[N.(A).R]

بسم الله الرحمن الرحيم

السلآلآم عليكم ورحمة الله وبركاته

في يوم كنت اتمشى في أرجاء الرياض وامشي بطريق التحلية وانا باشارة التحلية الي بتقاطع العليا

لقيت لكم واحد خال طوييييل لازم تجيب لك دربيل عشان تشوفه رجله آر بي جي صناعة آيرانية تجميع روسي

سحبته وركبته بالسيارة آسولف معه

آثره ما يتكلم عربي تورط معه

وديته لواحد من أخويايي يعرف انجليزي وعرف منه ان جنسيته كاميروني

وسأله انت تعرف تلعب كورة ترجملي يقول افا عليك
وديناه واحد من الملاعب ابو عشرين ريال نجربه

حرست وشات علي انتظر دقيقة دقيقتين استناه يشوت اثره ذالخال شايت الكورة وجايه هدف

ومن قوتها وسرعتها ما شفتها

قلت لا يابوي وديناه لخويينا جريتس دخلنا النادي لقيت جريتس حاط رجل على رجل ويتفنجل قهوة

قلت يا جريتس طول الله عمرك جرب هالمهاجم واتحدى ما يعجبك اول ما شافه خاف من شكله

قال جريتس بسس هذا الي نبيه

يلا طردنا واحد من اجانبنا ووقعنا معه قمت وحبيت راسه قلت يا سلام عليك يا جريتس

بينخفض مستوى الفريق بس عادي

اهم شيء ترضي الجمهور الي يبون هالخال

قال جريتس ايه والله جنوني بهالخال

والمشكلة ان الفريق جاب 26 هدف من 9مباريات قليل مرة قلت ايه وانت صادز
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــ

وطبعًا كلكم تبغون هالشيء يصير وعلى ايش حساب مستوى الفريق

فيه ناس ما تبغى ويلهامسون وليه لأنه يراكض بالملعب

وناس ما تبي نيفيز وليه لأنه ما عجبهم

وناس ما تبي رادوي وليه مزاج

الا يبون هالخال

الفريق جالس يقدم أداء ولا أروع مع بداية ارتفاع مستوى أبو سعيد على شوي شوي

وتعاقدنا مع عيسى وعندنا الصويلح والعنبر

والله ننحسد على المهاجمين الي عندنا وتبغون مهاجم اجنبي

مادري كيف يفكرون بعض الناس

حتى اني ما عاد صرت اعلق بالمنتدى كثير

لأن كل المواضيع جاي واحد لا يفوتكم لقيت لكم خال مهاجم هذا الي بيشق الشباك

مساكين ارحمهم التفكير الفقراوي

اتمنى من كل قلبي ما عاد اشوف مواضيع تطالب بمهاجم اجنبي

وصدقوني اذا الفريق كان محتاج مهاجم جريتس ما راح يرده الا لسانه

وشبيه الريح ما راح يرده الا قلمه ويوقع

اتركوا الادارة والمدرب يشتغلون

والله راح تشوفون فريق واصل للعالمية باذن الله

عندنا مدرب ألف فريق يتمناه

عندنا ادارة حكيمة ومن أفضل الاداراة

اصبروا فان الصبر مفتاح الفرج

وسوف يكمل الهلال مسلسل الابداع الي بدأ فيه

واتمنى اني أكون قدرت أوصل المعلومة الي ابي اوصلها للأفكار المدري وين تودي

واتمنى وفقت بهالموضوع

ودمتم بخير

محبكم : ..(العاشق الولهان)..