[لا تلوموني بالأزرق]

[بسم الله الرحمن الرحيم]
الى جميع الزعماء الى كل هلالي الى كل صاحب ذوق رفيع
السلام عليكم ورحمة الله وبركاته
ابارك للجميع مستوانا الرائع والنتائج الاروع وبإذن الله الدوري لنا بس هالله هالله بالدعاء ثم الدعم النفسي بالإعلام وبالمدرجات.
اتشرف اني كنت واحد من الحظور في مباراة الوحده الاخيره وللاسف اللي صار برا الملعب ما احد يصدقه.
والله شفت بعيني واحد من رجال الامن يضرب مشجع بالشارع وشبابيك التذاكر مقفله وبوابات الملعب من الشارع مقفله بس جانا الفرج يوم جاء الاستاذ/ فهد الحميدي وقالهم افتحوا الابواب حتى اني دخلت بدون ما احد ياخذ التذكره وبون تفتيش ما احد يفتشني بصراحه كان قمة التسيب وقمة الاهانه والاهمال, والجمهور هو اللي نظم نفسه بنفسه.
بس اللي مضيق صدري اني ابكون برا الرياض يوم الخميس وما راح اقدر احضر مباراة النصر وارجو من كل اللي يقرا كلامي يكون بالملعب الخميس.
بعد مباراتنا مع الاتحاد كان بيني وبين الكابتن الخلوق/ عبداللطيف الغنام مكالمه كنت اكلمه وصوتي ما احد يسمعه (مبحوح من التشجيع بمباراة الاتحاد) وقلتله احمدوا ربكم انه في جمهور زينا نشجعكم بالمدرجات قالي والله لولا الله ثم انتم وتشجعيكم ما كان فزنا بهذه النتيجه وقالي بالحرف الواحد (انتم سلاحنا).
يا جماعة الخير هالله هالله بالحضور والتشجيع.
وبما اني اشتغل باحد البنوك بقسم خدمات العملاء الماسيين جاني لاعب النصر حسام غالي, قعدت اسولف معاه وقلتله الدوري لمين قال للهلال قلتله مين افضل فريق قال الهلال, قلتله ليش ما تفتحون اللعب اذا لعبتوا ضد الهلال ناظرني بعين وقال بالحرف الواحد ( ما نقدرش)قالي بس راح نفوز عليكم قلتله معليش يا كابتن ( بدري عليكم) قالي ايش؟ قلتله يعين انسى بإختصار ما تقدرون.
اللي شفته بعيونه كان خوف واضح تكفون نبي نذبحهم يوم الخميس.
اخيرى وليش آخرآ اشكركم على القراءه وتشرفني ردودكم.

والسلام عليكم ورحمة الله وبركاته [/FONT][/FONT][/FONT][/FONT][/COLOR][/FONT][/FONT][/FONT][/FONT][/FONT][/FONT][/FONT][/FONT][/FONT][/FONT][/SIZE]