[ابوساري]

السلام عليكم ورحمة الله وبركاته ..

هوريو الجميع ..

صبحهم بالخير ..


العداء ويلي كما يحلو لعشاق غيره تسميته

قدم مباراة ولا أروع .. كان جبهة هجومية لحاله .. وأثبت انه كبير ..

يكفي انه رد على اللي يقولون مايطلع الا قدام الفرق الصغيرة ..

يعني لاعب يقدم قدام النصر والاهلي والشباب والاتفاق خلال فترة وجوده مباريات عظيمة .. لكن مايملأ عيونهم

يقولون لازم نشوف مستواه قدام الفرق الكبيرة .. طيب من تقصدون بالفرق الكبيرة ؟ ..

ويلي كان الأروع في مباراة أمس بكل صراحة .. بغض النظر عن هاتريك نيفيز ..

كان الاكثر حركة .. والأكثر ركض .. ليت كل الفريق يركضون مثلك ..

ويلي صنع اكثر من كورة خطيرة ومحققة .. جندل دفاعات الاتحاد .. بالرغم من الخشونة ..

لكن تعوّدت من ويلي اني اشوفه كل مباراة يجيه ركبة والا كوع .. شي طبيعي الله يحفظه من الاصابات ..


الآن اكتمل عقد الفرق اللي تقولون عنه كبيرة .. وكان ويلي لاعب حسم في كل مباراة يلعبه قدامهم ..

اذا كان مستوى ويلهامسون مايرضي طموح بعض الجماهير ..

اسألهم بالله العظيم .. اذا كان العدّاء ويلي هذا مستواه وهذا اللي نشوفه منه طوال مشواره مع الزعيم ..

من اللي تبونه بداله بس ؟ .. والا هي مجرد بكائيات على من راح ؟ ..


سيبقى ويلي النجم المؤثر الممتع .. السريع جدا كالطلقة .. خلال العشر سنوات اللي مضت ..

لاعب امتعنا امس بالضرب الهجومي الكاسح ... لدرجة ان الظهير الاتحادي اختفى نهائيا مع جهته ..

وامتعنا بالمساندة الدفاعية حتى انه غطى مكان الكوري بأكثر من كورة ..


أتوقع مباراة أمس أبلغ رد على من وصف ويلي بالعداء ..

ياليتنا لاحقين على هادي صوعان ايام شبابه بس .. ولا يهون سعد شداد


بالاخير اتمنى الوقوف مع اللاعبين .. الفريق يقدم مستويات ممتازة ..

وماراح ينفعنا البكائيات على اللي رايحين .. دام الموجودين يقدمون مستويات خرافية


وشكرن لكم