[the kingly mido]

بسم الله الرحمن الرحيم
السلام عليكم ورحمة الله وبركاته أما بعد

صباحكم ورد حبايبي عشاق نادي القرن

أتمنى من كل قلبي مثلي مثل أي محب للهلال وليس متعصب أن نحصد الثلاث نقاط بكل روعة وإبداع من الإتفاق اليوم آداء ونتيجة

ودامك دخلت لهنا يا قارئ الموضوع أتمنى تنور موضوعي برد من يدك .. لا هنت

ماراح أزيد بالمقدمة كثير ولا راح أكتب كثير لكن .. !

موضوعي بكل بساطة خطر في بالي وأنا اقرأ أحد المواضيع في هذا المنتدى الراقي

بسم الله ابدأ

على مر العصور والمواسم ومذ بدأ تطبيق الإحتراف الحقيقي بالمملكة عندنا وحنا نفتخر بكوكبة كبيرة من اللاعبين الأجانب إللي بصراحة شرفوا أنديتهم خير تمثيل سواء في المحافل الداخلية أو الخارجية وشفنا أسماء كبار وأسماء صغار مو مشهورة لكنها أبدعت وزرعت مليون ألف إبتسامة لكل عشاق أي فريق.. حنا بنادي الهلال وأتكلم كمحب وعاشق لهذا الكيان منذ الصغر تشرفنا وفرحنا بشوفة كثير نجوم لنا ينتمون للشعار الأزرق ينتمون للبيت الأزرق ينتمون للحب الأزرق ينتمون لللبس الأزرق يعشقون الإبداع الأزرق ويسطرون أروع الملاحم الكروية والإبداعات التهديفية وكان آخرهم ولنا الفخر وليهامسون و نيفيز ورادوي ولاعبنا المحبوب المتواضع لي يونج والله إني أرفع القبعة والشماغ وكل ما أملك إحتراما وتصفيقا لعقول الإدراة الواعية في حسن الإختيار ثم لإصرار هالنجوم في تحقيق الإنجازات والآداء والتفاني في خدمة الهلال ولنا الفخر إن محترفينا كلهم دوليين وبمنتخبات بلدانهم لهم صولات وجولات والله مو لنا الفخر بكم دفعت الإدارة وبكم جبنا هاللاعب ..

دموع نيفيز وتبرع ويلهسامون الإنساني ودم رادوي وفدائية لي يونج والله أصغر دليل على مدى التفاني والحب على مدى العشق على مدى الراحة وعلى مدى حب كرة القدم في قلوب هاللاعبين للهلال أولا ثم لنا كجماهير من خلال اللعب النظيف والإبداع المشرف وحنا نشوف والله مع كل مباراة كيف حبهم يزيد وكيف حبنا يزيد وكيف يبهرونا وكيف نبهرهم

نعم يحبونا .. ونعم نحبهم .. ونتبادل الحب معهم لأننا بعد الله وقودهم المحفز

لأننا كجماهير نصف الأرض وأكبر القارات نعشق إبداعهم ويعشون أصواتنا وأهازيجنا وكل وقفة لنا معهم خسرنا تعادلنا فزنا .. نصفق ونرتقي بكل روح رياضية .. لأنا بس في الهلال نادي القرن هذا الزعيم وما له والله مثيل

نعم يبكون .. نعم ينزفون .. والله والله يتفانون في خدمة الأزرق ويتسابقون في زرع الإبتسامات وبكل روح رياضية والله لما نقابلهم بالنادي ولا خارج النادي والله والله ثم والله بكل تواضع يبتسمون لعدساتنا وأتحدى من يثبت عكس كلامي

ولكن .. !!

وهذي النقطة الرئيسية بموضوعي يا جماعة الخير


ليش ما فكرنا إنهم ينتمون لأعظم شيء فينا وموحدنا وجامعنا على كل وأي شيء

ليش ما فكرنا إنهم يدخلون الإسلام ؟

وليش ما فكرنا يهتدون ويصيرون قدوة لكل لاعب أجنبي قادم وليش ما يأثرون في كل من حولهم سواء هنا ولا في بلدانهم ؟؟

مو غلط ولا عيب ولا حرام لكن والله أكبر فخر لنا

كثير من اللاعبين شفناهم كثير مدربين شفناهم وكثير إداريين و و و و يجون ويروحون لكن ما قدرنا نأثر فيهم قليل جد إللي أسلموا

ليش ما نهدي لهم كتب عن الإسلام بلغاتهم ومنشورات عن الإسلام ..


الله يوفق الجميع يارب

ويتوفق هلالنا اليوم بإذن الله


وعلى منابر الرقي لنا طلة وفالكم طيب


محبكم

[نجم اسيا]

والله كلامك صحيح مفروض ندعوهم للاسلام

[هلالي.!]

كلام كبير من شخص كبير

يعطيك الله الف عافيه..

[مدمن طارق]

كلااااام في الصميم
كلامك درر والله
يعطيك العافية
ودي...

[raaaayeeeeg]

والله كلامك رائع جداً

دايم يدور في بالي بس ماشاء الله عليك

ابداع واسلوب رااقي

والله يهديهم للطريق الصواب

[the kingly mido]

الله يجزاكم ألف خير والله والله أتشرف بردكم كثير

ألف ألف ألف مبروك الفوز أمس يا جماعة وعقبال البطولات وحنا والله جايين يا آسيا

[سلطااان9]

عوآآفي يالغالي
تحياتي واشواقي

[the kingly mido]

حياك الله يا سلطان وأتشرف بمرورك على موضوعي

[تركي المحيميد]

ماشاء الله عليك
بالفعل أخي يجب على ادارة الأزرق المسارعه بجلب كتب عن الاسلام لهؤلاء الاعبين
لتزود محبتنا فيهم ويكونوا اخواناً لنا من الإسلام


لاعزة لنا إلا بالإسلام

[كوروساغي]

كلامك ينحط عالجرح يبرى ..
والله انا مقصرين في دعوتهم ..
مشكور وماقصرت ..

[the kingly mido]

حياكم والله والله والله نورتوا الموضوع وأنا بأحاول قد ما أقدر أجيب كتب بلغاتهم بإذن الله بعد الحج أنا حاليا خارج الرياض ..

الله يوفق الجميع

[ألمـآســهـ زرقــآء }]

:

جـزآكـ الله خير أخوي
والله إني أدعي لـ كل أجنبي بأن يفتح الله ع قلبه
ويهديـه للإسلآم ~


مثل مآ شفنآ بـ معسكر النمسآ , كآن لي يقرأ كتب عن الإسـلآم
و مثل مآ نعرف إن بعض اللاعبين الله يجزآهم خير يهـدون الأجآنب كتيبآت عن الإسلآم ودهن عود
مثل مآ ذكـر كوزمين ..

صحيح صعب إسلآمهم وتغييـر ديآنة أجدآدهم وأبآؤهم , وإسلآمهم مو بيدنـآ, لكن إنآ نسوي اللي علينآ
و نهديـهم كتيبآت عن الإسلآم , ونوصل لهم صورهـ حسنه عن الإسلآم
وبحكم إنكم تقدرون تقآبلونهـم أتمنّـى من كل قلبي إنكم تهدونهم
وإنآ مآ بيدنـآ إلآ الدعآء ~


جزآكـ الجنّه أخوي ع إهتمآمكـ
يآ رب نسمع أجآنبنـآ يسلمون ع يديكـ ويدين كل مهتم في هالشأن قريب
وتكسبون أجـر كل عمل يأدونه , وأجر كل وآحد رآح يسلم ع يدينهم ..

مشـكور

:

[&الســـ&ـــم&]

احسنت ياليت تفكيرنا ينصب على هذا

الدعوه من التعامل من تعاملنا ومن تبيان مبادئنا لهم

هنا الدعوه الحق

^_^

[the kingly mido]

الله يبارك فيكم إخواني وإن شاء الله ربي يوفق ويكتب لهم الخير والله إنا نحبهم لكن راح نعشقهم لما يكونوا مسلمين

ساعدوني وحاولوا بكتب عن الإسلام من أقرب فرع للجاليات أو صفحات بلغاتهم

[jeje-s]

الله يجزاك الف خيييير
ومعاك حق المفروض انا نحاول والله يهدي من يشاء