[هلالية وروح رياضيه]

بسم الله الرحمن الرحيم

السلام عليكم ورحمة الله وبركاته

انا مااجيد المقدمات فبدخل على الموضوع عالطول

... ...

ذيب على اسمك ما تهرول سماجه
تصغي لمدلول الهلال وتطيعه
الله يسمِّح غايتك بانفراجه
وتبسم لياليك باماني رفيعه
مجهود ربعك ماشكى من عواجه
ترجمته بصدق وفنون بديعه
رديت بالميدان قول السذاجة
روح احسود انهار يامن يشيعه
رسيت هداف بوجه العجاجة
واظهرتهم كل بجرم وذريعه
ذكرتنا بمحسن ومحلا انتهاجه
ليشاركه ناجي بهجمه سريعة
واعدت ابن مذكور بعز ابتهاجه
وجاسم ولد يعقوب ازهر ربيعه
جميعهم باسلوب سامي ومزاجه
اهزوجه اعجاب بالانفس وديعه
... للشاعر / عبد العزيز بن احمد الفريخ ...

... ...

تفنن ياهلال المجد وغرد بأعذب الألحان
ملايين البشر لعبك بكل جنون يهوونه
نحب مشاهد الكوره من اجلك يا ازرق الالوان
على خضر الملاعب فن غيرك ما يجيدونه
تلقب بالزعيم و بالسفير وللوطن عنوان
ولاعمرك خذلت اللي املهم فيك يرجونه
جميع الاندية تلعب ولكن رفس بالسيقان
كبير الفرق بين إمتاعك ولعب يعكونه
أنا اشهد يرتجف خصمك الى طبيت بالميدان
تحشره داخل الملعب نجومه ما يسرونه
بخطة قايد ملهم تثور وثورتك بركان
تلفت خصمك المنهك عسى الحكام ينجونه
يعيبونك عصابة جهل خاوين الفكر بهتان
بزعم افكارهم فعلك عن العالم يحجبونه
اقول معاند الواقع ومشي بالخطا خذلان
شليله بالصحافة في بلدنا ما يطيقونه
ومعهم شلة التحكيم تميل بكفة الميزان
يهينون الزعيم بصافرتهم ويتحدونه
ولكن الامل معقود في فيصل وفي سلطان
يوقف كل عابث عند حده ما يخلونه
نبي من قاضي الملعب عداله للجميع إتبان
عداله ترضي المهزوم والفايز يهنونه
ترى ترك التعصب يا جماهير الرياضة حان
سفير المملكة مفروض يخجل من يعادونه
سفير لاغزا يجلب بطولات مع الكيسان
ويرجع ذايع صيته ويسعد من يحبونه
هلابه وين ما يرحل هلابه راجع نشوان
على البث الفضائي كل خلق الله يشوفونه
يهلي به بنوا يعرب ومن في آسيا سكان
وكل عيال حام وسام هلال المجد يغلونه
تفنن ياهلال المجد وغرد بأعذب الألحان
ملايين البشر لعبك بكل جنون يهوون
... للشاعر / تركي مسلم الفرج ...

... ...

قالو هلالي قلت ياهوه ياناس
اسمه زعيم الكل لالا تغلطووون
انا هلالي وافتخر وارفع الراس
اشجع اللي للبطوله يجيبوووون
برياسة محمد بعد راسي هالراس
نعم القيادة سيدي لو يقولووون
والا الدعيع كنه الذيب جساس
حامي عرينه من هجومن يهجموون
وعلى يمينه يطربن ياسر الياس
اليا استلم كوره له الكل يبغووون
ثم استلم نواف ومن الوسط داس
واليا وصلت سامي خصيمه يضيعوون
ثم وصلت ياسر وبدفاعهم حاس
على اسمه القناص قوله بمليوووون
حنا عشقنا للبطولات والكاس
اسمه (( زعييييم )) وقولو اللي تقوولون
... مآعرف من شآعرهآ ...

... ...

ياجماعة كيف الأزرق مايفوز
والفرق من هيبته تلعب دفاع
للبطولة اصدر القاضي نشوز
لين طاعت للأوامر بانصياع
من خطبها قلنا هذا مايجوز
الهلال اولى بها وامره مطاع
صفحة التاريخ تكتب لك رموز
في سجلات الذهب قبل الضياع
المشاعر بالفرح قامت تنوز
ثم صارت بالسما مثل الشعاع
حب الازرق مانبيعه بالكنوز
من عرفته فوق راسي مايباع
العتيبي للشعر يبرز بروز
يمسعه من كان في شتى البقاع
لو بغيت انظم قصايد ماتعوز
للهلال أبدعت قدر المستطاع
... للشاعر / سعد نهاض ماجد العتيبي ...

... ...

تمتع واشعل الليتات واطرب
بناديك المخضرم والعريقي
بناديك الذي اشقى واتعب
جميع من قال أنا خصم عنيدي
تمتع يا هلالي بالهلالي
ترى ذا اليوم لك حظ سعيدي
تمتع دام هذا اليوم يومك
بفوز غالي توه جديدي
بفوز مستحق وبجدارة
وتوج بالذهب بحق وحقيقي
هلال ضم في جوفه كواكب
ونجم هاوي مثل الحريقي
... للشاعر / إبراهيم بن عبدالله آل حميدان ...

... ...

هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه
... للشاعر / فهد بن عقيل الطويان ...

... ...

هذي مية عام مرت بالعدد والحساب
وكل موسم للازرق يعتبر موسمه
من يوم خط المؤسس صفحتين الكتاب
وحروفه المبدعه تتوشح الاوسمه
هذا خطابه وفعله في ثنايا الخطاب
سطر اضاءات للتاريخ في معجمه
من سيرة ابو مساعد بان وجه العقاب
وفي نظرة ابن مساعد زانت الخاتمه
ابيض يطرز امانينا بلون السحاب
وازرق بلون البحر وامواج متلاطمه
هلالنا مجدنا ولايجيه ارتياب
واللي تكاثر علينا مجدنا يحلمه
مثل الملك فعله مقدر وقوله مهاب
له كلمةً واضحه ماهيب متلعثمه
ابلغ من السيف واسرع من لعوج الشهاب
واشد من غيرة الفارس على محزمه
نادي يجيب البطوله في ذهاب واياب
اصبح هو العاصمه في داخل العاصمه
صناعةالمجد ماهي نزوةً وارتكاب
صناعة المجد في صدر الزمن ملحمه
لولا المطر مارتوى قلب العطش من سراب
ولاتحوّم على وادي الظما حايمه
ولولا الهلال السعودي والرجال الصلاب
مافاخرت اسيا بدروبها المعتمه
معك معك ياهلال المجد صوت الشباب
يامنبع الفن والابداع ياملهمه
وان كان راحت بطوله هي زكاة النصاب
واللايمه ماعلى روادنا لايمه
يانادي القرن والقرن انتهى بالحساب
وانت ابتدا لك شعاع الماس من منجمه
هذي تحياتنا لك ياعزيز الجناب
لك ياشبيه الوفا والريح والمكرمه
انثر تحايا تحاياها على كل باب
ابواب تاريخنا اللي بالذهب محكمه
لمؤسس الصرح في وقت الحجر والتراب
ولاسم عبدالله رحام البشر يرحمه
ولبندر اللي معه فال المحبين طاب
بندر محمد كبير وحجته مفحمه
ولسعود وسعود بن تركي يهد الصعاب
راعي مبادي وطبع الطيب عنده سمه
ومحمد اللي يوفي للسؤال الجواب
اذا وقف للشدايد موقفه يحسمه
وليوسف المبدع اللي بعده الفن شاب
في سيرته كل فن بريشته يرسمه
ولسامي اللي ولاعمره عن النورغاب
سامي وسامي زبون اللحظه الحاسمه
وصالح ومنصور والفارس ابد مايهاب
وفيصل ونواف للتدريس والترجمه
وللدعيع وخالد والنعم بالذياب
وللشريده على جهده وماقدمه
ولرموزنا الحاضرين ومثلها للغياب
كلٍ باسمه وكلٍ ينحسب مقسمه
ولكل مخلص كتب حرفه بكل انسياب
ولكل عاشق بكى بالليله المظلمه
وجوه واحداث دارت في صميم الكتاب
والقائمه لو حكينا طالت القائمه
صوب المنصات سيري ياخفاف الركاب
لوزادت الانظمه لو جارت المحكمه
والجاهل اللي تعداه الفكر والصواب
شخبط بمرسم ولخبط وانكسر مرسمه
ماضاقت الواسعه / من قول شر الدواب
اخبارهم كاذبه / وافكارهم عايمه
صاروا مثل من في الصحرا يلم السراب
مايحسب الحق لاصحابه وهو يعلمه
يانادي القرن جمهورك رقى بالسحاب
من شجع الموج الازرق ترتفع اسهمه
واللي سال عن مأثرنا فهذا الجواب
هلالنا القرن كله يعتبر موسمه
... للشآعر سليمآن آلشدوي ...

... ...

( إذا لعب الهـــــــــــلال فخبرونــــــــي
فإن الفن منبعــــــــه الهـــــــــــــــــــــــلال ُ )

أمتع ُ ناظري بهلال نجـــــــــــــــــــد ٍ
فمن قمصـــــــانــه خلـــــق الكمـــــــــــــال ُ

فلا اليــوفي ولا الميــــــــــلان يجزي
ولا البرشـــــــا ولا حتى الريــــــــــــــــال ُ

نزيــــــد صبـــــابة ً ويزيـــــــد وصلا ً
بطولات ٍ هي السحــــــــر الحــــــــــــلال ُ

رشفناهـــــــــا كؤوساً سائغـــــــــــات ٍ
مذهـّبــــــة ً يضجُ بهــــا الجمــــــــــــــال ُ

وقلنــــا للخزائــــــــــن لن تريــــــحي
سيرهق ظهرك ِ الذهب المســــــــــــــال ُ

زعيــــــم ٌ في الملاعــب لا يبــــارى
تليــــــــن لفنه حتى الجبــــــــــــــــــــــال ٌ

هلال الحســـــم والأفعــــال يكفـــــي
ويشفـــــي القلب إن حمـــــي النـــــــــزال ُ

هلال السامــــي والشلهـــــــوب يعدو
فيلتـــهب المــــدرج حيــــن صــــــــــالوا

وجالــــــوا في النجيـــــل خيول جن ٍ
ونالــــــــــــوا من شبــــــاك ٍ لا تُــــنــال ُ

تأمـــل عزف نواف ٍ وياســــــــــــر
وقبلهما الثنيان الخيـــــــــــــــــــــــــــــال ُ

وكيف لركضهم وقع ٌ وسحـــــــــر ٌ
على إيقاعه ملنــــــــــــــــا ومــــــــــــــالوا

ومرّ على الدعيع ِ في عريــــــــــــن ٍ
تــَكسّـرُ من مهابته النبــــــــــــــــــــــــال ُ

وقف عند المحـــــاور من عزيــــــز ٍ
إلى الغنام يبهـــــــــرْك القتــــــــــــــــــالُ

وباقي الأ ُسد ِ في الميدان يـــــدنو
إلى ضرباتها الصعب المحــــــــــــــــــــال ُ

إذا لعب الزعيــــــم فقل ســـــــــلام ٌ
فإن المجد تصنعه الرجـــــــــــــــــــــــال ُ

هلال ٌ في العريجا بات عشـــــــقا ً
على أنغـــــــــــــــــــامه يحلو الوصــــــال ُ

سيبقى السحــر أزرق في بيــــاض ٍ
ويبقى المجد ما بقي الهــــــــــــــــــــــلال ُ
... مآعرف من شآعرهآ ...

... ...

البارحه مـن حزنهـا ضاقـت جماهيـر الهـلال
وانا على شان الهلال اشعر من البـارح بضيـق
شاعر ولا ادري ليه ماجاله على شعـري مجـال
وانا اعشقه عشق الملوك لخدمة البيـت العتيـق
اشجعـه مـن قبـل لبسـي للعمامـه والعقـال
ويصير شعري عقد من لولـو وياقـوت وعقيـق
بـدت علاقتنـا مـن ايـام الغـزو والاحـتـلال
يعني هو : أول حـب واول تجربـة واول رفيـق
اجامـل احيانـاْ لكـن اليـا اشغلونـي بالجـدال
ابـلا تـردد اتمـادى عشـق واولـع حـريـق
اعلن (( هلاليتي )) واماريبه على روس الطـوال
من قمة الضلع المويق لقمـة الضلـع المويـق
مع احترامي للجميع من الجنـوب إلـى الشمـال
يبقى زعيم الأنديـه والمجـد والصيـت العريـق
ماكنه الا ابداعي بقصيدتـي (( أصعـب سـؤال ))
من بحرها لأفكارها لإحساسهـا العـذب الرقيـق
سـؤال لايمكـن يحلونـه ولـو طـال المطـال
لـو يحذفـون اجابتيـن ويستعينـون بصـديـق
كن المحال يمـر موسـم فيـه ماحقـق محـال
وهذا هو اللي صعـب نرضابـه وفينـا مايليـق
ياليلـه الجمعـه تغيرتـي عـن كــل اللـيـال
فيك السعـاده مـرت وتاهـت وظـل بهالطريـق
بين الضياع وصدمه الموقـف وحسـرة وانفعـال
وصدر يضيق بـه الزفيـر اليـا تقفـاه الشهيـق
اغتيلـت الفرحـة عبـث باللخبطـة والاختـلال
كنها المحيط اليا انتحر موجه على جال المضيـق
ومن قال لي وشلون والآ كيف صـار الاغتيـال ؟
اقوله وانا ابتسم مـن شـدة الحـزن العميـق :
جانا (( بكيتا )) من فشـل أبوظبـي والمونديـال
واللي محطم منتخب سهلـة يحطـم لـه فريـق
وانا اقسـم بالله مافينـي علـى الصبـر احتمـال
بارد على عـد الأمانـي وارتـوي وابـل ريـق
يـادوي اتجـرد مـن الواقـع واسافـر للخيـال
ويادوي اغفى (( خمسة وعشرين عام )) وثم افيق
ويصير ذاك اليـوم لامـن فقـت رئيـس الهـلال
(( راشد بن عبدالعزيز )) المجد والفعـل الطليـق
وانا اشهد ان لامن ترأس مجلسه نسـل الرجـال
صار الهلال بوقتهـا فريـق عـن ميـه فريـق
... للشآعر محمد جآر آلله آلسهلي ...

... ...

الأرض تشبه للسما فأربع
خصال من الخصال...

نادي الهلال بصدرها نبراس
لهلال السمــــــــــــــــا...

واللاعبين نجوم لنجوم السما
مضـــــرب مثـــــال...

الكاس نبض قلوبهم والفوز
يجـــــري بالدمــــــا...

ابـــــيـــض على ازرق بالسمـــا
وابيض على ازرق بالهلال...

غير السما من يشبه ماله
شبيه ولا كمــــــــا...

اذا لعب نادي الهلال بفن
وابداع وجمال...

ماعاد تدري انت فوق الأرض
ولا بالسمــــــــــا...
... للشآعر عيظه آلسفيآني ...

... ...

يالهلال انتا مكانك في الصداره
انت الأول دايم وغيرك يهيم

تدري وش جمهورك الوافي شعاره
كل شيء نملكه يفدى الزعيم

ياشموخ المجد ياالعز ووقاره
يالمطر يالغيم ياأنفاس النسيم

لويباس الأرض يدري عن بحاره
ميز الأزرق غلب أرض الهشيم

واللبيب اللي فهم معنى الأشاره
يعرف ان تشجيعك الرأي الحكيم

لن من حبك نسى طعم الخساره
وأنت حبك قصة العشق القديم

كل كأس(ن) ينصنع يعرف مساره
وانت موطن للبطولات وعظيم

أحنا جمهورك لنا حق الجداره
واحنا نستاهل ومن غيرك كريم
... للشآعر فيصل آليآمي ...

... ...

وبالتوفيق للزعيم اليوم أنشاء الله الثلاث نقاط
اتمنى الرفع في اسرع وقت