[هــF.B.Iـــلالي]

السلام عليكم ورحمة الله وبركاتة ..

صباحكم مثل أمس :>

أولاً الحمد لله على سلامة ولي العهد نائب رئيس مجلس الوزراء وزير الدفاع والطيران والمفتش العام ... وطهور إن شاء الله

ثانياً ألف ألف مبروك الفوز البارح بالأصح الفوز الكاسح على شقيقنا الإتحاد ..

والحين نجي لنقاط الموضوع

:: الهلال ::
الهلال كفريق بشكل عام كان ممتاز بنسبة 90% ... كل اللاعبين أدو أدوارهم بشكل ممتاز مع بعض الخلل إلي شفته في بعض اللاعبين خلونا نبدأ هنا ببعض اللاعبين طبعاً أبو دعيع 10/10 .. ماجد المرشدي كان ممتاز في قطع الكور لكن لاحظت عليه هفوات في تخليص الكور وطبعاً كلنا نتمناهـ مثل هوساوي في هالنقطة .. لي يونج كان ممتاز في التخليص وكان ممتاز بالإستخواذ والمهارة وسرعة بديهة في التمرير لكن مالاحظتو في بعض الهجمات إلي يهجمها الإتحاد في طرفهم الأيسر إنـو ويلهلمسون يوصل للمهاجم قبل لي يونج هذا إلي لاحظته ... عبدالله الزوري كان مميزبشكل ماتوقعته في الإنطلاقات ولياقة مذهلة في التحضين وقطع الكور لكن لاتزال تنقصه شووية دقة في العرضيات .. طبعاً هوساوي 10/10 .. رادوي 10/10 ... الفريدي بطل ياأحمد كما عهدناك والثقة إلي فيك حلـوة لكن لا تخليها تبطيء حركتك في الملعب ... الغنام كان ممتاز 10/10 .. ويلهيلمسون نجم المباراة لكن داخل الصندوق مايبيلها مهارة كثير .. نيفيز ممتاز جداً مافوت الفرص سجلها وحسمها 10/10 الشلهوب أفضل لاعب خلال هالموسم لكن لا تزال عندك نقطة صغيرة جداً لازم تغطي صح في المرتدات لاحظت أمس سهولة في المرور من عندك في الهجمات .. وخلوني أتكلم عن ياسر لحالة لأسباب راح أذكرها ... تحت

:: ياسـر القحطاني ::

أبدعت اليوم يابطل أتوقع قمت بالأدوار المطلوبة منك بشكل مميز كنت ممتاز بالإستحواذ والمهارة والكنترول والتمرير لعبت مباراة تكتيكية بشكل مذهل تعاملت مع الفرص بإحترافية ماعدا فرصة كان ممكن تمررها للشلهوب لكن تسرعت وسددت والفرصة الإنفرادية تسرعت في الكنترول وتباطأت في التسديد ... ياسر لازم تفكر في التسجيل شوي لاحظتك في الأيام الأخيرة تبدع في الصناعة وتتساهل في التسجيل ترا الأهداف منك لها طعم ثاني .. صحيح فيه غيرك يسجل لكن من أدوراك كرأس حربة التسجيل .. وسببي في تخصيص هالنقطة خاصة لياسر ما أبغا أحد يقسي عليه ترا مو شرط يسجل عشان يصير رهيب

:: المدرب ::
بكل صراحة المدرب طوال الموسم كان مبدع مدرب ماشاء الله ذكي ويتعامل مع الأمور بطريقة صحيحة من خلال التكتيك والطريقة المذهلة إلي وظف فيها اللاعبين وإستفاد من إمكانياتهم بنسبة أكثر من 90% بكل صراحة ومن وجهة نظري إيريك جيريتس أفضل من كوزمين بمراحل بالجرأة والثقة والفهم الكروي العالي الي يتمتع فيه مدربنا 10/10 ياجيريتس

:: الإدارة ::

طبعاً نبي نتكلم عنهم إدارياً ونبعدهم عن الأمور الفنية ..
الإدارة بعد فضل الله لها الفضل الأكبر فيما وصل إليه الهلال هالموسم من تطور وإبداع.. تعاملت مع كل المشاكل والأمور بإحترافية جلبت أفضل المدربين ووتركت الأمور الفنية لهم ولبت رغباتهم في التعاقد مع اللاعبين الذي يرغبون وهيئت كل الوسائل والطرق لإنجاح الفريق وإحداث الفرق بكل صراحة من القلب نشكر الأمير عبدالرحمن بن مساعد ومجلس الإدارة على الجهد الجبار إلي بذلوه لكل ماهو صالح للهلال ...

:: الجمهور ::
الجمهور هالموسم كفيت ووفيت كنت حاظر بكل المناسبات ساندت وآزرت ووقفت بجد لاحظنا حماس أكثر في المدرجات أكثر بكثير من المواسم السابقة .. الحظور كان مرضي أكثرمن المواسم السابقة بإختصار أحبكم ياجمهور الهلال ...

:: نهاية الموضوع ::
لا نستعجل بالفرحة ترا لسى إحنا ماكملنا نص المشوار باقي قدامنا الدوري وبطولات محلية ولسى البطولة الأسيوية الأصعب ما إبتدت لازم يكون النجاح إلي نشوفه دافع أكبر في إننا نكمل المشوار بالطريقة الصحيحة ونتلافى بعض أخطائنا ..

و ياليت تشاركوني في هالموضوع