[المخترش]

أحب أبارك للجميع فوز الهلال على نجران بعد طلعة الروح..وعقبال الدوري ان شاء الله..

صراحة أحلى مافي المباراة التحليل الفني من قبل الأستاذ الكبير صالح الحمادي ومعه المحلل الفني الرائع خالد الشنيف..

بعد نهاية المباراة قال صالح الحمادي ان كرة القدم هي ليست فرد عضلات وركض سريع فقط وانما هي عقل ومهارة..

وهو صاااااااادق ١٠٠ ٪..

يقصد بذلك لاعبنا وليهامسون..

لا يختلف اثنان على لياقة اللاعب وحرثه الملعب ذهابا ايابا..

ولكن!!

حفظنا طريقة لعبه..

دف الكورة والحقها..

أو

حط رجلك لين ما توصل عند خط مرمى المنافس وارفع الكورة عكسية وهو منزل راسه من غير ما يشوف من فيه ما يشوف الا رجول المدافعين..

أو

مرر من يمين اللاعب وانطلق من يساره وهذي الحركة كنا أيام المدرسة نوصي أسرع لاعب فينا يطبقها..

في النهاية أصبحت فرد عضلات..

طيب يا ويلي ارفع راسك وانت منطلق انت شايف مدافع منبرش عليك شغل مخك وحضن على الكورة واسحب اللاعب بعدين يا شوت يا ارفع يا مرر..

صح لسانك يا صالح الحمادي وفعلا ملينا هالطريقة..

ما أنكر ان ويلي يبدع أحيانا لكن في حالة انه كل الفريق مبدع أو في حالة الفريق المنافس ما عنده مدرب صح أو لاعب ظهير صح أو مدافعين صح..

واستدل صالح بذلك على اللاعب الكبير مستوى وأداء وعقل اللاعب الكوري لي..

صراحة فعلا مكسب للهلال..

شوف كيف انطلاقاته وتمريراته ورفعاته رغم انه ظهير..

انطلق وساحب معاه مدافعين استخدم العقل الكروي وبدهاء حضن على الكورة وسحب اللاعبين ورافع راسه شاف نواف العابد ولاعب هلالي ثاني فاضيين وبالمسطرة رفعة ولا أحلى برجله اليسار..

ومب أول مرة يسويها الكوري..

دايما وما نروح بعيد هدف الهلال الأول على القادسية ورفعته للشلهوب..

بالله عليكم قد شفتم ويلي يلعب بمخه..ما عنده وقت سريع سريع!! مب دايما تفيد السرعة..

وفوق كل هذا جاه المحلل الكبير خالد الشنيف وأكد على كلام صالح الحمادي ومدح أداء اللاعب الكوري وقال بالحرف الواحد هذا وهو كوري!! كوري!! يا صالح..

يقصد انه مب اذا صار ويلي أوروبي ولا عقده ملايين يعني نطير بالعجة..

أتمني صراحة انه الكابتن الكبير سامي الجابر يكون تابع التحليل الفني بعد مباراة الهلال ونجران من أجل توصيل آراء المحللين للاعبين ومن قبلهم للمدرب الكبير ايريك..

ومب بس هذي المباراة!! كل مباريات الهلال لأنه بصراحة فيه محللين كبار..

مب عيب نسمع للغير وناخذ ما يفيدنا ونترك اللي ماله فايدة..

وأتمنى لو قرروا الاستغناء عن لاعب أجنبي يكون ويلي..

بالنسبة لرادوي ولي فهما لاعبين قيمين وأصحاب فكر كروي عالي وروح قتالية..

يعطيكم العافية وشكرا وان شاء الله الدوري واسيا للهلال..

ملاحظة:

لكل من هو ضد ياسر القحطاني ارحمووووووه يرحمكم من في السماء الرجال عمه ماله متوفي أسبوع وغير كذا نفسية صفر والرجال مو مقصر مسافر نجران ويلعب..
قالكم عبدالرحمن بن مساعد وسامي الجابر واريك جريتس لا وجووووووود بعد اليوم للاعب حسم واحد..
انما هناك نجم واااحد هو الهلال والجميع لاعبين حسم..

[الله يجيب التخرج]

فديت قلبك على هالموضوع . . خصوصاً النقطة الأخيرة . . ويلي ما ساعده حجم الملعب وخوفه من خشونه مهابيل نجران . . تحياتي لشخصك الكريم

[Carizma]

يعطيك العآفيـه على الطرح الجميـل ..

وبالنسبه لـ النقطه الاخيره بعض الجماهير العآطفيه تبي ياسر مثل ميسـي .!
يعني لازم يسسحب خمس مدافعين ويسجل اهداف بكل المباريات
وا يبدع طول الـ 90 دقيقه ..!
ولا ترى يجلس بالدكه .؟
والي يقول انتقال < بلله ذ1 تفكير هلالي وآعي .!

يعطيك العافيه على الطرح وبالتوفيق للهلال ونجومــه

[FAISAL MOHD]

اشكر طرحك ولكن لانبخس حق ولي لعل الملعب لم يساعد كثير من الاعبين ولا حتى المتابعين والا حتى المخرج لا تحكم على لاعب بحجم ولي من مباراة يكفي التكتيك الذي يطبقه والذي يعجز عنه كثير من لاعبين الزعيم فعلة سوى ياسر

انا معك في انا ولي سريع الحركة ولكن لاحظ كم كرة عرضية دخلت مرمى الخصم وسوف تعرف انه لاعب لايفرط فيه

ملاحظة : اذا الاعبين السعودين مو قادرين يلعبون في ملعب الاخدود لعب طبيعي لضيق المساحات فما بالك بالاعب الاوربي الذي يعرف جيدا مقياس وعدد ياردات خط الستة

دمت بوود عزيزي

[Firest]

ياسر المفروض مايلعب اليوم ولا مباراهـ الوحدهـ القادمه

نفسيته دمار

وبالنسبه للتحليل أعتقد سامي موجود وهي يغني عن 100 محلل

وبالنسبه لويلي قد يكون تسرع منه .. وقد يكون تأخر من الاعبين

يمكن بالتدريب يرفع وفيه أحد يكمل

بحكم مساحه التدريب الصغيرهـ

وبعدين لا تنسى أول ماجاء كانت رفعاته للضربات الركنيه بالمقاس وعلى راس الاعبين

بس مدري ليه مايخلونه يرفع للحين

[NAJD]

ويلي مايختلف عليه ورفعاته بالمسطره
ويبهذل اللي مايتبهذل
صالح الحمادي لايعتد برااااايه ابدا ورد عبدالرحمن بن مساعد عليه اكبر دليل

[الزعيمه****]

إقتباس الرسالة الأصلية كتبت بواسطة NAJD ويلي مايختلف عليه ورفعاته بالمسطره ويبهذل اللي مايتبهذل صالح الحمادي لايعتد برااااايه ابدا ورد عبدالرحمن بن مساعد عليه اكبر دليل

كلام سليم وعين العقل تكفووووووووووووووووووون الا ويلي يافاهم الكوره وبعدين ارضيت ملعب نجران زفت الحمدالله ان ربي سلمهم من الاصابات وتكفون خلوا انتقاداتكم اخر الموسم والله المحللين مارفع ضغطهم غير ولي على اساس حنا فاهمين قدرات الاعبين وبعدين الشنيف راح ياخذه المنتخب وراح يخبص بتحليله ويقوم عليه الاعلام ويخلونه يعتزل نهائيا ويلحق الجوهر0000000000000

[بقايا وقت]

وجهة نظر تحترم

ولكن

هل تابعت انت وصالح الحمادي مباراة الهلال والاتحاد ؟؟ اذا كان الجواب نعم كيف وجدت ويلي ؟

اعتقد ان ويلي هالموسم افضل بكثير من العام

والهلال محسود عليه

[صــوت أزرق]

مع احترامي لك ... انت وصالح حمادي ..
لكن
اسلوب وتحليل سوقي ( من صالح الحمادي )
.
أجل تصف سقوط ياسر و عيسى ( بالتبطح ) ..؟!!
.
وش فرق صالح الحمادي في هذه العبارة عن ( محمد ابو هداية الكاتب المتخلف ؟.!!
.
يا أخي حتى بالنقد لازم يكون عندك اسلوب راقي .. حتى يقبل منك ..!!
.
.
وبعدين بيني وبينك اسلوب صالح الحمادي نقد لمجرد ( شوفوني ياعالم انا اعرف انتقد بقوة ..؟.!!
..
..
وبالنسبة لنقطة ( ويلي ) ..
التقييم يكون من خلال موسم كامل ..
مو تفرد عضلاتك على اللاعب من خلال مباراة في ملعب ( كان سابقاً مزرعة للأبقار ) مو ملعب كرة قدم
اجل الهلال ياصالح الحمادي ( ماعنده ثقافة الفوز ؟. ) )
طير ياشيخ انت وتحليلك ..
..
..
تحية للكاتب ..

[ابو خــالــد التميمي]

والله ما عندك سالفة وبعدين الكلام كان عن مبارة وحدة الي ما قدم فيها ولي وكانت مبارة نجران


الاستغناء عن ولي اجل

[STS2005]

إقتباس لكل من هو ضد ياسر القحطاني ارحمووووووه يرحمكم من في السماء الرجال عمه ماله متوفي أسبوع وغير كذا نفسية صفر والرجال مو مقصر مسافر نجران ويلعب..

وحنا بعد بنقولك ولصالح الحمادي ارحمووووو ويلي .. ما شاء الله عليه مشارك في جميع المباريات ويأدي واجبه الهجومي والدفاعي وجميع (المدافعين) اخذوا حقهم من جميع انحاء جسمه بالضرب والرفس والخشونه ولم يستسلم
ويسجل اهداف ويحاول .. وحط على كلمة يحاول مليون خــط .. وصاحب مجهود .. وانتقدناه في البدايه واستطاع ان يثبت وجوده في وقت سريع .. رغم انه لاعب اجنبي ..

لابد من العدل بين الجميع ..

[الهـــــــلالي 2008]

إقتباس الرسالة الأصلية كتبت بواسطة STS2005 وحنا بعد بنقولك ولصالح الحمادي ارحمووووو ويلي .. ما شاء الله عليه مشارك في جميع المباريات ويأدي واجبه الهجومي والدفاعي وجميع (المدافعين) اخذوا حقهم من جميع انحاء جسمه بالضرب والرفس والخشونه ولم يستسلم ويسجل اهداف ويحاول .. وحط على كلمة يحاول مليون خــط .. وصاحب مجهود .. وانتقدناه في البدايه واستطاع ان يثبت وجوده في وقت سريع .. رغم انه لاعب اجنبي .. لابد من العدل بين الجميع ..

هذا هو الكلام الصحيح تسلم على الرد

[^))الاخطبوط((^]

والله لو يطلع ويلي من الهلال غير كل الأندية يتهاوشون عليه

أقول
احمد ربك إن ويلي معنا

فعلاً شيء غريب ,, يعني لازم يحط كوبري أو يسحب أربعه أو يسجل ؟؟

ومثل ماقال أخوي انت تقول ارحموا ياسر وحنا نقول ارحموا ويلي

[ابو ديم الهلالي]

رأي صالح الحمادي ربما يتكلم عن مستوى ويلي في هذه المباراة فقط وليس مستواه بشكل عام .. فهذا الرأي مع احترامي للحمادي هو وجهة نظر وليس رأي فني،، فانطلاقات ويلي في كل المباريات دائماً ما تثمر عن أهداف وتشكل خطورة على مرمى المنافسين،،

[المحامي الازرق]

أجل يتم الاستغناء عن ويلي ....يابن الحلال مع احترامي لك وللحمادي.. ويلي يصنع الفرق لوحده ويكفيه انه كان اللاعب الاول في مباراة الهلال والاتحاد وقد اشاد فيه ماجد والشنيف وقالوا انه رجل المباراة والكبير يظهر مع الكبار ..عموما الكوري ما اقول انه سئ لكنه يطلع ويتأخر في الرجوع ,,وامس الشلهوب ورادوي تبهذلوا وهم يغطون مكانه ..عموما الرفعه اللي رفعها كانت احسن شي سواه في المباراه والحمدلله اننا كسبنا المباراه ولا والف لا للإستغناء عن ويلي مجندل الدفاعات وصاحب المجهود اللياقي الوافر

احترم وجهة نظرك لكن هذي وجهة نظري