[يمكن عشقتك..!!]

السلام عليكم ورحمة الله وبركاته

مبروك لنا هذا الفوز الذي جاء نتيجه دون مستوى

بصرآحه موضوعي هذا ماجات له ترتيبات من قبل

إلا اني دخلت للمنتدى وقلت باشوف آخر المواضيع


لما دخلت وشفت الناس مقومه الدنيا ومقعدتها على يآسر وعلى أسامه هوساوي


يآسر :

اوك تعودنا على هالعقليات اللي تتكلم عليها ( وزنك زايد , شعرك مو متناسق , لبسك مو مهضوم .... الخ )


ياجماعه ياناس ياهوووووه ترا ياسر بشر

مو مكينه تشتغل على كهرب والا على زيت والا بنزين


انا بس ابغى منكم تتركونه في حاله لمدة ثلاث مباريات على الاقل وبعدها بتشوفون كيف ياسر


ياجماعه انتم الحين تزيدون من الضغوط على ياسر وتوترونه

صحيح مستواه موب ذاك النقص الواضح

ولكن عشانه مايسجل أهداف شبيتوا عليه

اركدوا اركدوا

ترا الركاده زينه

وخلوا عنكم هبال البزارين وطفاقتهم

خلوا الرجال على راحته

وبعدها انا ابصم بالمليون انه بيريحكم ان شاء الله ويسعدكم


نجي للاعب الثاني اللي بدأ القصف العشوائي عليه اليوم


أسامه هوساوي :

بصرآحه استغرب ان فيه ناس معها عقولها وفي كامل قواها العقليه تتكلم عن هوساوي

ياجماعه

لو هو لاعب نكبه في كل مبارياته وقسماً بالله كان ماتكلمت ولاكتبت الموضوع اساساً


لكن اسامه لاعب اتحدى مشجع هلالي او غير هلالي

انه ينكر ان اسامه افضل لاعب في الخارطه الهلاليه من حيث ثبوت المستوى

ياجماعه الواحد يتعلم من اخطاءه

ومو عيب ان الواحد يخطي

حتى لو كان الخطأ كبير

مع اني اشوف ان غلطته اليوم بسيطه

اي لاعب في العالم يمكن انه يرتكبها


بس مثل ماقلت لكم اللي تكلموا عن هوساوي ناقصين عقل

او ان التعصب اعمى اعينهم وقلوبهم

الحين بدل ماتشجعون اللاعب

وتعلمونه خطاه تقومون وتخلونه مايسوى التاليه من الغنم على قولة الشيبان


ياجماعه اتمنى اي واحد يحط اصابعه على الكيبورد

انه يكتب بعقله وليس بعاطفته


وقبل مايكتب يثمن كلامه اللي طلع منه


وهل هو صحيح او انه يتحمل الصحه او انه مخالف للصحه


بصرآحه هذا اللي عندي

واعذروني يمكن قسيت بكلامي بس والله من القهر اللي فيني

بالتوفيق للزعيم