[(( أبو غلا ))]

بسم الله الرحمن الرحيم

أخوتي في هذا الصرح الرائع لأروع نادي وأروع جمهور

السلام عليكم ورحمة الله وبركاته

أنا منذ مبطي وانا حايس بالتسجيل في هالمنتدى ويستاهل الزعيم عنا التسجيل

لكني بهالموضوع فيه لاعب والله يا أنا جامع له انتقادات وصلت عنان اللي مانب قايل

عندما تعاقد معه الهلال وحنا ماغير نتابع له مقاطع باليوتيوب ونقول عز الله مامثله

لاكن يوم جاء طلع في نظري مقلب محترم والله انه لامسك الكوره ادري وش بيسوي خلاص حركاته معروفه

يدز الكورة بعيد ويركض طبعاً الخصم خلاص عارف له يعطيه مساحه يدف الكورة بعدين يسكرعليه ولاعبنا بهالحالة يطيح كما هو معتاد

امكانياته ضعيفة بسبب انه كبير بالعمر او اصابات سابقه او مدري وش يحس فيه

لاعب من السهولة إنهاء خطورته ولايسبب إشكالية على الخصم

اكيد انكم عرفتوه (( ويلهامسون ))

لاعب مدري وش خانته بالفريق اصلاً

ان قلت وسط مايعرف يناول صح ولايرفع راسه اصلاً من الكورة

وان قلت مهاجم ماعنده مهارات ولايضرب راس حتى رجله ماهي ذيك الرجل القوية

ماعنده الا مهارة الركض

يرفع الضغط مباراة كاملة وبالأخير يجيب هدف مدري شلون ويمدحونه يخلونه من القهر بيليه

ياناس تكفون شيلوه وجيبو مهاجم صح مع ياسر

مهاجم هداااااااف

حنا عندنا لاعبين وسط يقدمون كور على طبق من ذهب لكن لايوجد مهاجم سوا ياسر مسكين تاكي بالهجوم بلحاله وتلقا ممسكينه ثلاثة

((((( اللاعب الأجني إن لم يكن أفضل من المحليين فلا يصلح بتاتاً )))))

أقترح عمرو زكي لاعب الزمالك والا ميدو << متابع الدوري المصري

فقط فيهم عيب واحد وهو عيب اللاعب الأفريقي عموماً وهو العصبية الناتجة عن الحماس الزائد

بالنهاية أتمنى عرض موضوعي والله يحييني بين أسرة زعماء القرن الآسيوي

ولكم ودي ...