب بدون عذر

شئ لم اجد له جواباً هل عزيز غبي ليرفس النعمة برجليه
هل عنده ضروف صعبة حتى ادارة النادي لاتعلم عنها ولايريد البوح بها

الشئ الوحيد ومقتنع به أن غياب خالد عزيز ليس برضى منه وانما يدفع اليه قسراً
ويجبر عليه من اناس همهم هز الفريق عن طريق تغييب واحد من ابرز اللاعبين

لانه لايمكن تخش المخ ان السبب فقط عزيز وهو ببساطة ( مبزوط )

دمتم بخير

[ابو الجوهره 9]

والله تبي الجد اخوي

احنا اللي خلينا الموضوع اكبر من حجمه

والا اذا غاب عزيز والا غيره لا نكبر الموضوع

والاحتياط ينتظره أو برى التشكيله

والحمد لله فريقنا وزعيمنا ما يوقف على أي لاعب

وبالتوفيق للجميع

وتقبل مروري

[زياد 2007]

راح والا جلس ماعاد له قيمه من من مباراة الاتحاد العام الماضي وانا عاده لاعب منتهي الصلاحيه ووجوده مثل عدمه

[عــــ الأزرق ــاشق]

إقتباس الرسالة الأصلية كتبت بواسطة ابو الجوهره 9 والله تبي الجد اخوي احنا اللي خلينا الموضوع اكبر من حجمه والا اذا غاب عزيز والا غيره لا نكبر الموضوع والاحتياط ينتظره أو برى التشكيله والحمد لله فريقنا وزعيمنا ما يوقف على أي لاعب وبالتوفيق للجميع وتقبل مروري

ليش الإحتياط ينتظره إلا أقلعه وريح راسك.
بعدين ماكبرنا الموضوع على الفاضي وشذنب الباقين شادين حليهم وابوالشباب يجي على كيفه اللي ما يبينا ما نبيه وخالد عزيز واضح إنه ملعوب عليه من خبيلان وربعه .
وحنا أيام عقد سعد الحارثي كانت الإداره الهلاليه صريحه معهم وبلغتهم باللي صار.
لكن النصراويه تدري إنها ماتقدر تاخذ اللاعب إلا بعد 4 سنوات أو 3
وهم يحاولون التشويش على الهلال بكل الطرق حتى لو ماقدروا ياخذونه.
وحتى صحافتهم تضع اللوم على قاهرهم سامي الجابر لضربه بالجماهير وإيهام الناس أنه السبب.
ليتك ياعزيز تجي نصف أخلاص سامي للكيان الكيان اللي رفعك
ووضع لك إسم في عالم النجوميه .
الهلال كبير ولا أنت ياعزيز ولا مليون غيرك يقدر يهز كيان بحجم
الهلال.
أتمنى من الإداره بيع عقده والإستفاده من المبلغ أو مقايضته بلاعب آخر .

[اكـــــه]

ياالربع المتهم بريء حتى تثبت ادانته

[مايباخ غمارتين]

عزيز مثل العضو الفاسد في جسم الإنسان
وعلاجه
البتر

[دريعان]

شكراً لجميع من قام بالرد

( اذا كان ورا تغيب عزيز احد )
فيجب على الادارة حل المشكلة نهائياً وباي طريقة والحفاظ عليه داخل الفريق
لان الحرب على الهلال اخذت اساليب جديدة رخيصة ملتوية
واذا انتهى عزيز اليوم فغداً غيره
ولنا في ياسر عظة والحمد لله الذي اخرجه منها سالماً

دمتم بخير