[the kingly mido]

بسم الله الرحمن الرحيم

السلام عليكم ورحمة الله وبركاته

مساء الشوق للزعيم ومعقل الزعماء مساء الحلا والحب مساء الفخر والإنتصار مساء الزعامة إللي ما تليق إلا بك يا زعيم

مبروك وألف مبروك لكل من ينتمي للزعيم الصدارة والفوز على منتخب المخاشنة نادي نجران

ما ودي بصراحة أتكلم وأتفلسف عن المباراة لكن ألف ألف مليون تريليون مبروك وإلى الأمام .. اترك الجوانب التحليلية لأهلها دائما

حكايتي مع إيرك وليش سميته دكتور ؟



إيرك ذاك اللاعب الصنديد ذاك المدافع عن الشعارات بكل فدائية .. إيرك يا جامد أمام المرمى وخلف خطوط الملعب إيرك يامن رسمت إبتسامة على الشفاه وزرعت المجد وغرست حب الكرة في النفوس ولبى الجمهور هنا وهناك نداءاتك وحماسك


إيرك أنا اليوم والله وكل يوم أسميك :: دكتور :: وأكتبها بالعريض مقلوب مايل ولا ببنط عريض

إنت دكتور يا إيرك




من أول يوم وطأت قدامك المملكة وإنت مصدر فخر وعز لنا كهلالين طبعا ونفتخر بك كمدرب صنع لمرسيليا الإنجاز وتفضل الهلال على عروض كثيرة جدا رغم معرفتك بالفرق الشاسع بين العادات والتقاليد

إيرك لك مني التحية ولك من كل مكان تحية على هذي الروح إللي رجعت لنا زعيم الزعماء لوضعه الطبيعي

لا مجاملات ولا شيء كل شيء بوقته له طعمه مثل ما يقولون


المهم

حكايتي مع الدكتور Eric

جمعتني الأفدار بإيرك والحمدلله ووالله والله لكم أنت متواضع وكريم وتستحق اكواب من الشاي وفناجين من القهوة وإن شئت فاطلب ما شئت << ما راح أنزل الصورة كيفي هع هع >> مو لازم أنزلها

: المهم :



قال : ولن أكثر الحكاية << ما عندي حكي كثير

سأنافس على بطولة آسيا وسأنقل الزعيم للعالمية >> فهل سنلبي النداء ونكون متواجدين بكل مباراة على أنها نهائية لو أمام نادي حواري ؟؟ أو منتخب مجتمع


الآن نجي لحكاية ديشان




أنا وقبل لحظات يا إخوان كنت أتصفح مجموعة كبيرة من صور الداهية العبقري من أنسانا كوزمين << له مني تحية ولاحظت شيء عجيب غريب والله والله ما عرفت السبب إني كثير من صور ديشان ببحث صور إيرك

هل لأنهم مدربي مرسيليا .. هل لأن مثلا بينهم خلاف سابق .. دورت دورت ما لقيت جواب << أفيدوني

الآن الحكاية الثالثة >> كلب الدكتور Eric




لاحظنا كثير من الأحاديث الصحفية وغيرها للدكتور إيرك وكان يتحدث عن كلبه ومدى اشتياقه له أنا أيضا من خلال البحث لقيت صور كثيرة جدا لإيرك مع كلبه حتى بالتدريب فا أتمنى أن نجد حلا لهالشيء << أنا ما أشوف مشكلة لو جاب الكلب هنا >> أستفيد من وجهة نظركم لهالموضوع


هذا والله أعلم

بعض الصور للدكتور








تم مسح الصورة لكثرة طلب الحذف والآن سمو صور جديدة .. واعتذر





هذي مثل يسسسس الإتحاد هع هع

بالتوفيق للزعيم

[نــيــدفـد]

وين الصور يالحبيب !!

بعدين الكلام هذا سمعنااه أول ماجاء قيرتس يعني بيني وبينكـ ماجبت شي جديد !

تقبل مروري

[سعود البرشلوني]

يعطيك العافيه على التقرير الرائع

[..*هلالية*..]

بالتوفيق للمدرب القدير
" جريتس "

[سامي بن عبد الله]

بالتوفيق لدكتور مع الزعيم

وان شاء الله يحقق امنياتنا بالفوز بابطال اسيا والمشاركه بالعالميه بالامارات السنه الجايه

وعن كلبه انا اشوف مافيها شي لو يجيب كلبه

لاكن اعلام الاصفرين يبي يزعجوننا

بالتوفيق لزعيم

[Meme]

الف شكر لك...
والصور كلها طالعه....
غيرتس هو ولاعب يخرع شكله

اما كلبه يجي السعوديه..........................!!!!!!!!! على طول طرد غيرتس خخخخخخ



اختكم..ميمي

[ابو عبدالله A]

بالتوفيق للمدرب القدير
" جريتس "

[@ابو مشاري@]

مشكوووووووووووووووووووور اخوي

[سيناتور هلالي]

والله تقرير روعه ..

ماقصرت وأنا أخوك..

وصور جيريتس تدل على أنه بطبعه جاد ولا مجال للتلاعب عنده..

............................

والله أنا عن نفسي أرفض قدوم الكلب للسعودية لأكثر من سبب منها الشرعي ومنها العرفي ..

بالتوفيق لفريق القرن..

..سيناتور هلالي..

[طير الشووق]

خربتها بالصوره الأخيــره !!
..................

[the kingly mido]

إقتباس الرسالة الأصلية كتبت بواسطة طير الشووق خربتها بالصوره الأخيــره !! ..................

أخوي أو إختي طير الشوق

ما أشوف بالصورة الأخيرة أي عيب أو كلام

لاعبين منتخبا طالعين بكأس آسيا بالمسبح وكلن يتصور على كيفه << وش حلاتهم والله

ولا جات على هالصورة لأن في شراب .. it's ok في فرق لكن عندهم الصورة هذي مو هنا عندنا

وأنا حطيت الصور الأخيرة من باب صور للدكتور إيرك لا أقل ولا أكثر

شاكر لك تعليقك

[حاتم العمري]

تقرير رائع

بالتوفيق للداهية ايريك

[ABO-HNEEN]

الله يوفقه مع الزعيم
وان شاء الله كل الانجازات يارب
..
عوافي خيوووه

[Jason Statham]

الحين كنا مع مدرب رائع وقاد الفريق بأحلى صورة
الي هو ( كوزمن ) وحاولوا بشتى الطرق ابعاد كوزمن عن الهلال وعن المملكه
وحققوا مطلبهم ( وانتهجوا سبب للحين غير مقنع وان كانوا متسببين فيه )

بيجينا غريتيس مع كلبه وانتوا بكرامه --- وبيألفون القصص وان مملكتنا ماتسمح بهالشي
ويمكن تقولون مابيصير -- بس ماندري عن تأليفهم وش ناوين للمستقبل

والله يستر ان مايتسببون بإبعاده عننا

[the kingly mido]

إقتباس الرسالة الأصلية كتبت بواسطة عبدالرحمن424 الحين كنا مع مدرب رائع وقاد الفريق بأحلى صورة الي هو ( كوزمن ) وحاولوا بشتى الطرق ابعاد كوزمن عن الهلال وعن المملكه وحققوا مطلبهم ( وانتهجوا سبب للحين غير مقنع وان كانوا متسببين فيه ) بيجينا غريتيس مع كلبه وانتوا بكرامه --- وبيألفون القصص وان مملكتنا ماتسمح بهالشي ويمكن تقولون مابيصير -- بس ماندري عن تأليفهم وش ناوين للمستقبل والله يستر ان مايتسببون بإبعاده عننا

أخوي عبدالرحمن شاكر لك كلامك كله درر لكن المشكلة هنا عندنا بالفكر لا أقل ولا أكثر ها حنا نشوف العالم تشري من كل مكان حيوانات وإنتو بكرامة ومنها كلاب وتمشي فيها بالشوراع والحارات ما فيها شيء

لكن للأسف والله أنا طرحت هالفكرة للنقاش لأن مستحيل يصير هالشيء دام في عقول جاهلة بالوسط والفضاء