[غزاوي الهلال]

السلام عليكم ورحمة الله وبركاته

اخواني الكرام تعلمون اننا من اليوم بدينا فترة التوقف

وفيه اشياء كثيره وانتقادات

واتمنى من خلال موضوعي هذا اننا نناقش كذا محور او موضوع يتم طرحها بين فتره واخرى

1- قضية خطة قريتـــــــس ( 4/1/4/1 )

رأيي في هذا الموضوع
اتوقع ان قريتس هذي خطته مع كل الفرق المتوسطه والضعيفه وهي خطة الخلخلة لاتعلم من يأتيك من الخلف في لحضه واحده قد يكون 8 لاعبين في منطقه الخصم

ولكن --
قريتس بنفسه قال ان الخطه هذي فيها مغامرة كبيرة واللي يبغى نتائج ممتازه يجب ان يقبل بالسلبيات وسلبيه الخطه هي ولوج الاهداف بمرمانا

وارى ان بعض الجماهير تقسوا قريتس وخطته
يعني (( تبغون اهداف كثيره واغلاق منطقه ومايدخل مرمانا ولا هدف )) شبه مستحيل هالشي

واتوقع والله اعلم ان قريتس مع (( الشباب - الاتحاد )) سيكون هناك محورين محور مهاجم وقت الهجمه ومحور مدافع ثابت والمهاجم يعود مع الهجمه من الخصم

2- موضوع الهجوم والمهاجم الاجنبي

اذا معدل التسجيل في كل مباراة من 3 - 4 اهداف وش نبي بالمهاجم!!!! اللي مايخدم خطه قريتس اللي هي تنوع الهدافين

هل محتاجين محترف مهاجم المهم يكون عندنا مهاجم حتى لو خطأ ؟؟؟!!!

وبتحطونه بدال من ؟؟؟!!!!

ويلهامسون اللي يلعب ب 1900 مركز ؟ يدافع ويهاجم ويصنع وجناح ووسط ايمن !!!!

بدال نيفيز >>> يوم قربت تصفى مكينته من الكربنه نبي نبدله عقب مارجع يصنع ويسجل (( مدرب اللياقة لازم يتابع التمارين والحميه لنيفز فيه بطن الرجال خفيفه ))؟؟؟؟

بدال رادوي ؟؟؟ الحراثه ؟؟؟ بالدفاع بالمحور بالاطراف بالتغطيه بالصناعه بالحماس بالقتاليه !!!!

بدال لي يونق ؟؟؟ عقب مارتحنا من خانة الظهير الايمن بكل جدارة واقتدار !!!

ياجماعة الخير هذي خزعبلات ينثرها المندسين بينكم علشان يوجدون نقطه ضعف بالفريق وتكونون ضغط على الادارة والفريق واللاعبين والجهاز الفني

3- المحياني + الاحتياط

نرى ان الابواق الصفراء بدت بالنهيق والحرب الشعواء ضد طلق المحيا وانه بيروح اعارة وبأنه بينه وبين سامي او قريتس مشكلة وانه نادم على انتقاله للهلال وهالخبال حقهم

ياجماعه الخير المحياني توه يبي فرصه وهو يعرف انه بيعاني على ماينافس ياسر مع العلم انه لحد الان ان المحيانى مالعب مهاجم صريح داخل الصندوق وهو غير ابو كلبشة ماشاء الله بدقيقتين تأقلم المحياني يبيله شوي وقت وبعد توفيق الله بيوقع بشباكهم المتهالكة

4- اتمنى من الجميع يشاركنا الموضوع بحوار بناء

اللي بيكتب مشكور موضوع زين ورايك شين وموضوعك طويل ومشكور ماقصرت لايكلف نفسه يااخوان

نبي نقاش بناء

وشكرا لكم

ا خ و ك م
غـــــــزاوي الـهــــــــــلال