[Jason Statham]

مساكم \ صبحكم الله بالخير يا ارقى جمهور

هارد لك لكل هلالي ---- انا متابعتي للهلال بعد كل مباراة : بالجوال لأخوياي - رسائل او مكالمات
والاغلب بالماسنجر ------>> مدمن قروبات للهلال يهمني اراءهم كثيييير -- ورسائل الايميلات

ومنهم وكلامهم المجتمع عليه ---- لاموا المستحق للملامه اشهد انه جمهور راقي بكلامه
ماراحوا للحكم !! وعاتبوه --- ولا قالوا عشان ارضية الملعب ولا شي
عاتبوا اللاعبين ------ لو غيرنا صدقوني بيقلبونها على الحكم وعلى الهلال ----->> حتى لو كان بعيد عنهم هالهلال
وهذا الي مخلينا نتفوق ونتعلم من اخطاءنا
اهنئ نفسي واياكم الى الجمهور الوفي الحاضر لمباراة الديربي

نقاط متفرقه :

1- استفدنا من المباراة -- تأثير الامير الشاعر المحبوب الغالي علينا الله يرجعه لنا بالسلامه عند حضوره لمباريات الهلال

2 - المدرب بيتدارك اخطاءه وان سماها البعض ( غروره ) ..اكيد مدرب مثل غيريتس مابتمر عليه مرور الكرام -- وبيعرف اخطاءه ومنها :
عدم وضع لاعبي في مباراة صعبه وهو غير منسجم مع التشكيله ( مثل خيرات ) مع خالص الاحترام له
التبديلات المتأخره بيشوف لها حل واذكركم ..
بيحترم الخصم وبيتوقع منه كل شي (( وبيعد العده له )) بإذن الله
مابيطمع ( وآسف على هالكلمه ) بالتهديف ----- ولكن هدفه الاول الفوز ب 3 نقاط بغض النظر عن عدد الاهداف



3 - اسفدنا من مباراة الديربي ----- ( الشلهوب اعتلى بقمة الهدافين ب 11 هدف ماشاء الله عليه )
بتقولون وش الفايده ؟ وخسرنا 3 نقاط ؟ وبيغتر ؟ او بتعالى بعدها ؟؟
بالعكس الكل يعرف طبع الشلهوب باللعب ------>> بيزيد اصراره على الحماس والتهديف



4 - اكبر فاااااااااااااااااائده من هالمباراة احترام الخصم درس لنا(( المؤمن لايلدغ من جحر مرتين ))

تحياتي لأروع جمهور .. وفالنا الدوري ان كتبها الله لنا(( قل لن يصيبنا الا ماكتب الله لنا هو مولانا وعلى الله فليتوكل المؤمنون ))