المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 14/12/2009, 11:55 AM
زعيــم فعــال
تاريخ التسجيل: 19/03/2006
المكان: Australia
مشاركات: 477
Icon18 سجل اخو بيليه ومبروكنا خر ,, هلي عليهم يالصواعيق هلي

السلام عليكم جميعا

مبروك الفوز الكبير على نادي الاتحاد وعقبال الدوري والبطولات الي بعده

بحكم اني ادرس في استراليا ما قدرت احظر المباراة وحتى النت كان لك عليه شوي لكن شبكة الزعيم عيني عليها بارده نزلت الاهداف والملخصات بعد المباراة مباشره ,, انا اشك انهم نزلوها قبل المباراة خخخخخخ كان يصير اسرع من هدف العابد عموما هذي قصيده بسيطه عن المباراة اتمنى تعجبكم

تحياتي

يوم الخميس الي افل قلت بسهر
لمتابع الي لعبهم جايزنلي
مع ترمس الشاهي معه زود سكر
والود ودي احظر وما حصلي

القول الاول منك يالزوري اوفر
صوبتها بإتقان للاعب الي
ما يختلف لعبه مع البرد والحر
الي نقز نقز الكراتيه ويلّي

والثاني مثل الي سبق قلته ومر
معروضتن للي عسا ما يولّي
نيفيز يومه بدا حملة الكرّ
سجل أقل الجمع والذيب يحلّي

صَفّر حكمهم وانتهى الشوط الاصغر
اثر الفجر يذّن واقيم و أصلي
من فوّت الطاعه ترا فاله اقشر
ومن خلا آخرته بقا وش يخلي

والثالث الي شوفته سرتك سَر
مرسومتن بالمسطره ملّي ملّي
سَجّل اخو بيليه و مبروكنا خَر
هلّي عليهم يالصواعيق هلّي

والرابع اربع من دفاعن تجرجر
بَقدام ياسر وش بقا زود قلّي !!
حطّه على صحن الذهب المدور
للي بعد قوله اشوفه رقصلي

والخامس آخر كوب من دلة المر
لاهو يكل ابن السويد ويملّي
دل الطريق وبان بعيونه الشر
وقال لولد جده ,, تقهوى وحلّي

صَفّر حكمهم وانتهى الشوط الاكبر
جن الملاعب عقدهم ورد وفلّي
لاقلت اشجع قلت شجعت الأقدر
لو يجتمع نصرن و إتي والاهلي


عزام الزنيدي




اخر تعديل كان بواسطة » السهم الهلاااالي في يوم » 14/12/2009 عند الساعة » 12:00 PM السبب: خطأ مطبعي
اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:48 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube