[والله ذيب يا سامي]

بسم الله الرحمن الرحيم

السلام عليكم ورحمة الله وبركاته ..


كل عام وأنتم بألف خير جميعًا وتقبل الله منا ومنكم صالح الأعمال

كنت أمس أتمشى في أحد أسواق بيروت المشهورة "ABC الأشرفية"

كنت طالع من السينما حيث شاهدت الجزء الثاني من سلسلة Twilight

الفيلم راااااااائع جدًا وفيه أحداث مهمة لسير السلسلة << ما وده يحرق أكثر من كذا

المهم وأنا واقف أنتظر السيارة إلا وأخوي يطالع فيني مستغرب

أنا ما انتبهت وقلت له وش فيك ؟؟؟؟


قالي اللي وراك ذا سامي الجابر ؟؟!!!!!

أنا التفت وطالعت إلا واحد يشبه سامي الجابر

قلت يا ولد خلنا نسأله لا نكون مضيعين


والله وأناديه كابتن سامي ؟؟

قالي هلا والله

أنا من الربشة ما دريت وش أقول وش أسوي قلتله صوورة ؟؟

قال يلا


أنا ما كنت أتخيل في أحد الأيام إني بأقابله بهالطريقة

قلتله ما عندكم معسكرات تمارين ؟؟ قالي لا

ما شاء الله عليه متواضع جدًا وتصور مع كل المعجبين


المهم هو كان قاعد ينتظر الرانج يجيه إلا قلت يا ولد خلنا نسولف معه

سألته عن استعدادات الهلال لمباراة الشباب والاتحاد قالي حنا مستعدين بس المباراة بتكون صعبة


وقلتله عن إنه ما فيه مهاجم لفترة الانتقالات الشتوية بديل لويلهامسون أو نيفيز ؟؟

قالي أؤكد لك إنه ما فيه أي مهاجم وبنقعد على ياسر وويلهامسون في خط الهجوم

عاد بعدها جا الرانج دخل هو وواحد معه فيه وجحدني


بس الصراحة مقابلته شي مميز في هالعطلة


هذي الصورة للي مهم مصدقين

عاد أنا خايف من عيون الناس فقصيت صورتي





نراكم لاحقًا


وتقبلوا تحيتي ...