13/12/2009, 02:50 PM
|
 | زعيــم مميــز | | تاريخ التسجيل: 18/01/2007
مشاركات: 1,902
| |
|
طالبكم نريد ان تكون خماسية الاتحاد مثل خماسية الاهلي ,,,(الصاروخ اسامه)
السلام عليكم مساكم الله بالخير الف مبروك فوز نادي القرن على الاتحاد والحصول على 3 نقاط مهمه والف مبروك تأهل الفريق الاولمبي للدور الثاني وعقبال الشباب امام الفريق الهلالي مباراة مهمه جداااا جدااا وهي امام فريق القادسيه الي بيحاول باي طريقه انه يعرقل الهلال لكي يحصل على اول فوز له بالدوري ويبتعد شوي عن المؤخره لكن كلي ثقه اولا بالله وثم ثانياً بجماهير الزعيييم الكبيييييره وثالثا بالاعبين والجهاز الفني على ان يتجاوزو القادسيه وبرصيد جيد من الاهداف ****************************** ,,,الصاروخ اسامه ,,, اسف ياهوساوي لانه اول ماتعاقد معاك الهلال واستغنينا عن تفاريس قلت انا اشهد ان دفاعنا راح فيها لكن بعد اول 3 مباريات دريت ان تفاريس يفتقر لميزات انت تتميز فيها بوضحلكم ليه هوساوي بهذي النجوميه والابداع ونادر الحصول على بطاقه عكس تفاريس واي مداف بالدوري هوساوي انا لاحظت من بداية مشاركته مع الهلال ان سريييع جدا جدا ماشاءالله تبارك الله ويتفوق على اسرع مهاجم بالانطلاق لمن يكون المهاجم منطلق سبرنت على المرما او شبه منفرد فأن هوساوي لايحتاج الى الانبراش لتعويض الفرق بالسرعه بينه وبين المهاجم ماله الا يرجع القير بـ ثنين  ويدعس شوي ويلحقه ويقطعها بدون انبراش ولا شي انا شفت لقطه عجيبه في مباارة الاهلي لما انفرد الجيزاوي وهو مهاجم شاب وسريع والله هوساوي جاه اتوقع يمشي 120 << مبغا ازود اخاف توقفه لجنة الاستعباط  المهم جا مسرررع ويلقطها من قدامه رغم انه كان شبه منفرد وهوساوي بعيد شوي ثاني ميزه الي هي الارتقاء في الركنيات حتى لو ماكانت الكوره مرفوعه له يعرف كيف يروحلها ويخلصها طبعا لايجي واحد مطفي النور يوذكرلي مباراة في تاريخ الفين وطعش يقول وينه ماخلصها ترا مهوب طرزان لازم مايخطي ومايدخل في فريقه قول لكن انا اتكلم عن الغالب والاكثر المهم وثالث ميزه الي هي الهدووووء داخل منطقة الجزاء يعني ما اتذكر انه سبب بلنتي ولا ارتبك وجاب العيد يمكن مره ولا مرتين بس ناااادره مع العلم ان المدافع الممتاز الي في الموسم الواحد اخطائه ماتتجاوز الخمسه اخطاء << طبعا هذا من راسي بس اتوقع كذا  ما اقدر الا اقول ماشاءالله تبارك الله الله يحفظه ويحميه شر الاصابات ثالث شي بالموضوع والي هو صلب الموضوع اتمنى تشوفون هذا المقطع الي اعتبره من اجمل المقاطع الموثقه للجيل الجديد والجيل القادم لنجوم كبييييره مثل يوسف وسامي والتيماوي والتمياط والغشيان وغيرهم وكان فوووز تاريخي كبيير ويصحبه متعه واهداف اقل مايقال عنها خراااافيه شوفو المقطع http://www.youtube.com/watch?v=rE_6cxU04dA والي اطلبه ان يعمل احد المتخصصين بالفديو في منتدى الزعيم مونتاج يشمل جميع الاهداف الهلاليه والهجمات الخطره والمهارات والاداء الرائع في المباراة ويعرض جميع الاعادات لكل هدف وفرحة الاعبين وفرحة الرئيس والمدرب مثل ماشفنا في هالمقطع الي لي فتره وانا دااايم اتفرج عليه واوريه اي واحد هلالي صغير مالحق على هاللعيبه وخاصه ابو يعقوب ويكون مدة الفديو لاتقل عن 10 دقائق توثق بأسم منتدى الزعيم والله لو اعرف كان سويت بس للاسف العين بصيره واليد قصيره وكلي امل باعضاء منتدى الزعيم بتلبيه هذا الطلب والسلام عليكم اخوكم عبدالعزيز |
الوضع الشجري
