[أبـو زآيـد]

بسم الله الرحمن الرحيم





نواف الهلالي يعود لكم من جديد





في البداية ألف مبروك الفوز الصعب على نجران وعقبال الدوري بإذن الله


الشيء الثاني فيه بعض الجماهير طلع بعد المباراة يتكلم عن النجم عيسى المحياني

وأنه ما قدم شيء ولا يعرف يلعب ونسقووه وماني عارف إيش .. الخ


أنا بصراحه ما أدري كيف طريقة تفكير اللي يتكلمون هالكلام لكن اللي بقوله

الموضوع إذا كان من ناحية هل عيسى يعرف يلعب ولا لا فهذي ما تحتاج

نقاش .. ما جبناه من الوحده ( بـ قحشة ) ملايين إلا وحنا شايفينه زين وعارفين

مستواه زين ..

أما إذا كان عن مسألة إنه للآن ما ظهر في مستواه فهذا صحيح لكن السؤال

هل أخذ الفرصة وعطيناه مجال يظهر بمستواه !! يعني ما أدري الحين ويلي

صبرنا عليه مباريات عشان يظهر وبعدها نيفيز لعب أساسي عشر مباريات

عشان يطلع مستواه ومع ذلك للحين في بعض الناس ما اقتنع بهالسالفه

ويبي عيسى يظهر بمستواه على طول ولا يا ويله << خير إن شاء الله !!


أنا أوافق على كلام جيريتس إن مكانه أولى فيه ياسر و ويلي لكن هذا ماهو معناه إنه

إذا لعب ولا قدم شيء نقول اطردوه !! إلا يجب إننا نصبر عليه لين ياخذ فرصته

ويلعب عدة مباريات وبعدين نحكم عليه مثل ويلي ونيفيز !!

وإلا عشان ويلي ونيفيز أجانب وهذا سعودي !! طيب السعودي أولى إننا نصبر

عليه من الأجنبي !!


أتمنى تكون الفكره وصلت




لقطه ولقطه ونقطه

^^ بالله كيف العنوان






في كل مباراة لابد أبو عبد العزيز يصقع المشككين بطراق

إلا مدري وينهم اختفوا !! بلا شك ينتظرون هفوه






من يوم جاء الكوري المبدع وأنا أقول ذا اللاعب يمتلك أوفرات خرافية باليمين وباليسار ..

أتمنى من قريتس إنه في بعض المباريات يخليه هو اللي يتقدم والزوري يرجع






بلا شك أنت نجمي المفضل

آي لوف رادوي

^^ كيف الانجلش بالله



# لاعبي الوسط ويلي ونيفيز والشلهوب يجب إن يبذلوا جهد أكثر حتى تكون مستوياتهم جيده في كل المباريات

ما تكون مباراة فوق ومباراة تحت !!


# بداية عودة ياسر إنه يعترف بنزول مستواه ويبتعد عن مصادمة جمهوره - وأنا منهم - ويحترم عقولهم

فـ مسألة إن مستواه نازل هذي ما فيها خلاف .. أما عذر من يقول إن ياسر شوفوه يسحب معه المدافعين

ويخلي الوسط يسجلون فهذي مهب حجه !! لو تحط أي مهاجم سحب معه لاعب لاعبين ما يحتاج أجيب ياسر

عشان يسويها مثل نكتة إن ياسر سبب الأهداف الخمسة على الاتحاد

فكونا من هالأعذار وأنا متأكد إن ياسر عائد لا محاله بإذن الله ..!!


# أتمنى من الجمهور دائما أن يكون منصف فيقول للمحسن أحسنت وللمسيء أسأت .. مو إذا أخطأ بعض

اللاعبين يا ويله ويا سواد ليله وإذا أخطأ لاعبه المفضل قام يدافع عنه !!


# الشيء المضحك فيه بعض ( جماهير اللاعبين ) لما يطيح مستوى لاعبه المفضل عدة مباريات بعدين

تجي مباراة يبدع فيها يقول : شفتووو قايلكم إنه ما طاح مستواه << لا يا شيخ

يعني تلعب على نفسك أنت !! الواجب إنه المباراة اللي أبدع فيها تقول إنه أبدع واللي ما سوى شيء

تقول ما سوى شيء << فهمتوا شيء


# الطير الحسن اليامي لاعب فنان ونجم خلوق يكفي يوم يقول ( أتمنى إنه ماهب بلنتي )

يستاهل مثل ما قال أبو مساعد إننا نشارك في حفل اعتزاله !!

المعذره عالإطالة ..


ولكم مني أرق التحايا ،،،