السلام عليكم ورحمة الله وبركاته
انا عارف ان عنوان الموضوع ينرفز ويقهر
لكن بس حبيت اذكر ببعض ردود فعل الجماهير في حالات فوز الهلال وخصوصا على النصر
صحيح اننا خسرنا مباراة مهمة جداً واللي زاد الطين بلة انها من النصر اللي سبق وخسرنا نقطتين واليوم يخسرنا ثلاث نقاط
انا بعد نهاية المباراة ضاق صدري وقفلت اخلاقي وطلعت من البيت واسب واشتم
وقلت في اللاعبين ما لا يقال لكن يوم هديت وتذتكرت احداث المباراة لقيت النصر
فاز في المباراة باستحقاق نعم باستحقاق عرف كيف يقتل اسلوب لعب الهلال من
ناحية ولاعبيننا اليوم ابد ما كانوا في يومهم ما عدا بعض اللاعبين لكن حتى لو كان
في قصور في بعض اللعيبة ما يستاهلون كل هالكلام اللي انقال عنهم
يعني الان صار الشلهوب عالة على الفريق و ويلي ما عاد يعرف يلعب ونيفيز ما عنده سالفة
صحيح ان الزوري كان في اسوا حالاته وتحس انه موب في الملعب ابد
وصحيح ان الفريدي كان يقتل كل الهجمات الهلالية اللي عن طريقه
لكن ولو ماهوب حنا يا جماهير الزعيم اللي نكون معهم معهم عليهم عليهم
لا صحيح اننا نعتب ونزعل ونتكلم لكن في الاول والاخير حنا الداعم الاول للفريق بعد
رب العالمين
فلا بد اننا نتعلم ثقافة الفوز مثل ما نتعلم ثقافة الهزيمة يعني بالمختصر اذا فرحنا نفرح
بعقل واذا خسرنا نخسر بعقل
وللجميع التحية والتقدير والاحترام
الوضع الشجري
