[وجد الزعيم20]

سلملم

طابت أرواحكم بحب الهلال

وهاردلك التعادل يلي يوم الخميس

/

ثانيا

مصادري الخاصه تقول أننا بنفوز يوم الخميس فوزن أقشر بحق الاتحايين < اسكتي بس

ومصادري الخاصه ألا وهي أحساسي في البطين الأيسر يقول تسذا

ولكن

لابد نسأل عن أسباب تحقيق الفوز وكيف نفوز

أولا,

الحظور الجماهيري لازم يكون بكثره زي ماتعودنا

لكن لازم ولازم يكون هالحظور له تأثير قوي بتحفيز اللعيبه على اللعب والإبداع ولازم أبداااع

وثانياً,

اللعيبه لازم يستشعرون بداخلهم إن واجبهم هالمره هو ( رد الدين ) مثل مافازوا علينا نفوز عليهم

وثالثاً,

التشكيله ومن وجهة نظري كـ وحده مرتزه عند مباريات الهلال منذو زمن البربر والأغريق << من زمان تحب الهلال

الزبده

من خلال هالموسم أنا شفت جريتس غير بعض الشئ بالتشكيله

واللي لفت نظري التشكيله اللي لعب فيها قدام الرائد كان مقفل الوسط بشكل حلو << يعني اللي يمر من الإتحاديين يقصبونه

وهي كالتالي

/

الدعيع

لي يونج , المرشدي , هوساوي , الزوري

الشلهوب , رادوي , الفريدي , نيفيز

ويلي , يـاسر

/

ناظروا الوسط كيف

أنا عندي يقين تام بإذن الواحد الأحد لو لعبنا بهالتشكيله راح نفوز ويمكن 3/2

/

أعطونا أراءكم خلونا نشوف ومن اللي يوافقني برايي؟

واللي يخالفني يرفع أصبعه

/

أختكم من رحم الزعامه / وجــــــد

[وجد الزعيم20]

للرفــــع وين الردود ياناااااااااااااااس

[falcon.fa]

بس يا وجد التشكيله هذي بمحور واحد وصعب تلعب بمحور واحد وانت عندك واحد شطحه مثل الزوري
وغير كذا الاتحاد وسطه قوي وصعبه تقابله بمحور واحد

[أنا الهلالي والنعم]

شكرا لك أختي وجد .. يا ليت بس تقولين إن شاء الله سنفوز .. و ليس سنفوز .

[وجد الزعيم20]

إقتباس الرسالة الأصلية كتبت بواسطة falcon.fa بس يا وجد التشكيله هذي بمحور واحد وصعب تلعب بمحور واحد وانت عندك واحد شطحه مثل الزوري وغير كذا الاتحاد وسطه قوي وصعبه تقابله بمحور واحد

أخوي الفريدي قدام الرائد كان محور متقدم

يتقد بالهجمه ويرجع يدافع

ماعليك لاتخاف إذا وسطهم قوي ترى حنا وسطنا قوي

أما الزوري فوالله أني خايفه منه

[حماد 2005]

اللهم انصر الزعيم فوق كل أرض وتحت كل سماااء

[وجد الزعيم20]

إقتباس الرسالة الأصلية كتبت بواسطة أنا الهلالي والنعم شكرا لك أختي وجد .. يا ليت بس تقولين إن شاء الله سنفوز .. و ليس سنفوز .

أبشر

بس انا قلت ان شاء الله في العنوان

وكل شي بمشيئة الله

حياك أخوي

[وجد الزعيم20]

إقتباس الرسالة الأصلية كتبت بواسطة حماد 2005 اللهم انصر الزعيم فوق كل أرض وتحت كل سماااء

اللهم أمين

يارب وفق الزعيم دايم وابدا

[( رفـيـع الـشـان )]

اول شي يعطيك العافية وان شاء الله نكسب why not!!

عموماً اوافقك الرأي وهذي افضل تشكيلة لعب فيها الهلال وشفنا فيها لمسات ولعب جماعي حلووو

بس اللي انا مستغربه ان الكثير يقول ان الهلال يلعب بمهاجم واحد مع العلم ان ويلي مهاجم ثاني ابتداءً من مباراة الفتح وحتى مباراة الاتفاق وشفناه قدم مستويات رائعه .. اما مباراة الشباب فكانت لها ظروفها الخاصه وكان ويلي وسط

عقبال مانبارك لبعض يوم الخميس ان شاء الله

[للزعامة بقية00]

الحين تقولين التشكيلة زينة والوسط مضبوط ومتوقعه 3/2 ,,,

يعني شكلك متوقعة ان الدفاع بيصير مبرهج ...

[وجد الزعيم20]

إقتباس الرسالة الأصلية كتبت بواسطة Jose-Mourinho اول شي يعطيك العافية وان شاء الله نكسب why not!! عموماً اوافقك الرأي وهذي افضل تشكيلة لعب فيها الهلال وشفنا فيها لمسات ولعب جماعي حلووو بس اللي انا مستغربه ان الكثير يقول ان الهلال يلعب بمهاجم واحد مع العلم ان ويلي مهاجم ثاني ابتداءً من مباراة الفتح وحتى مباراة الاتفاق وشفناه قدم مستويات رائعه .. اما مباراة الشباب فكانت لها ظروفها الخاصه وكان ويلي وسط عقبال مانبارك لبعض يوم الخميس ان شاء الله

أحسنت أحسنت أحسنت

تفكيرك مطابق لتفكيري

ويلي كان مهاجم متأخر وياسر مهاجم صريح

وكثير نشوف ويلي يصنع له كور وعلى طول يطلع قدام يستنى أحد يناوله

فعلا هالتشكليه بتكون هي الحل الأفضل

عوافي

[مزاااج]

تشكيله ممتازه وهم الافضل
لكن وجهة نظري المتواضعه
انه كذا يكون لعب تقريبا باوراقه كامله
وانا اشوف انه يبدء المباره بمحورين ثابتين
يا عزيز اذا كان جاهز او الغنام على حساب الفريدي
ويكون عنده فرصه يلعب بالاوراق الرابحه متى ما دعت الحاجه
واللي هم الفريدي والدوسري عزوز والمحياني
تحياتي

[زين الدين الغنّـام]

..




هذي هي التشكيله اللي نطالب فيها ولا نبي غيرها , تشكيله متزنه
و نجح الهلال فيها كثير هالموسم , وبإذن الله ننفرد بالصدارهـ يوم الخميس
واللي بعدنا خلهم يرددون , ياليل ما أطولك ..




شكراً يا قريتس المنتدى

[وجد الزعيم20]

إقتباس الرسالة الأصلية كتبت بواسطة للزعامة بقية00 الحين تقولين التشكيلة زينة والوسط مضبوط ومتوقعه 3/2 ,,, يعني شكلك متوقعة ان الدفاع بيصير مبرهج ...

شوف اخوي اننا نسجل وناخذ الثلاث نقاط هذا كويس

وانت شفت الزوري والمرشدي بمباراة الشباب كان عليهم أخطاء وبربسه

عشان كذا قلت رادوي والفريدي وع الجنب شلهوب ونيفيز

وقدام ويلي

وبعدين ياسر


و"إذا قت 3/2 معناتها اننا بنكسب بحول الله ولكن بتستمر أخطاء الدفاع
اهم شي مايلعب لا الغنام ولا عزيز لان مستواهم ذحين مو بمستوى مباراة كلاسيكو

[كبير يا ((هلال))]

خلاص يا وجد بأكلم المدرب واقوله حط التشكيلة هذي
المدرب له سنين في التدريب بيقرأ المباراة بطريقته الخاصة
الى على المدرج يتفرج
وشكرا