[Fahad Al Sudais]

حيـــــاكم

سرحاني اللجنة طلع يبرر ويستغفل في الجولة... وليته ماطلع

سمعت مقابلته مرتين وعجزت اطلع منها بفائدة واحدة

هالمملوح صمت دهراً ثم نطق ( ........... )

المذيع يسأله اسئلة مباشرة وصريحة وهو يلف ويدور ويصف كلام انشائي

كلام عائم ومرسل يرجعنا ورى عشرات السنين لأيام ماقبل الانفتاح الاعلامي

ويحلف ويقسم... واللي في بطنه ريح مايستريح

ارجع واقول ليتك ماطلعت.. وخليتنا على طمام المرحوم

يتكلم عن ( قرارت وعقوبات ) اللجنة.. واللي يسمعه يقول كل اسبوع عقوبة

والمشكلة عمرنا ما شفنا هاللجنة مجتمعة.. ولاشفناها عاقبت احد غير الهلال

وما ابغى ابعد كثير

حادثة حسام رخيص يوم ( يزنط ) الجيزاوي ( ويتلّه ) مع رقبته

ومحمد نور يوم يروح ينفخ على رجل الخط في مباراة الاتفاق

وين القرارات الرادعة يا راعي الانضباط ؟؟

وينك انت ولجنتك ما اجتمعتوا ولا سمعنا لكم حس ؟؟

وبعدين انت تقول انكم في عقوباتكم تعتمدون على التقارير المرفوعة

طيب هالتقارير من اللي يرفعها ؟؟

مراقب المباراة ؟؟

او حكم المباراة ؟؟

او فيصل عبدالهادي ؟؟

منهو اللي حاط دوبه ودوب الهلال فيهم ؟؟

ياسرحاني ترى الله ماشفناه لكن بالعقل عرفناه

تتكلم عن قرارات وعقوبات وشغل كثير وكلام كبير... وحنا ماقد شفنا شي

لو اعد قرارات وعقوبات لجنة الانضباط من يوم طلعت الى اليوم

ماراح تتعدى 6 او 7 عقوبات وكلها ضد الهلال

وعلشان اكون امين..

محمد نور قد توقف كم مرة.. وبعد ايقافه بيومين يصدر عفو شامل

ياسرحاني ترى كل شي واضح ومفهوم ومالها داعي هالبربره اللي مالها سنع

واللي يخاف الله في شغله ( مثل ماتقول )... يطبق هالخوف عملياً

لكن الكلام الانشائي اللي ماله أي فائدة ماخوذ خيره

هاللجنة عمرها ما اجتمعت الا ضد الهلال

وعمرها ما اتخذت عقوبة الا ضد لاعبي الهلال

وتاخذ توجيهاتها من شخص معين

ويكفي استغفال للعقول

.

.

كيف نفوز على الاهلي ؟؟

الجيزاوي والسفري

اسرع وافضل اثنين في الاهلي حالياً

ومع مالك معاذ ممكن يشكلون خطورة على مرمى الدعيع

هالثلاثة راح يلقون مساحات شاسعة للعطاء في ملعب مثل استاد الملك فهد

اعتقد في هالمباراة لازم يكون الانضباط الدفاعي على اكمل وجه

وافضل طريقة للدفاع هي الهجوم بكل تأكيد

نبي ( نحجرهم ) في ملعبهم ومانبيهم يتقدمون

مانبي نعطيهم مساحات واسعة مثل ما عطاهم الشباب وتوهق وكاد ينهزم

وترى الجماعة ( شوّيته ) يابودعيع.. خلك مصحصح الله يرحم والديك

ياسر.. حاول تمتص غضب وانتقادات الجماهير بهدف.. مو مهم الطريقة المهم التسجيل

[" أَبُو لارا "]

فهـد .. هذه اللجنة أداة بيد الحقود وأنت تعرفه وهو ليس بحاجة إلى تعريف !!

مباراة القادمة بحاجة إلى وقفتك مع الجماهير .. لأنك الداعم الأول لهذه
الجماهير فـ وقفتك سوف تجعل من المدرج الهلالي تشجيع حماسي ينصب
بالطبع لـ صالح الفريق

ثانياً لاتجلس في المنصة الرئيسية خلك عند الرابطة .. لتضيف للرابطة
جمالية

نـرجع للجـد !!

يا جماهير الأرزق الكبيرة .. حضوركم مع الفريق داعم .. ومؤازرتكم للفريق
بكل قوة يجعل من الفريق بعد الله قوة ضاربة !!

أما بالنسبة للمباراة .. فهي مباراة نفسية بالدرجة الأولى .. لأن الهلال خسر
من النصر وهي خسارة غير متوقعة .. وبإذن الله هذه الخسارة فال خير على الفريق !!

فــهد .. أحبك

[Fahad Al Sudais]

إقتباس الرسالة الأصلية كتبت بواسطة أبو [EMAIL="لارا@;13985800" لارا@;13985800[/EMAIL]] مباراة القادمة بحاجة إلى وقفتك مع الجماهير .. لأنك الداعم الأول لهذه الجماهير فـ وقفتك سوف تجعل من المدرج الهلالي تشجيع حماسي ينصب بالطبع لـ صالح الفريق ثانياً لاتجلس في المنصة الرئيسية خلك عند الرابطة .. لتضيف للرابطة جمالية

اولاً / انا حاضر حاضر الله لا يعوق بشر.. لو على نقّالة

سواء اقيمت المباراة في حبيبي الملز او في بؤرة الاستاد او حتى في جوزيبي مياتزا او ملعب الصايغ

ثانياً / من قال لك اني راعي منصات

انا من جهابذة الدرجة الثانية ومن عشاقها بس لو الله يفكنا من هاللي كل شوي قايمين قاعدين واللي يغثك ان الكورة في نص الملعب وماتدري الا وهم قايمين

دوك -->

[miss zozo]

يالله حي الصخرة,,

اصلا من دريت ان كل المكالمة حلوف وانا غاسلة يدي منها خخخ

استغفر الله تقل مبزره بين كل كلمة والثانية حلف,,

ليته ماطلع بس مالت عليهم من لجنة انحطاط,,

(الظلم ظلمات يوم القيامة )


بالتوفيق للهلال ان شاءالله امام الاهلي يارب ال3 نقااااااااط

[We will not forget15]

يالبى خشتك.....على الجرح وياليت الجرح يداوى بوجود هالخشش,,,!!

[LOVEЯ LEADEЯ]

أنا من يوم جلس يحالف عرفت الوضع


لو ماشيء في السليم وش له حلفان


الله المستعان ومالنا الا الدعاء


الصخرة كلام واقعي الله يعطيك العافيه

[ابو فهد الهلالي]

بالنسبة للسرحاني فأعتقد أن اتصاله بالجولة له مغزى معين وخصوصا أنه ركز على أنه لا يوجد من يوجههم وأعتقد أن حلف بالله ومن ثم قال نحن نخاف الله في عملنا ... وهذه أول مرة يظهر وذلك بسبب ردة فعل رئيس الهلال التي أجبرته على الظهور والمصيبة أنه يحاول التملق ويقول أنا لم أستمع لتصريح رئيس الهلال ،،، طيب من أخرجك من غرف اللجنة المغلقة الا التصريح إياه ...

وأنا كتبت عن اللجنة بالتفصيل وأتحداه أن يثبت أمام الملأ أنه عادل بعد أن يقرأ المقال بالكامل

http://vb.alhilal.com/showthread.php?t=850925

[سيناتور هلالي]

والله إنك صادق يالصخرة ..

ماعلينا من السرحاني الي دايما سرحان بس على الهلال يصحصح !!

أهم شيئ تكفون يالجمهور شدوا حيلكم ..

وتكفون ياللاعبين لاتفشلوننا..

بالتوفيق لفريق القرن..

..سيناتور..

[ḾŎĤǍṀẠḊ]

ياشيخ اقسم بالله كرهوني في الكوره نصب لاجل النصب ولا يحلف بعد خخخخخخخخخخ

اقول يالبى تشلسي والدوري الانقليزي حتى لاجا يفهون ما توصل درجه امين الدجه العضوفي كل لجان الاتحاد ؟

اقول جمهور الزعيم موعدنا استاد الملك فهد صح يالبى الملز بس خلاص لازم نثبت لابو فيصل انا معه مهما كان

اتمنى وجود وجه السعد في المباره مشتاقين له حيل

صخ صخ يالبى قلبك > ورده <

[سلطان عاشق الزعيم]

كلام السرحاني كله استغفال للجمهور وغير كذا يحلف كذباً
ما اقول غير حسبي الله ونعم الوكيل فيهم
ويارب الهلال يرد عليهم بتحقيق البطولات
اما عن مباراة الاهلي فالمباراة بتكون صعبة جدا جدا
ولكن نتمنى حضور جماهيري كبير والله يوفق الهلال ويارب يكون الفوز حليف الهلال
مع تركيز اللاعبين طوال الـ (90 دقيقة) وعدم التهاون بالخصم مهما كان
مانبي تهاون بالخصم لا من اللاعبين ولا من الجماهير ولكن نحترم الخصم وبإذن الله
سيكون الفوز من نصيب الزعيم

[تمياط خليص]

ماعلينا منهم نحن كجمهور الزعيم اميرنا الغالي تكفل بالامر ليرد على الحثالة من السرحاني وعبدالهادي
ونحنا واجبنا يوم الخميس ياشباب ملعب الدورة بأنتظارنا لنرد على عبدالهادي واشكاله المنحطووون
ونعلمهم من هو زعيمه
الهمة ياشعب الهلال موعدنا الدرة الخميس ارجوووكم تحضرون الملعب لنرد عليهم
اما عن المباراة الهلال لازم يلعب بمحورين وترك الحرية للشلهوب وولهامسون ونيفز وياسر بعدم الرجوووع
الف شكر خيووووو الصخرة

[20 الكاسر ياسر 20]

الكلام طال بخصوص هالموضوع ولا حياة لمن تنادي


مباراة الاهلي صعبه بالحيل .. ولازم نضيق المساحات عليهم مثل ماقلت اخوي وعندهم ميزة
التسديد من بعيد وفيه اكثر من لاعب يجيدها واتمنى الانتباه للنقطه هذي واخذها بجديه ،، وان شاء
الله غيرتس يكون قارئ المباراه بشكل جيد .


لاهنت صخرتنا

[30 سنة هلالي]

حسبنا الله ونعم الوكيل على :

لجنة الإنحطاط

[المهاجر0551]

مشكووور اخوي الصخره على الموضوع وهذي واضحه ما نقول غير حسبنا الله ونعم الوكيل
وعلى العموم بالتوفيق للزعيم ان شاء الله

[قلب الزعيم النابض9]

ما اقول الاحسبنا الله ونعم الوكيل على من كان السبب !!!!!

والاهلي وما ادرائك ما الاهلي ياخوفي بس من معاذ يفلها مع المرشدي

لاهنت خيوا على موضوعك الشيق