بسم الله الرحمن الرحيم
السلام عليكم وحمة الله وبركاته
مساء .. صباح
الخير لجميع الزعماء
هلالنا
وش اقول وش اخلي
انت حبي وانت خلي
انت عشقي وانت كلي
ياكبر حبك وكبرك .
الحمد لله
فريقنا الهلال بطل القرن مبروك لايام القرن يوم يوم مبروك
ورئيس فريقنا الامير الانسان ولد مساعد عبدالرحمن
والمدرب جيرتس اوووص ولا اسمع لكم حس يلعن الله ابو من يقول الانظباط ماهو جريتس
ومدير الكره سامي الجابر ومابنكسر صابر وسامي ماهو عاثر
والكابتن الدعيع محمد مخ المهاجم بشوفه يتجمد .
< رسائل مني لـ >
1 .
عبدالرحمن إبن مساعد
الانسان
الانسان
الانسان
الامير
الشاعر
الرئيس
الراقي
الكبير
ماشاء الله عليك وربي يحفظك
دين وفكر وتواضع وحكمه ومثاليه و و و و و و و إلئ الصين
محسودين كهلالين
ومحظوظين كرياضيين
وفخورين كسعوديين بك
تشرف بكل حالاتك .
2 .
المدرب جريتس
هلا والله حي الله ياكبير << قل قسم يالنمس
كبير بعمرك
وكبير بفكرك
وكبير بتعاملك
وكبير بإنبظاك
كبير وكبرت اكثر بين الكبار .
3 .
سامي الجابر
ابو عبدالله تصدق رغم حبي للهلال ومتابعتي اليوميه له
إلا اني سالت واحد هلالي وقلت له
سامي وش عمله بالهلال ؟
قال مدير الكره .
كل شي تسويه يابوعبدالله
عز الله إنك وليده وشقردي ويتكل عليك
مدير الكره
و مترجم
و موجه
و مساعد مدرب
و مستشار و و و إلى الصين مع الرئيس
مالكم غنا عن بعض ومالنا غنئ عنكم .
4 .
محمد الدعيع
ربي يخليك لنا ويطول عمرك ويعطيك الصحه والعافيه
وتستمر في حراسة الزعيم لانك كفو وثقه وراحه للدفاع
وكبتن وموجه وانا متاكد لك ادوار كثيره في علاقات اللاعبين الطيبه
ومتاكد انك تسوي جو بالنادي حلو وانت من اسباب إنظباط كثير من اللاعبين .
5 .
ياسر القحطاني
عبدالرحمن بن سعود الله يرحمه قال في مقابله معه
إذا اردت ان تعلم انك عظيم فإنظر الى اعدائك فإذا كانو كثر فاعلم انك عظيم .
ياسر انت افضل مهاحم بالعالم بالنسبه لي واللي بيقول تعصب اقوله
ضع ياسر في برشلونه بجانب تيري وإبرهيموفتش وميسي
وفي ملعب ممتلي من الجماهير وجو كوره واحتراف صح
وشوف ياسر ومستوئ ياسر .
ياسر لا تقول مستواي هابط ولا تفكر بالشي هذا
ابغئ منك شي واحد بس
ابغاك تلعب بروح ياسر في مباراة الاتحاد في جده اللي جب فيها هدف الحسم واخذنا الدوري
ابغاك تلعب بروح ياسر اللي في مباراة الاهلي يوم ماسجلت هدف < التكسي >
اللي بيقول ماتغير شي بالروح
اقوله شوف فرحة ياسر بالهدف قبل وشوف الفرحه الحين وتعرف الفرق .
< من تواضع لله رفعه >
وياسر قمه بالتواضع
ارسلت صوره وسائط لياسر ودق علي هو بنفسه واعجب بالصوره
وكان يبغئ يكلم الطفل اللي بالصوره ومسوي زي حركة ياسر بعد القول
وكانت بعد مباراه مباشره كنا مهزومين فيها اعتقد اول مباراه لنا مع نجران .
5 .
محمد الشلهوب
اكثر من اول احبك واكثر من اول إبداعك واكثر من اول اهدافك واكثر واكثر واكثر
كلك كثرت عن اول وصرت الموهوب الموهوب 2 مو 1
واصل وزدنا من إبداعك إبداع .
6 .
ولهامسون
ودي اهوشك بس اخاف تزعل
صدق تكفئ ودي اهوشك
ياخيي ياحبك للتبطح
شد شوي وخلك ابظاي وزقرت زي رادوي تكفئ
قلت لك تكفئ ياويلي
تكفئ ترئ تكفئ تهز الرجاجيل
وإلا
الرخوم تطوفهم ماحسبوها .
خل عنك التبطح الزايد وتكفئ لا تزعل .
7 .
رادوي
قسم انك ابظاي بس إنك احيان بزود
يعني هد شوي لان الاحمر عند حكامنا زي الرز يحبونه لو مو وقته
وإلا ماعندك خبر انهم ياكلون رز صبح العيد
فلذالك هدي هدي يارادوي لان الخوف من يوم تحرج فريقك
ويمكن نخسر ونخسرك الله لا يقوله .
8 .
نيفيز
كنت عارف انك فلته ومبدع
وكنت عارف انك بتنسينا الفلته طارق
وكنت عارف انك شويت
وكنت وكنت وكنت والله يرزقك بنت ومبروك الزواج
والله يستر لا تخربك المره علينا والله يستر لا يطيحونك ربعنا بالمندي
عاد انت منت ناقص لان عليك الثقل شوي فإنتبه من العيش وزوجتك لا توهق
.
9 .
لي
الله يالدنيا ياجماهير الزعيم
تذكرون ذيك الايام اللي كان فيه واحد في مكان لي
كنا مانبيه وكان غاثنا غثئ
حتى المشي كان مايعرف يمشي الله لا يبلانا
والحين يوم جاء هالكوري وسد الخانه وفي مستوئ خيالي
ماشوف احد مدح فيه ولا جاب له طاري
تراني برجع نامي اساسي إذا ماسمعت له ترحيب بالمباريات الجايه
10 .
خالد عزيز
خالد تراني حالف اني احب راسك بسبة كوره قطعته من نور بطريقه وحشيه
وحلفت بس اشوفك احب راسك
لكن تكفئ بقولك بيت وحاول تفهمه والا اسال عنه كبيرين بالاعمار الله يطول اعمارهم
البيت يقول
قد قيل من لا قاس قدام لا يغوص
ماينفعه لو قاس عقب المغاصي >>
فهمتو شي
اتمنئ لك التوفيق يا افضل إرتكاز مر على اسيا
بلقبك الوحش .
11 .
اسامه هوساوي
ماشاء الله عليك
دين
اخلاق
مستوئ
إنظباط
صدق لاعب على اعلى مستوئ ماشاء الله
لا بعد زود على كل هذولي إمام للاعبين
.
13 .
ماجد المرشدي
جسم وقوه لكن فيك برود شوي
يعني يامجودي الله يخليك شد حيلك اكثر واكثر
لانك المدافع الثاني بعد اخوك هوساوي وانت تكملون لبعض .
14 .
عبدالله الزوري
عبودي الله يخليك خل الهواجيس عنك
وشد حيلك وركز اكثر تكفئ .
15
عمر الغامدي
ربي يسعدك حيث إنك كثير اسعدتنا بمستواك وحماسك
مانسيناك ياعمر ولا راح ننساك
.
16 .
احمد الفريدي
ماشاء الله صراحه لاعب عجيب
ثقه اكبر من عمره لكن مو اكبر من مستواه
يقطع الكوره بطريقة المدافعين
يسحب بطريقه الاجنحه
يصنع بطريقة الفريدي
يسجل بطريقة المهاجمين
لاعب متكامل والسر في برود اعصابه
برود قدام النص يفرق عن القلوب والاظهره .
17 .
عبدالعزيز الدوسري
فلته ماشاء الله وربي يوفقك
اتمنئ يعطئ فرصه اكبر واكثر .
18 .
حسن خيرات
مستواك ثابت وممتاز واصل حماسك وعطائك .
20 .
نواف العابد
المستقبل امامك والمشوار طويل
واصل واستفد من اللي حولك من اصحاب الخبره
ولا تفوت عليك ويصيبك غرور .
اتمنئ وفقت في ماكتبته واتمنئ المعذره كان فيه خطاء
وبنتظار ردودكم . 
الوضع الشجري
