جمهووور الرياااااض الأزرق ..... > ياااااحظكــم < .... ((نقاط متفرقه برسالة خاصه)) - نادي الهلال السعودي - شبكة الزعيم

( رفـيـع الـشـان ) · #1 12/12/2009, 03:48 AM

بسم الله ..

((اللهم لك الحمد حتى ترضا ولك الحمد اذا رضيت ولك الحمد بعد الرضا ..))

بداية وقبل كل شي ..

فوز تاريخي عريض مستوى ونتيجة وأداء وأخلاق وجمهور .. وما هذا بغريب على زعيــــم أكبر قارات العالــم .. فلم تكن النتيجة لا واحد ولا اثنين ولا ثلاثه ... بل بالخمممسة مع الرأفه

ألف مبروك أحبائي في الهلالية .. فمهما اختلفنا في وجهات النظر نظل احباب في هلاليتنا ولا يختلف هلاليان على حب الزعيـــم

>> وقــفــة <<
بالآونه الأخيرة كانت المواضيع تتكلم وبكثرة عن جمهور الرياض .. خصوصاً بعد اصداء الجماهير الزرقاء في باقي مناطق المملكه ابتداءً من لقاء الاهلي بجده , مروراً بلقاء الفتح بالأحساء, والرائد بالقصيم, وانتهاءً بلقاء الاتفاق بالدمام ..

وكانت المواضيع حقيقة مغلفه بعتب المحب في مضمونها والتشجيع للحضور والمنافسة الشريفه فيما بين جمهور الزعيــم .. فمهما كان عتب الأخ على أخيه فهو بكل تأكيد لمصلحة كيــان أزرق دخل التاريخ بتسجيل أكبر قاعدة جماهيرية في آســيا ..

والآن اسمحولي أقولها وبالفم المليااان .. جمهور الرياااض يوم أمس حضر فأبدع .. فكان أروووع ما رأت عيني في المملكه تسجيلاً في حضورها وتفاعلها وتشجيعها المستمررر بروح زرقاااااء

حتى اللاعبين بدى واضحاً عليهم انهم متأثرين ايجاباً بالجمهور وناوينها تاريخية من قبل تبدأ المباراه ..

- ايريك جيريتس مافيه هدف مافرح فيه بطريقة هستيرية وبالأخص اخر هدفين وبعد نهاية المباراه ..

- سامي الجابر قالها وبصريح العباره دام الحضور الجماهيري بهالشكل محد راح يوقف للهلال الا الهلال نفسه

- ياسر القحطاني من حر مافيه قاعد يعض الفنيلة بحرقه يبي يسجل هدف لعيون الجمهور .. ولا يلام المرء بعد اجتهاده

- محمد الدعيع رجع عشر سنين بقفزاته وتوجيهاته (ماشاء الله عليه) .. وصدق من قال أخطبوط بثلاث قلوب

- اللاعبين المحترفين الأربع تحس انهم من أبناء النادي بروحهم وعطائهم للفنيلة الزرقاء وليسوا أجانب يسعون للمال والمال فقــط

*يعلم الله من بعد مباراة الهلال والاتحاد عيني ماجاها النوم وجلست أشوف اعادات للمباراه وشفتها 7 مرات على قنوات مختلفه وما قدرت أمل منها ... مو لأن الاتحاد طرف فيها بكثر ما استمتع باللعب والمستوى الهلالي والروووح العالية والتفاعل الجماهيري بالتشجيع المستمر ..
.
.
.

عموماً .. ومالكم بالطويلة ..
الموضوع يتلخص في رسالة قصيرة وخاصه لجمهور الريااااااض :...

بقي للهلال على الدوري 11 مباراه ... 7 منها راح تقام بالرياض ... و4 خارجها (الفتح -نجران -الحزم -الاتحاد)
وكلنا ثقة في جمهور الرياض بعد مباراة الأمس انهم راح يملون المدرجات بالمباريات الـ 7 القادمة وبنفس الفاعلية اللي كانت عليها حتى لو كانت المباراه مع القادسية .. لأنه وبكل ببساااطه الــهــلال هــو الــلــي قــاعــد يــلــعــب وليس من يقابله وفي اي ترتيب ..

خاتمه ....

يا حظ قارة آسيــا بزعيمها ... ويا حظ الرياض بمباريات الزعيـــم

( رفـيـع الـشـان ) · #2 12/12/2009, 04:55 PM

....................................................................

هلالي همي هلالي · #3 12/12/2009, 05:56 PM

الحمد لله والشكر

تحياااتي لك

وشاااكر لك

( رفـيـع الـشـان ) · #4 12/12/2009, 11:45 PM

إقتباس

الرسالة الأصلية كتبت بواسطة هلالي همي هلالي


	الحمد لله والشكر تحياااتي لك وشاااكر لك

الشكر لك وانا اخوك ..

أسعدني مرورك

وسن الهلالية · #5 12/12/2009, 11:50 PM

فديتك يابعد كل جماهير الأندية
يالبي يالزعيم انت وجمهورك

الحال واحد طال عمرك انا المباراة شفتها بحدود 4 مرات تقريبا
بالفعل مباراة رائعة مستوى ونتيجة وجمهور

هلالي المطار · #6 12/12/2009, 11:58 PM

شكرا جزيلا لك

والله جمهور الريااااااض يستحق كل خير

هذا الجمهور وإلا بلاش

قنـاص جـده · #7 12/12/2009, 11:58 PM

الف شكر حبيبي

عواااااافي يابطل

Carizma · #8 13/12/2009, 12:03 AM

يعطيك العافيه على الطرح
وبالتوفيق لزعيم

عبورة الزعيم · #9 13/12/2009, 12:05 AM

جمهور الرياض قدها وقدود..
شكرا لكم من القلب..
يعطيك ربي الف عافية

استثنائي · #10 13/12/2009, 12:06 AM

جمهور الرياض رد على باقي المناطق ^___# ...

بس للأمانة الجماهير الهلاليية تسجل حضور خيالي في كل آرجاء المملكة ..
فعــلاً تحس أن الهلال بكل مباراة على آرضه وبين جمهوره

...

ومباراة الهلال والإتحاد كان الجمهوووووور خيالي لدرجة مجنوووونة ..

وكان تشوف مباراة بالليقا الأسبانية أو بالشامبزليق ..
ولا الكامبو نو أو البرنبيو ..

شئ خيالـــي ^___# ..

جعلها دوووم يالأمواج الزرقاء

...

فيكا · #11 13/12/2009, 12:15 AM

الحمدالله ع كل حال الحمدالله يارب الذي من علينا بالفوز الكبير ع الاتحاد يارب
ويارب الزعيم يواصل صدارته يارب العالمين

( رفـيـع الـشـان ) · #12 13/12/2009, 01:14 AM

إقتباس

الرسالة الأصلية كتبت بواسطة استثنائي


	جمهور الرياض رد على باقي المناطق ^___# ... بس للأمانة الجماهير الهلاليية تسجل حضور خيالي في كل آرجاء المملكة .. فعــلاً تحس أن الهلال بكل مباراة على آرضه وبين جمهوره ... ومباراة الهلال والإتحاد كان الجمهوووووور خيالي لدرجة مجنوووونة .. وكان تشوف مباراة بالليقا الأسبانية أو بالشامبزليق .. ولا الكامبو نو أو البرنبيو .. شئ خيالـــي ^___# .. جعلها دوووم يالأمواج الزرقاء ...

الأهم من هذا كله .. جمهورنا هالسنه واضح عليه انه متعطش لمستوى الهلال زمااان .. ايام ماكان محتكر البطولات الآسيوية بدون منافسه تذكر

ان شاء الله القادم أروع وأروووع ...

( رفـيـع الـشـان ) · #13 13/12/2009, 09:17 AM

شاكر للجميع مرورهم

والله يعافي الجميع