[إلا ياسر 20]

السلام عليكم ورحمه الله وبركاته

والله ما ادري شلون ابدأ بالضبط بس هالشي بنفسي ولازم أقوله حتى لو هالشي ذكرنا جميعاً بمأساه الخميس الماضي

وهو بالضبط اللي حصل مع أخونا علي الحربي -رحمه الله- وهو زي ما أحنا عارفين جاي من الخرج وهي مو بهذاك البعد عن الرياض

لكن صار اللي صار والله يغفر له ويرحمه هو وصديقه الشهري رحمه واسعه أنا ماكتبت هالموضوع عشان أقلب على نفسي وعليكم جروح

بس والله ماودي ننجرح أكثر من كذا ... عشان كذا الله لايهينك كلكم ياللي جايين وماسكين خط من برا الرياض أو حتى سكان الرياض أنفسهم

تذكروا دائماً إنه فيه ناس تنتظركم أم أو أب أو زوجه أو طفل هم والله بأمس الحاجه إنهم بس يشوفونكم قدامهم فلا تحرمونهم هالشي بسبب سرعه زايده

أو إطارات(كفرات) معدومه أو تجاوزات خاطئه يعني اتوقع أو متأكد إنه ماراح يضرك أي شي لو مشيت 140 كم بالكثير

وكلها لو حسبتها بس دقايق الفرق بين الـ140 كم و 180 - 200 كم .. هذا بس اللي حبيت أقوله فهالموضوع اللي والله مخوفني كثير

يا اخوان لا تخلون دقايق تودينا وياكم لمصايب مالها أول ولا تالي الله يكفينا شرها..


الله يستر عليكم ويحفظم وييسر لكم ويوفق الزعيم الليله ويكسب الـ3 نقاط ويريحنا شوي ...


آسف ع الإطاله


إلا ياسر 20