[سكارد الزعيم]

بسم الله الرحمن الرحيم

نعم الهلال خسر مباره وهي من ضمن دوري ولم يخسر المركز الأول

نعم الهلال خسر من الجار لانه الهلال نفسه لم يلعب اليوم

نـعم الهلال خسر اليوم ولكن لـم تقـم القيامـه

قدر الله وما شاء فعل

نعم هذا قدر الله فـ النادي لازم يخسر مهمها كان

قرأت الكثير من اللي يكتبون بها المنتدى أنو اللاعبين لم يكونوا بيومهم ..

أخواني الأعزاء أعيدوا شريط المباره ..< مع أني ما أظن أن أحد يبي يشوفها مرة أخرى

شووفوا النصر وشلون لعب وضغط على لاعبين الهلال واحد يضغط والثاني وراه أذا عدى من الأول ما يعدي من الثاني وهذي هيه لعبة كورة القدم وطبقها النادي الجار اليوم وطبقها بأ أحتراف

اليوم الهلال حاول أنه يحتفظ بالكوره ولنا بـ أنقطاع الكوره أكثر من اربع مرات من محوري الهلال وبذات على الغنام الذي لا يمرر بسرعه

نادي النصر لعب على المرتده بتميز وتمركز لاعبينهم في أماكن فارغه وهذا ما جعل النصر اليوم يتميز عن الهلال

أما الهلال فجلس يفكر بكم يفوز ....!

فمحمد الشلهوب ما يمديه يستلم كوره الأ وأثنين عليه ولا نفيز تشوف أثنين معاه والثالث يتحرى وراء أخوياه أذا عداء كسره < هذا هو نظامهم اليوم أهم شيء ما يمشي بالكوره أكثر من خمس أمتار

ياسر القحطاني أما أنه يجلس يبي يسوي لنا بلياردوا جديد < هذا اللي أنا أذكر أن ياسر تحرك فيها فقط فاليتك يا ياسر تقدر الجمهور اللي حضر وتقدر الفنيله اللي خلتك من أغنياء الكوره فالسعوديه

الزوري أحس أنه اليوم يبي واحد يطقطق له ظهره .. ولا يبي يسوي لي فيها تبي تسحب على الخط وين أصرفها ذي .. لازم الأداره تجلس معاه وتشوف ها اللاعب يبي يلعب ولا يروح يشوف له نادي سباحه يسجل فيه

خيرات .. اليوم عرفنا المرشدي وأهميته .. صحيح أن خيرات مدافع من الدرجه الأولى بس اليوم فيه أخطاء فادحه

هوساي .. أتوقع أن الجمهور أعطاءك الثقه فربما يسحبها منك بين مباره وأخرى فغلطة الهدف الأول هو الذي جعل النصر مفتاح الفوز لهم فنسجلها عليك .. فيمكن للزمن نحاسبك عليها بالمستقبل

الكوري .. فيه أندفاع للهجوم بكثره على عكس التغطيه الدفاعيه .. أذا قاله المدرب تقدم فهذي بحد ذاته جنون

الغنام .. أحس أن الكوره عنده كأن فيها حجر ماهي ناويه تتحرك منه

ويلي .. لازم يأكل خروف ويقوي عظامه على الهواء الطائر يطيح

الهلال اليوم لو لعب على لمسه والخطوط قريبه من بعض ما طلع النصر مثل اللي شفنها اليوم ترى النصر مثل أي فريق بالدوري بس أحنا اللي عطيناه الفرصه يهجم علينا ولا النصر تشوفونه بالمباريات المقبله وتشوفونه كيف يحاول انه يدور على التعادل على أقل

أقول أخيرا لجمهور الهلال العظيم أثبتم اليوم أنكم الأكثر شعبيه ولا عزاء للحاقدين

نقاط متفرقه

* بعض الأعبين اليوم لعبوا بـ أسماءهم فقـط ولم يحركوا بالملعب شياءٍ يذكر

* النصر فاز لان الهلال اليوم لم يلعب بلمسة واحـد

* الزكاة ركن من أركان الأسلام وزي ما زكينا في بطوله سنيه برضوا نزكي في مبارة دوريه

* روداوي تحيه طيبه لك على ما تقدمه من لعب رجولي بالملعب

* جمهور الهلال .. أقول جمهور الهلال وليس جمهور اللاعبين شجعوا الهلال فقط وخلوا اللاعبين لانه كم سنه وماشي وأنت تجلس تشجع الهلال واللاعب ترك الملاعب فهل تترك تشجيع الهلال على شأن لاعب

* جريتس .. هذا أول خساره لك من أستلمت النادي فلن أقول لك شيء الأ بس ترى أنت تدرب نادي الهلال { نادي القرن } فـ أعلم أن المحاسيه نهاية الموسم وليسة بنصف الموسـم

* سمو الأمير .. فهذي ليست أول مره تغيب فيها عن مباريات الهلال فـ أتمنى أنك وضعت الرئيس بغيابك يكون قد المسؤليـه

* أكبر غلطته غلطتها سلمان النمشان مدير الملعب أنه لم يوضع مكان للجار ليحتفلوا أنهم فازوا

* جمهور الجار ما ينام اليوم ولا بكره ولا بعده ألى مبارتهم الجايه ويخسر الفريق وتشوفون وش يسون في فريقهم يمسخرون الأول والتالي ويقولون ياليت الهلال فاز علينا

* جمهور الزعيم جمهور نادي القرن التفوا حول الزعيم فمباريته القادمه هي التي تحدد مصير الهلال لحصوله على الدوري فكونوا القود الحقيقي لـه
عاتبوا اللاعبين بعدم تشجعيهم فشجعوا الهلال الذي أتفقنا على حبه ولا تشجعوا لاعبين عن لاعبين أخرين

* الأحساس عمره ما يخيب وأن شاء الله الهلال السنه ذي يحقق ما يطمح له جماهيره .. أحساس كاتب الموضوع

وأخير أن أخطت فمن نفسي والشيطان وأن وفقة فهو من الله عز وجل قدرته

سكارد الزعيم